Wednesday, May 27, 2015

May Favorites 2015 مفضلات شهر مايو





 شهر مايو ممل وتعيس اعتقد للكل مو بس انا،، محد يحب اجواء الاختبارات :(
بس المفضلات كانت أشياء جديدة وجميلة إستمتعت بتجربتها وحااقولكم عنها بالتفصيل.. 




مفضلات المكياج

Urban Decay Naked Basics 2
هي صراحة مو نفس الواني الاساسية اللي احبها أنا اميل للبنيات الدافية أكثر
بس حسيتني استخدمتها كثير هالشهر خصوصا للوكات الصباحية وحتى أقدر استخدمها لحواجبي 
والفينيش حقها مطفي مافي لمعة واذا احتجت اخلي الوانها دافية أكثر احط بالكريس شويه من البرونزر حقي بعد مااخلص ويزبط اللوك على مزاجي.

Makeup Forever Pro Bronze Fusion 
برونزر تركيبته جل بودرة وضد المويه ثباته راائع وشكله عالبشرة مررة طبيعي ويندمج بشكل ممتاز
تركيبته جميلة وراح أكتب عنه بوست مفصل قريب 
الدرجة اللي ناسبتني M30 مو مطفية تماما جاية شويه ساتين بس مافيها شيمر راح أستخدمه بكثرة هالصيف حبيته.

Australis Contour Kit 
مرة عجبتني وحسيتها حتى أفضل شويه من انستازيا 
الالوان تقريبا متشابهة الى حد كبير بس التركيبة ثباتها اعلى وتندمج بشكل احلى عالبشرة
وصلتني من متجر @ShaziShop عالانستقرام.

MAC Extended Play Gigablack Lash
ماسكارا فرشتها رفيعة مرة وتعطي تطويل حلو وتفرق الرموش ماتعطي كثافة ماناسبتني للرموش العلوية
وماحسيتها تسوي شي بس للرموش السفلية رائعة وتحددهم وتخليهم اطول ماصرت استخدم غيرها للرموش السفلية ومن فوق أستخدم بنفت.

MAC La Vie En Rouge Lipstick
بالصيف مرة اميل لهالالوان درجات الاحمر الاورنج والكورال مرة احبها مع البرونز 
وهذا درجته جميلة مو مرة فاقعة ومطفي، للأسف ليميتد بس شبيه لروج Relentlessly Red اللي موجود على طول.


مفضلات المناكير

Sweet Almond Oil Nail Varnish Remover
من افضل مزيلات المناكير اللي جربتها!
مزيل سيفورا كنت دايما استخدمه وماجربت غيره صارلي فترة ولمن حولت على هذا حسيت فرق كبير
هو صح علبته تقليدية ولازم امسح بقطنة بس عشقته لأنه ماينشف الجلد حول الاظافر زي حق سيفورا.
بالعكس يرطب لأن من مكوناته زيت اللوز الحلو وبنفس الوقت يشيل المناكير بسرعة مااجلس افرك وقت طويل.
راح أرجع اشتريه ان شالله لو خلص مرة حبيته.


Dior Rouge 999 Nail Polish


Perfect classic red 
درجته احمر كلاسيكي راقي وانيق وتركيبة مناكيرهم كتبت عنها قبل ممتازة تنشف بسرعة ولونها قوي.


The Body Shop Mad About Blue


لون مختلف وجديد عليا مو كثير احط مناكير ازرق بس عجبتني هالدرجة مرة وراح أحطها كثير *-*


مفضلات البشرة

Clarins Double Serum 
ممتااااااز هالسيرم حقيقة منتجات كلارينس بالبشرة توب 
اشتريته بداية هالشهر تقريبا واستخدمته كل يوم قبل ماانام 
ترطيبه رائع وماحسيته مرة ثقيل أو دهني لأن تركيبته سيرم مو كريم
احب لمن أصحى بشرتي كيف فيها نضارة وترطيب ومتوازنة لا جافة ولا دهنية بستمر عليه يوميا لمن اخلص العلبة واظن راح ارجع اشتريه مرة ثانية مع انه غالي بس نتيجته ريحتني وعجبتني جدا.

Dior Creme Abricot Rouge 999
كريم للعناية بمحيط الاظافر كتبت عنه بالانستقرام 
ترطيبه علاجي انا حول اظافري مرة جاف ويتقشر ولازم عناية يومية وترطيب بشكل مستمر
هالكريم مرة ريحني أحطه قبل ماانام كل يوم واسوي مساج خفيف وماعاد تطلعلي قشور ولا احس حول اظافري جاف ابدا.

Clinique Sonic Brush
ماراح اتكلم عنها كثير لأن كتبت عنها بوست مفصل هنا

ريفيو فرشة كلينيك سونيك سيستم لتنظيف البشرة

خفيفة وسريعة بالاستخدام ومرة حبيت الغسول اللي معاها وقرب يخلص استخدمه بشكل يومي.

The Body Shop Bouncy Sleeping Mask
برضو كتبت عنه بوست كامل هنا

ريفيو باونسي ماسك للبشرة قبل النوم من ذي بودي شوب

استخدمه بدل السيرم مرتين او ٣ مرات بالاسبوع وحلو لو عندك مناسبة إستخدميه قبلها بيوم.




وبس هذه كل مفضلاتي إن شالله حبيتوها وأشوفكم ببوست قريب :*




❤❤

Twitter | Instagram | Email



2 comments:

  1. يعطيك العافيه وفاء

    ReplyDelete
  2. خيااًل الاظافر حبيتهم!
    بلوق بوست جميل :)
    xoxo | http://speciallyher.blogspot.com/

    ReplyDelete

Related Posts Plugin for WordPress, Blogger...