March Favorites 2013 مفضلات شهر مارس

أبدأ بمفضلات العناية بالجسم

- كريم Velvet Tuberose من B&BW 

قبل فترة تكلمت بإنستجرام عن كمية كرهي لباث ن بودي ووركس لوول ومازلت عند كلامي مستحيل أرجع أشتري منهم أي منتجات للجسم بس راح أشتري شموع هي أكثر شيء تعجبني في المحل

كرهتهم لأني أخذت من عندهم منتجات كثيرة وقت التخفيض وإنصدمت فيهم ماحبيتهم أبدا والكريم هذا كان مركون عندي من الصيف وإكتشفت إني ظالمته شوية xp

 اللي حبيته فيه ريحته مررة جميلة ونظيفة وثابتة نوعا ما بس مايعطي ترطيب :)

- مرطب اليد Thoroughly Therapeutic بالعسل وزيت بذور العنب من Burt's Bees 

أنا طلبت مجموعة عناية بيرتس بيز من متجر فانيلا ووصلتني تقريبا قبل أسبوعين ومن يومها وأنا أستخدم كريم اليد هذا بشكل يومي مرررررة حبيته ترطيبه جميل جدا وأحلى شيء إن البشرة تمتصه بسرعة مايدبق بس مشكلته إن ريحته ماهي حلوة :(

- مرطب الشفايف من Burt's Bees 

المرطب أعتقد فيه منه كذا نوع اللي عندي بالرمان وفيه لون أحمر خفيف

ترطيبه جميل جدا ويطول مو من النوع اللي بعد ساعة ينشف الشفايف بزيادة زي لابيلو :/ 

وأنا حابة أسوي ريفيو لكل منتجات بيرتس بيز اللي عندي بس بقية المنتجات ماإستخدمتهم بشكل كافي إن شالله بس أجربهم كلهم أسوي ريفيو عنهم :*

مفضلات الشعر

- كريم leave in من مجموعة المكاديميا 

سويت ريفيو للمجموعة كاملة هنا

الكريم تركته فترة *مستحيل أبطل هذه العادة أطفش من الشيء بسرعة ولازم أغير :\*

بس مؤخرا رجعتله صراحة من أحلى مرطبات الشعر اللي جربتهم وريحته أعشقها :')

مفضلات المكياج

- كونسيلر/هايلايتر Match Perfection من ريميل

ماأشوف إنو كونسيلر أقدر أقول إنو أقرب للهايلايتر بس مع تغطية خفيفة!

يعني اللي عندها هالات غامقة ماراح يناسبها أو لازم تستخدم مصحح قبله بس كتغطية خفيفة وإضاءة تحت العين مرة جميل وأحب أستخدمه بالمكياج النهاري لأنه خفيف وقوامه سائل مايتكتل.

- كحل ذا بودي شوب 

أنا ماأحب أستخدم أقلام الكحل وكنت أستخدم الجل أيلاينر بالفرشة داخل العين وأحس الطريقة هذه حسست عيني بزيادة وصارت تحمر وتدمع وتسوي مشاكل خصوصا وإني ألبس عدسات نظر وعيوني أصلا حساسة فعشان كذا رجعت للقلم :(

قلم ذا بودي شوب مع إنو مو مرة ثابت بس ناسب عيوني وماحسسها وإستخدمته كثير هالشهر.

- ماسكارا Colossal من مايبلين

اللي متابعتني بتويتر تعرف قد إيش تعجبني هالماسكارا دايما أنصح فيها :*

وبصراحة بالشهرين اللي فاتو إشتريت ٣ ماسكارات درق ستور من ريميل وبورجوا (تكلمت عنهم بإنستجرام) وماسكارا ثانية من مايبلين الأورنجيه كلهم ماحبيتهم :(

ورجعت أخذت هذه الماسكارا مجربتها من قبل ومرة أحبها وبالنسبة ليا أحلى ماسكارا بالدرق ستور تعطي كثافة وتطويل وماتتكتل ولا تلصق الرموش ببعض

أحب فرشتها إنها ثابتة ماهي rubbery وتتحرك زي الأورنجيه مررة كرهت فرشتها!!

- روج ماك Party Parrot

أدري تكلمت عنه بكذا بوست بس مررررة جميييل اللون لا يقاوم *-*

نسيت إن عندي أرواج غيره كل ماطلعت أحطه ومن الأرواج اللي إنسألت عنها لونه مميز

بس خلاص ماراح أحطه كثير عشان ماأطفش منه xp

مفضلات الأظافر

- توب كوت Insta-dri من سالي هانسن

التوب كوت هذا يريح القلب لووول

يعني أقدر أحط المناكير وماأشيل هم أستنى وقت طويل عشان تنشف *ماعندي صبر :\*

ينشف المناكير بأقل من دقيقة ويعطي لمعة جميلة ( مو اللمعة القليتر لا اللمعة اللي عكس المطفي xp )

مرة أنصحكم تجربونه أعتقد سعره ٢٥-٣٠ ريال وسالي هانسن موجودة بأيكونك

- مناكير Fashion gris-gris رقم ٤٩ من بورجوا 

لونه رمادي بأندر تون بنفسجي مرة حبيت اللون وهذه صورة له من النت

- مناكير Petite Pink رقم ٨٨ من سالي هانسن

مالقيتله صورة بس لونه بينك بلمعة خفيفة جميل حبيته

 

وأخر شيء مفضلات الأكل

تقريبا كان فطوري بأغلب الأيام xp

أحب أضيف عليه موز أو فواكه مجففة ومرة لزيز ❤

أخذته من محل لمنتجات الدايت والأكلات العضوية بستارز أفينيو بس كمان أعتقد إني شوفته ببنده بقسم منتجات الدايت

وسعره ماني فاكره تقريبا ١٥-٢٠ ريال

That's it hope you like it and I love you all <3