The Beauty Things I Suck At TAG! تاق: أشياء تجميلية فاشلة فيها :\

تاق ظريف شوفته باليوتيوب وحبيت أسويه p;

هو عبارة عن أشياء التجميل اللي ماأعرف أسويها ومع إن عندي إهتمام بالتجميل والبيوتي 

بس ماني بيرفكت وفيه أشياء أعترف إني ماأقدر أسويها :|

١- حاولت أتعلم أسوي مانكيور بس مستحيل أزبطه عندي كل الأدوات وأشوف باليوتيوب تتوريالز سهلة وأسوي معاهم يطلع أوكي بس مافي أمل يكون شكله نظيف زي لمّا أسويه بالصالون :\

٢- إذا جيت أحط الماسكارا بما إني أحط مليون طبقة لازم تطبع على جفني وتحت العين ولا مرة حطيت ماسكارا وماطبعت لول بس أمسحها بعود إذن وتختفي.

٣- أكررررره أستخدم ال eyelash curler والحمدالله إن رموشي ماتحتاج بس المشكلة لو جيت بسوي لأحد غيري أخاف أنتفلها رموشها :|

٤- ممكن ماله علاقة مباشرة بالبيوتي بس ماأعرف أصور المنتجات للريفيو أو لو بصور لوك مكياجي أجلس ساعات أصور ومستحيل تطلع الصورة مزبوطة وواضحة زي ماأبغاها :(

٥- ماأعرف أسوي حمام مغربي مادري كيف تسووه :| أحس جلدي يتقطع إذا سويته بنفس الطريقة اللي يسووها بالسبا!! أنا أحب الليفة القلفز العادية نفس حقة ذا بودي شوب وأسكرب فيها بنعومة وممكن أستخدم الصابون المغربي بس مو بنفس طريقة الفرك الأصلية أحسها مرة قوية عالبشرة.

 ٦- نفسي ألتزم بروتين بشرة واحد دايما أغير وأجدد أحس كثرة التغيير هي اللي تعدم البشرة!

٧- ماأقدر أسوي شعري ستريت!.. هو مادري المشكلة من شعري لأنه كيرلي أو المشكلة بالأدوات أو بطريقتي ماني عارفة بس إذا سويته بالستريتنر يايطلع ميت مافيه حياة أو بعد نص ساعة يرجع يتلفلف مع إني أستخدم منتجات تخلي الشعر ستريت :||

المهم إني ولا مرة شعري صار ستريت حلو :(

٨- ماأقدر أسوي مكياج وسط يعني عين وشفايف بس لا لازم مكياج كامل بشرة وعين وكله أو ولا شيء بالمرة أطلع bare face :)

٩- بالفاشن ماأقدر ألبس أكسسوارات أبدا ممكن يكون لوكي ممل بدون إكسسوارات بس مستحيل ألبسها حدي حلق (مو دايما ألبسه كمان لول) وأحب ألبس ساعة بس وفي حلات نادرة ممكن ألبس خاتم 

وبس هذا اللي إفتكرته لدحين xp
وكل الأشياء اللي ماأعرف أسويها راح أجلس أتعلم لحد ماأزبطها إن شالله 

وبسوي تاق لككككوووووول البلوقرز ماحبيت أكتب أسماء لأني أكيد راح أنسى ماشالله صرنا كثار *-*

وحتى اللي ماعندها بلوق ممكن تشاركنا بالكومنتس تحت ;)