Wednesday, January 16, 2013

أساسيات المكياج: البرايمر وتحضير البشرة للفاونديشن Makeup Basics: How To Prepare Your Face for Makeup




من أكثر الأسئلة اللي تجيني هي عن البرايمر وتحضير البشرة قبل الفاونديشن
وليش الفاونديشن مايثبت أو إنه يتقشر عشان كذا حبيت اليوم أسوي البوست هذا ويارب يفيدكم :*
تحضير البشرة جدا مهم وهو أساس الميك اب مستحيل مكياجك أو أساسك يبين حلو أو يثبت بدون ماتحضرين بشرتك بشكل جيد قبل المكياج.

 *ملاحظة: الصور هي مجرد أمثلة بعضها جربتها وناسبتني بس مو معناتها إنها الأفضل وتحت كل صورة كتبتلكم أسماء المنتجات من اليسار الى اليمين*



الخطوة الأولى: تقشير البشرة Exfoliating

 

تسوينها مرة أو مرتين بالأسبوع وطبعا الخطوة هذه للعناية بالبشرة وماهي مرتبطة بس بالمكياج يعني لازم تكون بروتينك على طول.
وحلو لو كان عندك مناسبة تسوينها بنفس اليوم أو قبله بيوم ، تساعد على تنعيم سطح البشرة وإزالة الجلد الميت.


From left to right: Vichy Normaderm Exfoliating Gel Scrub, Clinique 7 Day Scrub Cream Rinse-Off Formula, St.ives Apricot Scrub
 
ببقية أيام الأسبوع إستخدمي غسولك العادي حسب نوع بشرتك
وبعد السكرب ممكن تستخدمين ماسك لزيادة العناية بالبشرة وبعدها تكملين روتينك بالعناية إذا تستخدمين تونر أو سيروم وهذه إختيارية مو كل الناس تحب تستخدمها.




الخطوة الثانية: الترطيب Moisturizing

 

الترطيب جدا مهم لكل أنواع البشرات وفيه أنواع مرطبات كثيرة لكل مشاكل وإحتياجات البشرة 
بس أهم شيء بالمرطب اللي تستخدمينه قبل المكياج يكون خالِ من الزيوت  oil free وممكن يكون فيه نسبة وقاية من الشمس أو تستخدمين واقي الشمس بعد الترطيب.

كل نوع بشرة لها مرطب خاص فيها

البشرة الدهنية Oily Skin

إختاري مرطبك يكون مطفي mattifying أو يتحكم بالزيوت واللمعان shine and oil control 
اللي دايما تعاني من الفاونديشن مايثبت ووجهها يلمع بعد ساعة من وضع المكياج تضيف هذه الخطوة وراح تنحل مشكلتها ;)


From left to right: Yves Rocher Sebo Specific Ultra Matt Shine Reducing Moisturizer, Vichy Normaderm Pro Mat Ultra-Mattifying Oil-Free Lotion SPF15, The Body Shop Seaweed Mattifying Day Cream


 الماركات الثلاثة هذه أعشقهم بالبشرة ومؤخرا دخلت معاهم بيوديرما
كريم إيف روشيه أستخدمه حاليا وتقريبا إشتريته ٣ مرات أستخدمه كمرطب نهاري بغض النظر إذا بحط ميك اب أو لأ ويخلي بشرتي بدون لمعة تقريبا ٤-٥ ساعات بس لاحظت لمن أغسل وجهي يروح أثره!
بس جميل وأنصح فيهم كلهم أو أي نوع مرطب مطفي من أي ماركة ثانية تناسبك لأن هذه الخطوة أساسية للبشرات الدهنية :)


البشرة الجافة Dry Skin

البشرة الجافة أعتقد تحتاج الخطوة هذه أكثر شيء لأنها ممكن تتقشر بعد المكياج وإستخدام البرايمر لوحده مايكفي إذا ماإستخدمتي مرطب جيد قبل المكياج وحتى ممكن تكتفين بالترطيب وتستغنين عن البرايمر بس إبحثي عن مرطب نهاري يناسب بشرتك ويكون خالِ من الزيوت.


From left to right: Vichy Aqualia Thermal Cream, Embryolisse Lait Creme Concentre, Chanel Hydramax + Active Nutrition Nourishing Cream


ماجربت أي نوع كريم مخصص للبشرة الجافة بما إن بشرتي مختلطة/دهنية وهذه من المنتجات اللي شفت بلوقرز بشرتهم جافة يمدحوها وزي ماقلت ممكن تلاقي نفس المنتجات بماركات ثانية.


البشرة العادية/المختلطة Normal/Combination Skin

ممكن تستخدمين أي كريم مرطب يناسب نوع بشرتك أو اللي يكون مكتوب عليه لكل أنواع البشرات for all skin types ، وإذا كنتِ حابة لوك مطفي إستخدمي مرطب مطفي وإذا تحبين لوك ديوي أكثر إستخدمي مرطب عادي


From left to right: The Body Shop Vitamin C Daily Moisturizer with SPF 30, Philosophy Hope in a Jar, Olay Total Effects Daily Moisturizer


من اللي جربتهم مرطب ذا بودي شوب جميل أحب أستخدمه بالأيام اللي مابغى لوك مطفي لبشرتي لأنه يعطي نضارة للبشرة.



وبعد ترطيب الوجه إستخدمي مرطب خاص للعين و مرطب شفايف.




الخطوة الثالثة: البرايمر Primer


ترطيب البشرة خطوة أساسية والكل لازم يسويها بس البرايمر مو كل الناس تحتاجه
يعني إذا حسيتي إن بشرتك تمام وراضية عن مكياجك وثبات المكياج بدون إستخدام البرايمر مايحتاج تستخدمينه

وبالنسبة للناس اللي تحتاج البرايمر فيه كذا نوع أنا راح أكتب عنّهم وإختاري اللي يناسبك.


- برايمرز تعطي نضارة للبشرة  Illuminating or Brightening Primer


From left to right: Estee Lauder Illuminating Perfecting Primer, Laura Mercier Foundation Primer Radiance, Benefit That Gal Brightening Face Primer, Estee Lauder Face Primer Plus, M.A.C Strobe Cream

مناسبة للبشرات الباهتة واللي تحب الديوي فينيش ، بعض هذه البرايمرز فيها ذرات صغيرة عاكسة للضوء وتعطي لمعة للبشرة ، ممكن ماتستخدمينها على كل الوجه إذا مانتي حابة كل وجهك يلمع
وممكن تخلطينها مع الفاونديشن وتعطي نتيجة جدا جميلة (هذه أحلى طريقة بالنسبة ليا لهذا النوع من البرايمرز) أو ممكن تستخدمينها كهايلايت على عظمة الخد والأنف وتعطي لمعة ناعمة.

من اللي جربتهم face primer plus من إستيه لودر والستروب كريم من ماك وحبيتهم جدا وأنصح فيهم.


- برايمر مصحح Color Correcting Primer


MUFE HD Microperfecting Primer

البرايمر الأخضر: يستخدم لو عندك إحمرار بالبشرة أو تعانين من Rosacea توزعين البرايمر المصحح الأخضر عالأماكن الحمرا بالوجه قبل الفاونديشن وراح يكنسل اللون الأحمر.
البرايمر البنفسجي: يستخدم للبشرات الصفرا الشاحبة لأن البنفسجي يكنسل اللون الأصفر.
البرايمر الوردي: يعطي نضارة للبشرات الدافئة الشاحبة.
البرايمر الأزرق: يعطي نضارة للبشرات البيضاء الباردة الشاحبة.
 البرايمر البرتقالي/ أو لون الكاراميل: يستخدم للبشرات السمراء الشاحبة واللي تعاني من الفاونديشن البيج إنه ممكن يقلب رمادي خصوصا حول الشفايف تستخدم برايمر كوركتر برتقالي قبل الفاونديشن أو ممكن تخلطين نقطة صغيرة مع الفاونديشن وراح يصير تمام.
 البرايمر الأصفر: يفتح البشرات السمراء.


- برايمر سيليكون Silicone Based Primer


From left to right: Too Faced Primed and Poreless Skin Smoothing Face Primer, Sephora Skin Smoothing Makeup Base, SmashBox Photo Finish Primer


تقريبا أغلب البرايمرز تحتوي على سيليكون لأنه منتج سحري ينعم سطح البشرة ويسهل وضع الفاونديشن وإذا إستخدمتي فاونديشن فيه سيليكون راح يساعد على إنه يثبت لوقت طويل (نصيحتي لمكياج العرائس أو المناسبات إستخدمي برايمر سيليكون + فاونديشن فيه سيليكون عشان يثبت)
البشرات الجافة يستغنون عنه لأنه ممكن يقشر أو يتكور عالبشرة لما توزعينه.



- برايمر مخصص للمسام Pore Minimizing Primer


From left to right: Clinique Pore Minimizer Instant Perfector, Clarins Instant Smooth Perfecting Touch, Benefit The POREfessional Primer

هذا النوع يندرج من ضمن برايمرز السيليكون بس مخصص أكثر لتعبئة المسام والخطوط بالبشرة 
ممكن ماتستخدمينه على كل الوجه بس عالأماكن اللي تحتاج زي الأنف والخدود والجبهة والخطوط حول الفم
طريقته توزعين كمية قليلة بالتربيت عالبشرة لحد ماتحسين إن سطح البشرة صار ناعم.


  - برايمر مطفي للمعة البشرة Mattifying Primer
 
From left to right: Philosophy Never Let Them See You Shine Primer, MUFE All Mat Mattifying Face Primer, M.A.C Matte

هذا مخصص أكثر للبشرة الدهنية وأعتقد إذا إستخدمتي مرطب مطفي نفس اللي ذكرته بالبداية ماراح تحتاجين لهذا البرايمر
بس اللي تحب تضمن إن مكياجها يكون مطفي لأطول وقت ممكن تستخدمه ، برضو أصحاب البشرة المختلطة اللي تعاني من اللمعان بس بالتي زون إستخدمي مرطب عادي ووزعي هذا البرايمر على منطقة التي زون وراح يطفيلك اللمعة لوقت طويل.



- برايمر متعدد الإستخدامات Multi-task Primer


From left to right: Garnier Skin Renew Miracle Skin Perfector B.B. Cream, The Body Shop Vitamin C Skin Boost


يعني ممكن يسوي أكثر من شيء للبشرة بمنتج واحد مثلا ترطيب - وقاية - عناية - نضارة - توحيد اللون 
مناسب بالصباح أو بالسفر إذا كنتِ حابة شيء سريع وعملي.
السيروم من ذا بودي شوب فيه سيليكون وممكن يستخدم كبرايمر ومرطب بوقت واحد ويعطي نضارة جميلة للبشرة.
البي بي كريم بجميع أنواعه ممكن يستخدم كبرايمر ومرطب وواقي ويعطي نضارة للبشرة حسب نوع البي بي كريم اللي تستخدمينه وطبعا ممكن يستخدم لوحده بس برضو يستخدم كبرايمر قبل الفاونديشن وراح يعطيكِ تغطية ويحضر البشرة بشكل جميل.



وتقريبا هذه كل أنواع البرايمرز ، بعد ماعرفتي إيش نوع البرايمر اللي تحتاجينه حسب نوع ومشاكل بشرتك طبعا التجربة خير برهان لازم تجربي وتشوفي إيش البرايمر الأنسب لك وبكذا تكون البشرة محضرة وجاهزة للمكياج وتقدري توزعي الفاونديشن بالطريقة اللي تناسبك وراح يثبت وتشوفي نتيجة جميلة ;)
وإن شالله تكونو حبيتو البوست وإستفدتو منه ، وإذا تتبعون طريقة معينة بتحضير البشرة قبل الفاونديشن أذكروها بالتعليقات عشان الكل يستفيد منها :)

Love you all xx




24 comments:

  1. شكرااااا مرا استفدت ��������

    ReplyDelete
  2. معلومات جميله ومررره مفيدة
    شكراً يا عسل على البوست الجمييل جداً

    ReplyDelete
  3. واااااو بوست جميل كنت محتاجته
    وجهي صاير هالأيام مررره شاحب مع الكريم الأساس مع أني يوم كنت في السعوديه تمام لكن أعتقد أختلاف الجو هو السبب و لا أيش رأيك؟؟

    ReplyDelete
    Replies
    1. صح ممكن تكون بشرتك جفت مع برودة الجو! إستخدمي كريم مرطب قبل الأساس وإن شالله يطلع تمام :)

      Delete
  4. مجهود تشكرين عليه اختي :-*

    عندي احمرار + مسامات

    يصير استخدم برايمرين ويا بعض خخخ مثل كوركتر اخضر والبور بروفشنل من بينفت ؟

    keep it uuuup ;-)

    ReplyDelete
    Replies
    1. إيوة الأخضر تحطينه بس عالإحمرار مو على كل الوجه وبرايمر المسام بس عالمسام عرفتي؟ يعني تغطين كل مشكلة لوحدها عشان تطلع البشرة بيرفكت ;)

      Delete
  5. Im not sure what to say ..how I could thank u ! You really inspier me alot I love u and wish u all happieness and sucsses in ur life ♡ beauty wafaa you are beound amazing ♡ may gad bless u :* ")

    ReplyDelete
    Replies
    1. Aaaw! best comment I've ever received! Thank you so much for your sweet words :') x

      Delete
  6. thank u so much for the post it really helpful <3<3

    i usually moisturizer and then wear my foundation but then my skin FLAT and dull :(

    Q_ i want my skin to look glowy and moist Not shimmery but healthy looking skin!
    what do u recommend me ???

    ReplyDelete
    Replies
    1. Sorry for the late reply! Use any sort of Illuminating primer like the ones I talked about in the post!.. I recommend Face Primer Plus by Estee Lauder. xx

      Delete
  7. مرحبا وفاء

    صراحه انتي انسانه رائعه بكل ماتعنيه الكلمه 😍
    اثق جدا باختياراتك ونصايحك
    واكثر وحده اوقف عند تويتاتها

    يالييت لو تسوين ريفيو عن العنايه بالبشره الدهنيه
    واكون شاكره لك من الاعماق
    وتاكدي انك بتكونين حليتي مشاكل ازليه لاصحاب البشرات الدهنيه :p

    ReplyDelete
    Replies
    1. يازينك كلامك مرة فرحني ربي يسعدك حبيبتي شكرا على ثقتك :')
      إن شالله وحاطته باللست من زمان بس بخلص من سلسة أساسيات المكياج اللي متأخرة فيها وببدا بالبشرة عشان ماأتلخبط :(
      ومرة شكرا لك ❤❤❤

      Delete
  8. حبيبتي مرة شكرا ع البوست المفيد جدا جدا جدا
    صراحة انا مرة تاعبني موضوع المكياج و دايما ما يضبط معي
    اول شي انا بشرتي مختلطة وفيها مسام عند الانف و الذقن و مدهنه بعد ساعه او شي في العزيمة يصير كلها مدهنة و يروح الاساس و تلمع يصير غصب عنك تمسحين اللمعان

    و حولين الفم جاف احيان بعد المكياج يبان جفاف بزيادة و ابيض يصير

    وعندي شوية تصبغات عند اعظمة الفك



    الحين كيف اختبار لكل مشكلة و منطقة برايمر

    و و عندي عيوني احسها تزيت مدري كيف هل لها برايمر خاص كمان لنه برضو الشدو فترة و يروح

    طولت عليك معليش بس شو اسوي مبتدئه جدا و اعاني صعوبة

    و الحين بعد ما اختار البرايمر المناسب بعده الاساس و بعد الكونسيلر صح ولو حبيت اسوي تحديد ملامح بالكونسيلر بكون بعد ما احط الاساس صح

    الله يوفقك صراحة لما شفت ردودك للناس الحلوة اتشجعت أسألك صراحة كثير حريم تحبس المعلومة تخاف احد يصير احسن منها و المحلات تبي تبيع بس

    ReplyDelete
    Replies
    1. لبشرتك أول شيء لازم تستخدمي مرطب يناسب البشرة المختلطة عشان يعطيك الترطيب اللي تحتاجه البشرة بس مايزيد اللمعة
      والبرايمر اللي تستخدمينه يكون يتحكم بالدهون وإستخدميه على منطقة الأنف والجبهة والدقن اللي تلمع وبعدين إبدأي بالفاونديشن وثبتيه بباودر مطفية

      عيونك يحتاج تستخدمي برايمر للأيشادو زي من إربن ديكاي أو توو فيسد وماك وغيرها من ماركات.

      وتحديد الملامح بالزبط بعد الأساس تسويه :)

      Delete
  9. الله يعطيك العافيه

    ReplyDelete
  10. مرحبا وفاء الله يعطيكي العافيه ويوفقك ويرزقك ويبارك لك
    اطلعت على مدونتك رائعه بكل ماتعني الكلمه
    وهذا اول موضوع اقراه ومو ناويه اسكر الجهاؤ الا بعد مااطلع على المدونه كلها
    تقبلي مروري ولك ودي و وردي (:

    ReplyDelete
  11. هاي .. يسعد مساك ياذوق ..
    اولاً احب اشكرك ع هالمدونة الرايقة والراقية .. وثانياً انا وجهي طويل ونحيف .. احب اعرف منك اذا فيه حيلة بالميك اب اقدر اسويها وتخفف من طوله ونحفه .. ؟! وشنو موضة الميك اب هاليومين للسهرات ..

    ReplyDelete
  12. ايه صح نسيت اقول لك اني اتشرف بمتابعتك وسعيدة جداً اني طحت ع مدونتك ☺️😊 ووووحابة اعرف عنك اكثر انتي شنو تشتغلين او شنو تدرسين وهل انتي خبيرة ميك اب او هاوية وهيك اشياء ..😉وسلامتك ..
    لك شكري اولاً واخراً ..

    ReplyDelete
  13. مجهود تشكرين عليه ،، 100/100

    ReplyDelete
  14. بنات انا مااعرف في المكياج شي حاولت اقرأ اشوف وش يناسبني من ماركات عجزت وبشرتي دهنيه الله يوفق اللي تساعدني ويجزها خييير

    ReplyDelete

Related Posts Plugin for WordPress, Blogger...