Thursday, May 8, 2014

لوك جديد مع صالون ميزون دو جويل في جدة My Experience With Maison De Joelle Salon In Jeddah



 صالون ميزون دو جويل صار موجود في جدة وفتح قريب ماصارله كم يوم D:
والصالون تابع لجويل شخصيا نفس اللي بالإمارات والرياض. 

رابط موقع الصالون 


ومكان الصالون بجدة مقابل مركز التحلية التجاري خلف القثمي للأقمشة
وهذا رقمهم: 0566882700

بشكل عام الصالون جدا راقي ومرتب ونظيف والموظفات يعاملوك بقمة الذوق والإحترام..
أنا عادة بالصوالين خصوصا إذا بعمل شعري دايما أتوتر وأخاف مايزبطولي اللون
بس بالعكس معاهم مرة حسيت إني مرتاحة ومبسوطة ومرة عجبتني النتيجة D:

أول ماتدخلي هذا الإستقبال


ديكورهم نايس وناعم مرررة حبيته..

 ومقابل الإستقبال حاطين بعض الماركات المتوفرة اللي يستخدموها وكمان تقدري تشتريها من الصالون 


موجودة عندهم ماركة ات فاكتور الجميلة اللي عملتها ريفيو هنا 


إخترت الخدمات اللي كنت حابتها وهي صبغة وقص شعر وبديكير ومناكير

طلعوني فوق وكلمتني الأخصائية فاطمة عن اللون اللي حابته وإخترت بني تشوكلت غامق 
وأول شيء عملتلي تيست على خصلة وطلع مرة مزبوط اللون ونفس طلبي الحمدالله
وكملنا باقي الشعر،، 

وغسلنا اللون وحطتلي امبولة تريتمنت من كيرستاز للشعر المصبوغ ومساج للراس


التريتمنت أعطى شعري لمعة ورطوبة تجنن.
بعد كدا قصينا الشعر أنا مرة كنت متخوفة من النقطة هذه بالذات لأني جالسة أطول شعري وماابغى أقص كثير ودايما الكوفييرات يقصرو :(
بس هيا فهمت عليا وقالتلي حاسة فيكي وماتخافي ماراح أقصرلك شعرك
وقصتلي الأطراف وشوية تدريج من قدام وسوت نفس اللي أبغاه بالزبط. 

وعملتلي سشوار ومررة إنبسطت بالنتيجة وراضية تماما عنها والأخصائية مرة كانت نايس الله يسعدها.

البديكير والمناكير



الأدوات كلها كانت جديدة ومعقمة وتعملك وإنتِ جالسة على كرسي مساج مع ميوزك هادية تحسي بإسترخاء ودلع كأنك عاملة مساج والمنتجات اللي يستخدموها أغلبها من ماركات معروفة زي OPI واليساندرو




وبس هذه الخدمات اللي عملتها وإن شالله ماراح تكون أخر زيارة ليا للصالون مرة إنبسطت فيه وراح أرجع أجرب خدمات ثانية قريب بإذن الله..
بالنسبة لأسعار الصالون والخدمات اللي الكل يسأل عنها 
الصور من موقعهم وأسعارهم مرة معقولة وحلوة 








❤❤


Twitter | Instagram | Email


9 comments:

  1. This comment has been removed by the author.

    ReplyDelete
  2. شكل المكان مرة حلو

    L&L - http://sisterblend.blogspot.com

    ReplyDelete
  3. شركة مكافحة حشرات بمكة
    شركة صقر البشاير تقدم لكم افضل الاسعار فى خدمات مكافحة الحشرات حيث تقدم لكم الخدمة بمكة والطائف من خلال فنيون متخصصون وبأستخدام افضل المبيدات الآمنة على البيئة والاطفال
    حيث نقضي على الحشرات بشكل نهائي ونقوم بأبادتها
    مكافحة حشرات بمكة
    شركة مكافحة حشرات بالطائف
    مكافحة حشرات بالطائف
    اتصل بنا : 0500941566
    http://www.elbshayr.com/3/Pest-control

    ReplyDelete
  4. Thanks alot شكرا على الريفيو الجميل مرة ساعدني

    ReplyDelete
  5. شركة عزل اسطح بجدة
    العزل من الأعمال الهامة جداً الذي يحتاج إليها الجميع فهي تحمي الأسطح وتحمي الخزانات من الشقوق أو الصدأ أو تسربات المياه، وتتم عملية العزل سواء بالخزانات المصنوعة من البلاستيك أو من الصاج، ويقوم بأعمال العزل فريق متميز ومحترف جداً في عمله، لديه الخبرة الواسعة في أعمال العزل المختلفة التي تتم للأسطح والخزانات والمسابح، فهو يحافظ عليها من العوامل المحيطة بينا

    ReplyDelete

Related Posts Plugin for WordPress, Blogger...