Wednesday, March 30, 2016

مواقع المكياج الامريكية المفضلة عندي للتسوق اون لاين




هذا البوست اعتقد المفروض من سنين اسويه! دايما اتكلم عن المواقع اللي اطلب منها وسويت كذا بوست عن طريقة الطلب لكذا موقع بس حبيت اجمع كللل شي ببوست واحد يسهل عليكم بالبحث وترجعوله متى مااحتجتو.




المواقع اللي بتكلم عنها هي اللي تجمع كثير ماركات بمكان واحد سواء هاي اند او درق ستور ماراح اتكلم عن موقع ماركة معينة زي ماك او تارت لا اللي بس فيها اكثر من ماركة مع بعض ومجربتهم شخصياً لان مواقع الماركة نفسها معروفة ومضمونة بس المواقع اللي تضم اكثر من ماركة ممكن بعضكم يتخوف منها فبقولكم على تجربتي والمواقع المضمونة اللي اعرفها وغير المواقع اللي بذكرها ممكن اكون ماجربتها.

بالنسبة لأهم واشهر واضمن المواقع:



هو ديبارتمنت ستور نفس دبنهامز عندنا مثلا وله موقع اون لاين يضم كثييير ماركات مكياج وعناية وعطور اغلبها هاي اند، حتى ماركات شنط وملابس شوزات اكسسورات، ملابس اطفال ورجال وغيرهم. 
بس اللي بتكلم عنه المكياج اكثر شي.



عندهم شحن دايركت للسعودية لكن اغلبية ماركات المكياج ماتنشحن دايركت لازم صندوق بريد امريكي. 
فيزا الدفع انا زي مااقولكم دايما احط عنوان الفاتورة نفس عنوان الشحن وتمشي معايا تمام واعملو نفس الشي وان شالله ماتصير مشكلة.

في عندهم مشكلة وحدة ان ممكن شحنهم يصير على دفعات. يعني لو طلبتي منتجات كثير ممكن يشحنوها كلها ويبقى كم منتج يشحنوه ببوكس ثاني! هذه المشكلة شخصيا ماقد واجهتني بس ممكن تحصل. 
لو عندك ورلد شيب او شركة تجمع شحنات ماراح تكون ازمة كبيرة بس لو شوب اند شيب ارامكس قهر راح تدفعي شحن على كل بوكس لحاله.



فانتي اتأكدي قبل الطلب يكتبلك تحت كل منتج متى التاريخ المتوقع للشحن زي بالصورة اذا شفتيهم كلهم نفس الشي ممكن ماراح تصير هذه المشكلة ان شالله.

غير كذا صراحة من افضل المواقع اللي اطلب منها وموجود عندهم حتى ماك وكثير ماركات ماهي عندنا زي اور غلاس شارلوت تيلبري كيلز 
بالنسبة لعروضهم بالبلاك فرايدي او موسم الاعياد عندهم دايما حلوة تخفيضات على كثير منتجات زي الكليراسونك واحيانا يعملو عروض زي علب منتجات هدايا بسعر ممتاز وغير هذه العروض.
وحتى مع الطلب يحطولك سامبلز حلوة وانتي تختاريها.



الموقع الثاني كمان ممتاز اللي هو



هذا الموقع مضمون ويضم كثير ماركات امريكية هاي اند غير متوفرة عندنا زي تارت ولوراك وماركة اوريجنز للبشرة .. 
الحلو فيه انه بنفس الموقع مرتبط فيه Drugstore.com يعني ماركات رخيصة ممكن تطلبي من الاثنين بسلة وحدة وطلب واحد بالمرة.
الموقع فقط يشحن لامريكا ماعندهم شحن دولي لازم يكون عندك عنوان امريكي
وممكن مايقبل الفيزا حقتنا وسوي زي ماقلتلك عنوان الشحن نفس عنوان الفاتورة 
‏Billing same as shipping 
ويمشي تمام انا هذا اللي اسويه وطلبت منهم كثير قبل.
احلى شي فيه انه بموسم الاعياد عندهم دايما كل سنة يعمل ٢٥٪‏ تخفيض على كل شي بالموقع، انا اجمع طلباتي اذا مو مستعجلة عليهم واستغل وقت التخفيض اطلبها خصوصا لو غالية زي الكليراسونك مثلا التخفيض راح يفرق بالسعر.
بالنسبة للدرق ستور المرتبط فيه نفس النظام والفكرة والماركات اللي يضمها كثير عاد ماركات الدرق ستور الامريكية تجنن واسعارهم رخيصة بشكل خيالي مقارنة بالاسعار عندنا. 




الموقع الثالث مو كثير اتوقع يعرفو عنه بس انا دايما اطلب منه هو كاميرا ريدي
هذا الموقع يضم ماركات الميك اب البروفيشنال يعني اللي يستخدموها اكثر شي الميك اب ارتيست وماركات ماهي موجودة بالمواقع اللي ذكرتها فوق
زي بن ناي وغرافتوبيان وكريولان وامبريوليس وكيڤن اكوان وبيكا ونكس وغيرهم ومؤخرا دخلو مورفي معاهم وحتى يبيع شنط وادوات تساعد اللي يشتغلو بالميك اب كثير يعني مفيد جدا لخبيرات التجميل.
كمان بموسم الاعياد يسوي تخفيض ١٠٪‏ او ١٥٪‏ على كل شي بالموقع.
الشحن فقط داخل امريكا ويقبل الفيزا زي ماقلت قبل.





الموقع الرابع اغلبية اللي اطلب منه رموش
اللي هو ليدي موس
موجود عندهم اشكال رموش كثيرة ورخيصة وبديلة لماركات رموش غالية
احلى ماركة عندهم كوكو لاشز رموشهم نفس هاوس اوف لاشز وربع السعر تقريبا 
وعندهم رموش كارا اللي زي ريد شيري وارخص حتى.





اغلبنا يعرف انه موقع ملابس واحب اطلب ملابس من عندهم دايما بس كمان عندهم قسم بيوتي ويبيعيو ماركات حلوة زي نارس وبيكسي وغيرهم
الشحن عندهم سهل كمان ممكن يكون دايركت وسريع عالسعودية عن طريق DHL


موقع معروف ومتكلمة عنه كثير واغلبكم يعرفه 
موجود عندهم قسم بيوتي وميك اب يبيعو منتجات درق ستور رخيصة وفرش ريل تكنيك 
وديليم توولز 


هذا موقع بريطاني مو امريكي مقره بريطانيا مااعتقد يشحن برا، اذا عندك بريد ارامكس شوب اند شيب يعني عندك صندوق بريد بريطاني وتقدري تطلبي منه وانا مجربته اكثر من مرة.
اغلبه ماركات درق ستور بريطانية الصراحة معظمها موجودة عندنا بس اللي تدور على منتج معين مو نازل عندنا ممكن تلقاه بسهولة.
الدرق ستور حقنا يفشل ومو دايما تنزل المنتجات الجديدة زي ريميل ومايبلين وغيرهم.


موقع امازون 
كثير يخافو تكون منتجاتهم مقلدة بس ممكن تطلبي رموش وادوات مكياج مثلا.
انا جربت امازون طلبت ريل تكنيك قبل ومنتجات للشعر ورموش وكمان من متجر لوراك عندهم طلبت باليتات لوراك.
اذا كان المتجر موثوق تقدري تضمني انه اصلي ان شالله اقرأي تعليقات المتجر وتقييماته الامريكان مايقصرو بهذه الناحية ابدا لو متجر نصاب ينتفوه تنتيف.
ممكن يشحنلك دايركت بس حسب المنتجات اذا تخافي المكياج يوصل متكسر اشحنيه مع شركة شحن احسن.



بالنسبة لموقع سيفورا الامريكي واولتا حاولت اطلب اكثر من مرة مايقبل لان حتى عنوان شركات الشحن زي ورلد شيب وشوب اند شيب وغيرهم مايقبلوه لازم عنوان امريكي فعلي. لو عندك احد ساكن بامريكا خليه يطلبلك او اشحني لعنوانه. 


وتقريبا بس هذه تجربتي والمواقع اللي اعرفها اكيد انا ماجربت كل مواقع الحياة بس كل شي اعرفه اقوله لكم واذا عندكم اي اضافة او موقع مجربينه اذكروه نستفيد منه.
وان شالله يكون عجبكم البوست البسيط واشوفكم ببوست قريب





❤❤

Twitter | Instagram | Email

20 comments:

  1. حبببيت البوست يعطيكي الف عافيه

    ReplyDelete
  2. المواقع اللي جربتها وتوصل لحساب امريكي وما واجهت معها مشاكل هي

    Neiman Marcus / Beautylish / Cult Beauty (Uk but ships worldwide for free)/ ColorPop / MAC (excepts PayPal only) / Morphe / It Cosmetics / Too Faced.

    ReplyDelete
  3. ربي يسعدك ويعطيكي كل إلي نفسك فيه يارب وجزاكي الله خيراً

    ReplyDelete
  4. ماقصرتي ي قمررر لاتحرمينا الاشياء ابحلوه

    ReplyDelete
  5. This comment has been removed by the author.

    ReplyDelete
  6. حبيبتي الله يعطيك العافيه ماقصرتي كل شي واضح
    بالنسبه لنوردستروم وايهرب وامازون ودرق ستور طلبت منهم من قبل وجميعهم جميلات وماصار لي مشاكل معهم
    غير ضغط الشحن والتاخير لاني كنت استغل التخفيض
    بالنسبه لسيفورا جربت اطلب باقل من مية دولار وضبط معي بس ماكنت محتاجه الفلوس ولا محتاجه الطلبيه بشكل عاجل كنت بجرب
    لانهم قبل قد سحبو الفلوس وعلقوها 3 اسابيع تقريبا برضو مية دولار يمكن اقل
    فهي ع حسب المنتج والسعر مادري وش المشكلة معهم

    ReplyDelete
  7. الف شكر وفاء يسعدك ربي انتي المدونة الوحيدة اللي احب اتابعها هنا وانستقرام وكمان سناب ومستحححححييييل اعمل لكلامك سكيب لان صوتك يجلب لي السعادة والراحة النفسيه

    ReplyDelete
  8. اكثر المواقع اللي طلبت منها وحبيتها . اسوس وفارفيتش وبيوتي.كوم و نوردستروم و تشيلدرن صالون و شوب بوب >>مابقيت شي :)))

    ReplyDelete
  9. الله يعطيك العافية على الوست الجميل والمفيد جدا..

    ReplyDelete
  10. يعطيك العافيه على البوست المفيد❤️❤️

    ReplyDelete
  11. والله تدوينة رائعه ، مواقع بطله باذن الله اشري منها ، شكرا جزيلا لوقتك ولخدمتك

    ReplyDelete
  12. كلام جمييل الله يسعدك

    ReplyDelete
  13. موقع ليدي موس يحتاج عنوان امريكي
    ؟

    ReplyDelete
  14. انت انسانه رائعه وانا كررا احب اتابعك في كل البرنامج ومرا استفيد منك واثق بكل تجاربك

    ReplyDelete
  15. I can't thank you enough!
    Can I ask you about https://www.cultbeauty.co.uk?

    ReplyDelete
  16. شكراً الله يعطيكي العافية ... بجد استفدت الف شكررر ...����

    ReplyDelete

Related Posts Plugin for WordPress, Blogger...