Monday, September 3, 2012

طريقة إستخدام الكوريكتر لتغطية هالات تحت العين؟




هايات :))


أول شيء بقولكم مررة شكرا عالدعم وإن شالله يارب أكون عند حسن ظنكم :*



أوكي اليوم راح أتكلم عن شيء أنا عانيت منه من وأنا صغيرة اللي هوا الهالات ،، لأني ألبس نظارة يمكن عشان كذا زايدة عندي


 من أكبر الأخطاء اللي أشوفها اللي تحط كونسيلر مررة فاتح تحت عينها :(

كذا مايتغطى ولا شيء بالعكس تقلب رمادي ويصير لونها بشع ويزداد الوضع سوءاً
  
بس توصلت لـ طريقة تخفيها بأفضل شكل ممكن وبدون ماتكون أوفر 

هذه الطريقة تنفع للسهرات أكثر 




راح تحتاجين كوركتر برتقالي أو مشمشي + كونسيلر بنفس لون بشرتك + هايلايتر + باودر تثبيت مايلة للوردي أو الأصفر


أول شيء قبل تبدأين المكياج رطبي تحت عينك بأي كريم مرطب لتحت العين

 ويكون مناسب للإستخدام مع الميك اب


الخطوة الأولى

 إستخدمي كوريكتر بلون برتقالي أو مشمشي بس على الهالات تماما

الكوركتر إيش يسوي ؟ يخفي اللون الأزرق اللي تحت العين 

لو إستخدمتي كونسيلر بدون كوركتر تحسين لسا مبين شادو أزرق أو لون غامق

جربوا أستخدموه وشوفو الفرق


فيه بنات باليوتيوب يستخدمون روج أورنجي أو ظل كريمي أورنجي 

بس أنا أنصح بكوركتر يكون مخصص للعين أفضل 

شوفو الفيديوز هنا و هنا


من أفضل الكوركترز اللي يمدحونها بوبي براون ماجربتها بس أكيد راح أجربها


اللي عندي من ميك اب فوريفر اللي في الباليت




وماك عندهم برضو كوركتر حلو 



الخطوة الثانية

حطي الفاونديشن على كل وجهك بالطريقة اللي تحبينها 

وفوق الكوركتر بطبطبة عشان لا تمسحينه 

وبعدها حطي الكونسيلر المعتاد تحت العين اللي بلون بشرتك 

أنا أحب أوزعه بفرشة مسطحة من ماك وبعدين أطبطب عليه بإصبعي

وأوزعه كويس عشان لا يتكتل 

الكونسيلر اللي إستخدمه حاليا ميك اب فوريفر الباليت  




أنا مجربة كذا نوع كونسيلر

عشان دايما أسوي مكياج أخواتي وماما وكل وحدة تختلف اللي ثقيل واللي خفيف 

ومن الكونسيلرز الحلوة اللي جربتها

كونسيلر ماك ستوديو فكس أحبه وتقريبا نفس ميك اب فوريفرالكريمي اللي في الباليت

وعندهم درجات كثيرة



كونسيلر فل كفر من ميك اب فوريفر تغطيته مرة قوية وحلوة للبشرة اللي فوق الـ ٣٥



كونسيلر كريولاين تغطيته مرة مرة ثقيلة ماأستخدمه لنفسي 

ولمن أستخدمه أبلل الفرشة بفكس بلس من ماك بعدين أوزعه لأنه ثقيل



واللي حابة كونسيلر خفيف فيه السائل بعلبة نفس القلوس 

جربت من ماك وغيرلان وكلها حلوة بس تغطيتها خفيفة



الخطوة الثالثة

الهايلايتر

دايما للبشرات الحنطية أحب الهايلايتر يكون جاي على وردي أو نفس لون السالمون لأنه مررة ينور تحت العين

إستخدمي هايلايتر على بيج لو بشرتك سمرا
تحطينه فوق الكونسيلر وتنزلينه لتحت شويه على شكل مثلث زي في الصورة 




بعدين إدمجيه بفرشة أو بإسفنجة أهم شيء لا يبين متكتل

أنا أستخدم إما اللي بنفس الباليت حق فوريفر أو توش إيكلا من إيف سان لوران 

أو فلاش ري تتش من لانكوم ،، وديور عندهم نفس الشيء كمان



 بس أفضلهم بالنسبة ليا حق إيف سان لوران 



الخطوة الرابعة والأخيرة 

ثبتيه بالباودر أنا شخصيا أحب أستخدم باودر مايلة على وردي أحسها تنور تحت العين بالنسبة ليا



بس للبشرات السمراء الأفضل تستخدمين باودر مايلة للأصفر 

إنتِ جربي الإثنين وشوفي إيش الأحلى بالنسبة لك


أستخدم لووس باودر من ميك اب فوريفر وترى تحتاجين كمية قليييلة بس للتثبيت 

ووزعيها بفرشة فلفي نفس اللي بالصورة عشان ماتكون الباودر كثيرة
 





هذا فيديو حلو لخبيرة التجميل حنان النجادة شوفو طريقتها بالهايلايتر نفس طريقتي هنا



 تحسونه ثقيل شوية بس قلتلكم هذا للسهرات ومكان إضائته عالية وبالتصوير مررررة يطلع حلو ونظيف تحت العين


ممكن لو بتخليها للصباح تستغني عن الفاونديشن وتستخدمي تنتد موسترايزر أو بي بي كريم

وخففي الهايلايتر أو إستغني عنه تماما



وبس إن شالله تكونوا إستفدتو وأشوفكم فبوست ثاني 

باي ;)

  

4 comments:

  1. كفيتي ووفيتيُ بالشرح، وحبيت طريقتك كثير. رآح اجربها إن شاء الله..

    ReplyDelete
  2. جميل شرحك فوفو ، حبيته واستفدت منه .. ادعيلي احصل الكوركتر المنشود هههههههه
    يعطيك العافيه حبيبتي ()

    ReplyDelete
  3. لوسمحتي الهايلايتر سالوران كم سعره.؟.

    ReplyDelete
    Replies
    1. ١٩٠ ريال تقريبا أو أعلى

      Delete

Related Posts Plugin for WordPress, Blogger...