Thursday, December 25, 2014

Zoeva Brushes Review ريفيو فرش زويفا وطريقة الطلب








فرش زويفا شوفتوها في بوست مشتريات الفرش هنا 

واليوم بكتبلكم ريفيو عنها وعن كل فرشة من اللي أخذتهم حسب إستخدامي وتجربتي وأكيد طريقة الطلب.



زويفا هي ماركة المانية إشتهرو بالفرش من بدايتهم بس مؤخرا كمان نزلو ميك اب
والماركة فرضت وجودها بجودة منتجاتها العالية وسعرها المعقول
وخدمتهم الممتازة خصوصا وإنهم موقع أون لاين ومالهم محلات.

أنا حبيت أجرب الفرش أكثر شيء لأن مرة سمعت عليها مدح كثير وإخترت كم فرشة عجبوني




وعندهم مجموعات فرش متنوعة تجي مع شنطة جلد فخمة وتقدري تستخدميها كشنطة مكياج
والفرش المفردة برضو تجي بتغليف حلو وشنطة كبيرة وكل فرشة مغلفة لوحدها بمحفظة صغيرة.

صناعة الفرش عندهم مختلفة وفيه مجموعات إحترافية أكثر وبجودة أعلى
مكس بين شعر طبيعي وشعر صناعي وبعضها تكون غير مصبوغة
ومجموعة كاملة بس شعر صناعي للنباتيين اللي مايحبو يستخدمو أي فرش بشعر طبيعي.
يعني عندك خيارات وإختاري اللي يعجبك من ناحية نوع الفرشة
واللي لاحظته إن كلها مصنعة بجودة عالية وشعر نااعم جدا وحتى المعدن ومسكة الفرشة ثابتة وجودتها ممتازة.
غسلتها مرة وماطاحت ولا شعره ورجعت لشكلها الطبيعي.

المبتدئات جدا أنصحكم فيها خصوصا لو أخذتي من المجموعات الكلاسيك عندهم للوجه والعين أغلب مجموعاتهم حسيتها متكاملة ومختارينها بعناية.


ريفيو لكل فرشة من اللي طلبتهم

100/Luxe Face Finish



حجمها كبير وبزاوية وبالنسبة ليا مرة بيرفكت للبرونزر!
أوزعه فيها على حدود الوجه وتحت عظمة الخد توزعه بشكل مدموج وناعم وسريع لأنها كبيرة وشعرها ناعم بشكل خيالي :(
إذا ماأخذتي كمية كبيرة من البرونزر مستحيل يبين متكتل مع هالفرشة
وتنفع كمان لباودر الوجه لأنها نفس الشيء توزع الباودر بخفة وشكل سريع بدون لا تتكتل.


126/Luxe Cheek Finish



حجمها ممتاز للبلاشر مو صغيرة ولا كبيرة ومو جايه مرة فلفي
بالعكس شويه متماسكة وتوزعه في المكان المطلوب
لأن مو حلو البلاشر لمن يجي على حدود الأنف أو لمن ينزل عن عظمة الخد عشان كذا يفضل تستخدمي فرش بنفس هالحجم..
جميلة وأظن موجودة بأغلب مجموعات الوجه عندهم.




109/Luxe Face Paint



فرشة الكونتور الجميلة! *-* أكثر فرشة كنت متحمستلها.
تشبه فرش بنفت الصغيرة اللي تجي في بوكسات البلاشرز بس شعرها أنعم
تسوي كونتور محدد وجميل تحت عظمة الخد وحتى على حدود الأنف والجبهة وتقدري تدمجيه بنفس الفرشة
مرة رائعة وتستخدم للكونتور الباودر والكريمي عشقتها :*



227/Luxe Soft Definer



كثير ماركات حاولو يقلدو فرشة ماك ٢١٧ بس أغلبهم ماكانت بالزبط نفسها هذه اللي من زويفا بكل ثقة أقولكم نفسها بالزبط!
نفس نتيجة الدمج والنعومة وتماسك الشعر وكل شيء مافي فرق بالنتيجة اللي تعطيك ابدا وسعرها أرخص بكثير
والفرشة هذه مهم تكون عندك من أي ماركة سواء ماك أو زويفا أو سيقما لأنها مرة تريحك بدمج الشدو وتوزيعه وتعطيك نتيجة نظيفة ومرتبة.



234/Luxe Smokey Shader



هذه كمان مقاربة لثاني أهم فرشة للعيون من ماك وهي ٢٣٩
فرشة مسطحة ومتماسكة لتوزيع الشدو وتعطيك لون قوي وحسيت فرش زويفا أقرب لفرش ماك من سيقما لأن جودتها أعلى بكثير من سيقما صراحة.



228/Crease


هذه فرشة دمج بشكل يختلف شويه عن الأولى وأحسها مهمة ومااقدر أستغني عنها لأنها جايه أكبر منها ومدببه أكثر أقدر أوزع فيها شدو بالكسرة أو أدمج ألوان مع بعض بنفس مساحة كسرة الجفن ماتاخذ مساحة كبيرة وماتوزع الشدو بكل مكان.
جدا جميلة هالفرشة وكمان مرة ناعمة.






طريقة الطلب 


الموقع يشحن انترناشونال لكل مكان وعندنا بالسعودية عن طريق DHL يعني تضمني الشحنة توصل لفرع دي اتش ال بمدينتك..

يقبل فيزتنا ويقبل الباي بال أنا أستخدمته بالطلب.

رابط الموقع

https://www.zoeva-shop.de


أول ماتفتحيه من فوق عاليسار غيري اللغة إنجلش إلا إذا تفهمي لغتهم p;



بعدين عند خانة Shop تصفحي الموقع وإختاري الفرش أو المجموعة اللي تناسبك وضيفيها للباسكت عن طريق الضغط على كلمة Buy تحت كل منتج




ولمن تختاري كل المنتجات اللي حابتها تروحي للباسكت من فوق عاليمين..



تحت الباسكت إختاري الدولة اللي حابة تشحني عليها عشان يحسبلك سعر الشحن والأسعار كلها باليورو وتحويل العملة سوو بحث بقوقل.




شايفين السعر أعتبره خيالي صراحة لأني حطيت مجموعة فرش وفرشتين زيادة ومع الشحن للسعودية ماكلفت ٤٠٠ ريال
وفيه خانة الكوبون أنا ماعندي كوبون ودورت مالقيت بس لو عملو عروض ولقيتي كوبون حطيه.

بعدين تكملي قو تو تشيك أوت وتحطي معلوماتك وإسمك وإيميلك وعنوانك..




الشحن إختاري Dhl




والدفع إخترت باي بال



أخر شيء إضغطي Place Order عشان يكتمل الطلب وراح تجيك رسالة عالإيميل بالفاتورة ومتى ينشحن وكل التفاصيل.




خدمتهم بالرد ممتازة ولو واجهتك أي مشكلة تواصلي معاهم.



وبس إن شالله حبيتو الريفيو خصوصا اللي ناويين يطلبو منهم وتسوق ممتع إن شالله :*




❤❤

Twitter | Instagram | Email



20 comments:

  1. انا جلست اجمع طلباتي بالموقع ويوم جيت ادفع انصدمت انهم مايقبلون الا البل باي ورحت طلبت من موقع ثاني اسمه lovemakeup وكانت سعر الفرش عندهم ارخص .

    ReplyDelete
    Replies
    1. حلو شكرا قلتيلي على موقع ثاني يبيعهم لأن كثير نفس مشكلتك :*

      Delete
  2. Since the first time I read a blog you wrote. I haven't stopped.
    I mean Im a big makeup lover and I collect makeup. And usually I take devices from American or British bloggers.
    But when I find u it become so much easier I mean someone from my country is doing what I'm trying to do, buying online and trying new beauty products. I'm learning from you.

    I just have one more question??
    What kind of credit card you are using and which bank you are dealing with?
    because my credit card apparently it's not working with a lot of websites and I really don't know why so I am willing to change it but I do know which bank that I should go to and I am afraid that it will be the same problem as my old one. I asked and search a lot and Its so confusing. So you are kinda my teacher and why not asking you.
    I'm sorry if I was talking too much :")

    ReplyDelete
    Replies
    1. Thank you dear I appreciate your support :)
      I use tasawaq alrajhi. And with a lot of websites you have to make sure that the billing is same as the shipping address.

      Delete
  3. Thank you so much.
    This was very helpful, Zoeva brushes are on my wish list this year <3

    ReplyDelete
    Replies
    1. Hope you enjoy them, Thank you :*

      Delete
  4. مرحبا هذا الشحن دايركت صح !
    انا حابه اشحنه دايركت في حدود كم وصلك اسبوع اسبوعين ؟

    الشحن والفاتورة نفس العناوين احطها ولا ؟

    اشككككرك ياعسل على هالريفيو الجمميل مرره شكرا كنت محتاااجته الله يسعدك

    ReplyDelete
  5. مرحبا عزيزتي البوست كافي ووافي يعطيك الف عافيه
    حمستيني اني اجربها لاني اثق بتجربتك 👍

    ReplyDelete
  6. كنت مقرره اجيب لي فرش سيقما وريل تكنيك بس خلاص من بعد البوست دا شكلي حعتمد زويفا

    يعطيك العافيه ومشكوره ^^

    ReplyDelete
  7. يعطيج العافيه ع الريفيو
    ما قصرتي
    توني سوويت طلبيتي من موقهم اتريا الطلبيه بفارغ الصبر حمستيني ^^

    ReplyDelete
  8. يعطيك العافيه طلبت منهم ولما ارسلولي التتبع يدخلني على صفحة ال دي اتش ال وفي نفس صفحة الدي اتش ال معطيني رابط البريد السعودي الحين مافهمت استلمها من وين وشكرا قد الدنيا

    ReplyDelete
  9. تسلمين اختي.... وأنا الصراحه جربت فرشهم حلوة وايد

    ReplyDelete
  10. مره شكرا لك استفدت مره بس كيف اعرف اذا يقبلون فيزتي ولا لا

    ReplyDelete
  11. يعطيك العافييييية يارب ..

    عندي استفسار ؟؟ الحين الشحنه توصل لباب البيت ولا كيف ؟

    ReplyDelete
  12. طلبت من عندهم مجموعة العين صراحة كنت متوقعة جودة افضل من كذا هي مو سيئة جميلة بس توقعت شيء افضل
    اكثر شيء اعجبني سرعة التوصيل في ثلاث ايام بس ماشاءالله حتى ايهيرب ياخذ خمس ايام
    افكر اجرب فرش الوجه المفردة ممكن جودتها تكون افضل من فرش المجموعة
    يعطيك العافية❤

    ReplyDelete
  13. حبيبتي انا طالبه منهم لي ١٠ ايام ماوصلت واراجع
    وارجع dhl قالو مو عندنا !!
    مدري وين الغلط حتى العنوان صحيح 😢

    ReplyDelete
  14. انا اشتغل في التصدير و الاستيراد بين السعودية و المانيا اي شي تحتاجوه من فرش زويفا و لاغيرها كلموني على هذا الرقم 0557373440
    تحياتي
    أحمد طري

    ReplyDelete
  15. انا اشتغل في التصدير و الاستيراد بين السعودية و المانيا اي شي تحتاجوه من فرش زويفا و لاغيرها كلموني على هذا الرقم 0557373440
    تحياتي
    أحمد طري

    ReplyDelete
  16. السلام عليكم
    جربت اطلب من الموقع بس مو راضي يطلع خيار الدفع بالباي بال ايش المشكله ؟

    ReplyDelete
  17. السلام عليكم
    جربت اطلب من الموقع بس مو راضي يطلع خيار الدفع بالباي بال ايش المشكله ؟

    ReplyDelete

Related Posts Plugin for WordPress, Blogger...