اناستازيا معروفة بإنها Brow Queen على قولتهم وتسوي أغلب حواجب المشاهير
وشيء طبيعي إن منتجاتها المخصصة للحواجب بتكون ممتازة!
أنا كنت متحمسة بالذات لتجربة البوميد اللي هوا زي الجل الكريمي بس كمان عندها أقلام وباودرز حلوة وتعتبر من أفضل المنتجات للحواجب.
بعد تجربة البوميد لفترة كافية حبيت أكتبلكم ريفيو عنه في حال كنتو مفكرين تجربوه وإن شالله يعجبكم الريفيو..
وعلى فكرة اللي بالفيس شارت إستخدمت باودر لأن الجل عالورق مايبين حلو بس بوريكم سواتشات للبوميد أكثر.
Dipbrow Pomade In Dark Brown & Blonde
هو عبارة عن جل كريمي ضد المويه وثابت وإذا متعودة عالجل الكريمي من ميك اب فوريفر هذا يختلف عنه بإن تركيبته مايلة للباودر شويه أنا حسيته كذا مو مرة كريمي زيه بس برضو سلس بالرسم.
جدا مناسب للي منطقة الحواجب عندها دهنية أو تسيح لأنه ثابت حتى مع المويه مايروح لازم تستخدمي مزيل مكياج ضد المويه عشان يروح.
متوفر ب٨ ألوان وفيها اللي بأندرتون بارد (رمادي) وأندرتون دافي (أحمر)
ودايما يفضل تستخدمي للحواجب منتجات بأندرتون بارد أو رمادي عشان يبين طبيعي إلا لو شعرك أحمر أو إنتِ حابة ترسمي حواجبك بلون مايل للدافي شويه فأكيد هذا شيء راجع لك وإستخدمي اللي يريحك.
هذه سواتشز للألوان كلها من النت وبوريكم سواتشز للونين اللي عندي
بالنسبة للدرجات اللي عندي دارك براون لونها بني رمادي تناسب كثير خصوصا اللي شعرها تدرجات البني والبني الغامق والأسود بس ماراح يبين الحواجب غامقة.
ودرجة بلوند لونها أشقر رمادي مناسبة للشقر جدا وتبين طبيعية أنا لما كان شعري أفتح كنت أستخدمها مع ماسكارا ماك لو بفتح حواجبي، حاليا أخلطها مع دارك براون ويعطيني لون بني وسط.
هذه سوتشز لها
باقي الدرجات
درجة ايبوني Ebony هي أغمق درجة موجودة بالبوميد اللي شعرها أسود أو تحب حواجبها تكون غامقة تستخدمه وبرضو مايعتبر أسود لا جاي بني غامق جدا عشان مهما كان شعرك لونه أسود مايفضل ترسمي حواجبك بلون أسود لأن راح يقتل ملامحك ويقسيها مرة :(
درجة Taupe أغمق من بلوند بشويه بس نفس الشيء جايه أشقر بني رمادي.
درجة Soft Brown لونها بني فاتح دافي
درجة Medium Brown لونها بني متوسط بارد عجبني اللون وتقريبا يجي نفس الدرجة لمن أخلط بلوند ودارك براون بس أفكر أطلبه كمان.
درجة Auburn و Chocolate أندرتونهم على أحمر
طريقة إستخدامه
إستخدمي فرشة بزاوية تكون متماسكة وشعراتها قصيرة كثير ينصحو بفرشة اناستازيا أنا حاطتها باللستة إن شالله لازم أجربها بس اللي أستخدمها حاليا وجدا مرتاحة عليها فرشة سيقما E75
المنتج ممكن يبين جدا طبيعي ويجنن أو يبين ثقيل وشكله أوفر وكله يعتمد على طريقتك بالرسم.
إذا أخذتي من المنتج حاولي تشيلي الزايد منه بغطا العلبة وخلي كمية قليلة وعبي الفراغات فيه وحددي الحواجب وإدمجيه على طول ب spoolie أو الفرشة اللي زي الماسكارا ولو عندك ماسكارا قديمة غسلي فرشتها وإستخدميها لنفس الشيء.
أنا هنا بس عبيت الفراغات بحواجبي بدون ماأغير رسمتها أو أستخدم أي منتج ثاني
عشان بوريكم لونه وكيف ممكن يبين طبيعي جدا وإستخدمت درجة دارك براون وفرشة سيقما e75
فيه إختلاف بسيط بإضاءة التصوير قبل وبعد ماعرف ليش مع إني صورت بنفس الإضاءة :\
المهم تقدري تحددي الرسمة زي ماتحبي والمنتج سهل التحكم فيه.
المهم تقدري تحددي الرسمة زي ماتحبي والمنتج سهل التحكم فيه.
وعادة أستخدمه بنفس هذه الطريقة وبعده جل حواجب ماك عشان يترتب الشعر أكثر.
هنا فيديو جميل مرة لسمانثا من قناة Pixiwoo رسمت بنفس المنتج وحواجبها أصلا خفيفة بس بينت جدا طبيعية لأنها رسمت شعرة شعرة.
شوفو التتوريال جدا راح تستفيدو من طريقتها خصوصا اللي حواجبهم خفيفة
واللي مايفتح عندهم الفيديو هنا الرابط
أماكن توفره
للأسف متوفر أون لاين فقط وعند التاجرات وبمحل في دبي قريب من دبي مول لكن مو فاكرة بالزبط فين
أنا طلبته من نوردستروم وتقدرو كمان تطلبوه من نفس موقع أناستازيا كل هالموقعين تقبل فيزتنا
وسعره 18 دولار
وبس إن شالله عجبتكم التدوينة وإستفدتو منها :*
No comments:
Post a Comment