Review: Organix Argan Oil Of Morocco Hair Products ريفيو: مجموعة زيت الأرغان للشعر من اورغانيكس

المجموعة هذه متأكدة أغلبكم سامع عنها أو مجربها!

كل اليوتيوب تكلمو عنها وعليها مدح كثير وقبل أسبوعين تقريبا شفتها عندنا مررة تحمست وعلى طول أخذتها *-*

اليوم حأعملها ريفيو وأتكلم عن الأسعار وأماكن تواجدها ♥

المجموعة تحتوي على زيت الأرغان العضوي وفيتامين E ومضادات الأكسدة 

تعالج وتغذي الشعر وتعطي قوة ونعومة وترطيب ولمعان..

تستخدم لكل أنواع الشعر وآمنه عالشعر المعالج والمصبوغ

خالية من السولفيت، الباربين

شكل العلب كيوووووت لا يقاوم *-*

تشبه مجموعة المكاديميا اللي عملتلها ريفيو  هنا بس هذه أسعارها أرخص بكثير وبمتناول الجميع.

أول شيء حأبدأ بالشامبو والبلسم

Renewing Argan Oil Of Morocco Shampoo

يحتوي على زيت الأرغان العضوي وخالِ من السولفيت والباربين

يعالج الشعر ويرجعله الرطوبة واللمعة ويحمي من الحرارة..

بما إنه مافي سولفيت رغوته مو مرة عالية بس حلو وينظف من قلب بدون مايجفف الشعر بالعكس يخليه طري وناعم

وريحته جمييييييلة ونظيفة.

نتيجته مرة حلوة عالشعر سواء سشورته أو تركته كيرلي على طبيعته يخلي الكيرلز مرتبة ومافيها نفشة (السولفيت هو اللي ينفش الشعر عادةً)

سعره 49 ريال

Renewing Argan Oil Of Morocco Conditioner

يحتوي على زيت الأرغان وجوز الهند وزيت الأفوكادو وغيرهم..

مكمل للشامبو ترطيبه عالي بدون مايزيت الشعر ونفس الريحة الجميلة..

سعره 49 ريال

Curling Perfection Defining Cream

فظيييييع هالكريم!!! *-*

يعتبر Leave in conditioner تحطيه بعد الشاور يرطب الشعر ويرتب الكيرلز ومررررة يخفف النفشة

وكمان يحافظ على الشعر من الحرارة لو حبيتي تستخدميه قبل السشوار أو التصفيف

مرة حبيت نتيجته على شعري وريحته جميلة.

سعره 45 ريال

فيه منه أنواع ثانية كمان بنفس المجموعة واحد ينعم الشعر وواحد ثاني يعطي فوليوم

أنا إخترت المخصص للشعر الكيرلي واللي شعرها ناعم وخفيف ممكن تختار اللي يعطي فوليوم للشعر..

Renewing Argan Oil Of Morocco Penetrating Oil 

زيت الأرغان المغذي يرطب الشعر بعمق ويرجعله اللمعة والحيوية ويحمي من الضرر والحرارة 

تستخدميه قبل الشاور وزعيه على شعرك وإعملي شويه مساج واتركيه ٥ دقايق ويفضل تلفي شعرك بمنشفة دافية

وبعدين غسليه وأنا أحب أستخدمه كمان بعد الشاور نقطة صغيرة منه مع الكريم لأن شعري جاف وأحتاج ترطيب وهذا بيرفكت.

علبته كيوت وجدا عملية لأنها بلاستيك حق المكاديميا قزاز وماأقدر أخذه معايا بالسفر عشان كذا حبيت هذا.

سعره 45 ريال

كمان فيه منه نوع أخف ومناسب للي شعرها خفيف ودهني.

بشكل عام مرة حبيت المجموعة إحساسها جميل p;

ترطب وتنعم الشعر وكمان ريحتها جميلة راح أرجع أشتريها مرة ثانية إن شالله وبشتري الماسك كمان

وجدا أنصحكم تجربوها

وتقدرو تلاقوها بالصيدليات الكبيرة زي صيدلية نورا في جدة وصيدلية وايتس في الرياض.

وهذا حساب الماركة بالإنستقرام

@Organix_Ksa

وتلاقو معلومات عنها أكثر وفروعها بالمملكة بهذا الحساب *أنا عرفت إنها موجودة عندنا منهم*

@BeautyBoxLTD

❤❤❤

Twitter | Instagram | Email