Tuesday, May 6, 2014

Sigma Brushes Haul مشتريات من موقع سيقما




قبل عشر أيام تقريبا طلبت كم فرشة من موقع سيقما واليوم وصلتني D:


الطلب يجي بنفس هذا التغليف ومعاه كرت شكر وورقة تعريفية فيها معلومات عن كل فرش سيقما وهدية.

وتكلمت كثير عن فرش سيقما صارلي سنة أو أكثر أستخدمهم وأقدر أحكم عليهم بكل ثقة إنهم ممتازين!
جودتهم مرة حلوة حتى مع الإستخدام الكثير والغسيل المتكرر دايما أنصح فيهم للمبتدئات والمحترفات كمان،،
عيبهم الوحيد أسعارهم اللي كل شوية يرفعوها :\

كتبت بوست سابق عن طريقة الطلب والشحن وإستخدام كود التخفيض بهذه التدوينة


وهذا رابط موقع سيقما


وكود التخفيض حق شهر مايو May2014

وعندهم نظام مع كل طلب فوق 30 دولار يعطوك هدية.


نجي للمشتريات 



على فكرة.. مرة ماأحب أطلب مجموعة دايما أحب أختار الفرش بشكل منفرد حسب حاجتي!
أقدر الماركات اللي تبيع فرشهم بشكل منفرد لأنو ماأحب أشتري مجموعة فرش وماأستخدم نصها :\

طلبت الفرشة المدببة من مجموعة سيقما كابوكي وبنتها لوول


الكبيرة رقمها F86 والصغيرة P86
عندي كم فرشة من هذه المجموعة ومرررررة حلوين بدمج الكونسيلر والكونتور
وحبيت أجرب هذه الفرشتين كمان كثير يمدحوهم للكونسيلر.



من اليمين لليسار:
- فرشة E50 حجمها كبير وناعمة أقدر أستخدمها تحت الحواجب أو للهايلايت أو كونتور الخشم.
- فرشة F75 مسطحة للكونسيلر وأحتاج أحيانا أكثر من فرشة للكونسيلر لأني أستخدمهم للشدو الكريمي والكونتور الكريمي كمان.
- فرشة E54 تستخدم لتوزيع الشدو صغيرة ومتماسكة أحتاج فرش زي كذا للشدو الغامق لأنها صغيرة توزعه بشكل محدد ومرتب أكثر.
- فرشة E35 للدمج حجمها وسط أستخدمها كثيييير فرش الدمج ماأستغني عنها أبدا! you can never have too many blending brushes ;p



من اليمين لليسار:
- فرشة E10 للأيلاينر تشبه فرشة ماك 210
- فرشة E75 بزاوية للحواجب رفيعة ومتماسكة.
- فرشة E65 بزاوية برضو للحواجب وممكن للأيلاينر والشادو وأعتقد وحدة فيهم أفضل تستخدم للشادو البودرة ووحدة للجل راح أجرب وأشوف.
- فرشة E17 تستخدم للأيلاينر جوا العين وبين الرموش والفرش اللي زي كذا مرة تريحك بالميك اب لأنها صغيرة ومحددة ماتحوس وتعطي نتيجة مرتبة.
- فرشة E11 للأيلاينر مرة صغيرة وتقريبا أرفع فرشة أيلاينر شفتها متحمسة أجربها.

وبس هذه كل الفرش اللي أخذتها ودوبي افتكرت اني نسيت أطلب فرشة كنت حاطتها بالكارت بس مادري شكلي حذفتها بالغلط مرة إنقهرت :\
كنت ابغى فرشة السوفت بليند رقم F64 بس إن شالله الطلب الجاي راح أخذها لول

والهدية كانت



فرشة E05 عندي زيها برضو جات هدية مع طلب سابق
جميلة بالجل أيلاينر وكمان أحب أستخدمها لل pinpoint concealing لتغطية عيوب البشرة تكلمت عنها بإنستغرام هالطريقة..


وإن شالله حبيتو مشترياتي البسيطة من موقع سيقما أشوفكم ببوست قريب :*



❤❤


Twitter | Instagram | Email


4 comments:

  1. حمستيني عليهم مع اني ماكنت حاطاهم في بالي ابغى اجمع في فرش ماك اول 😂

    ReplyDelete
  2. Could u please tell Where to buy sigma brushes in jeddah

    ReplyDelete
  3. When does sephora stores in jeddah have sales?thanks

    ReplyDelete
  4. فرش سيقما تبكي من الجمااال وخاصه الكابوكي تهبل ، يعطيك العافيه ، .

    ReplyDelete

Related Posts Plugin for WordPress, Blogger...