Marc Jacobs Beauty Review Part 2 ريفيو مكياج مارك جيكوبس

هذا البوست بيكون تابع لبوست سابق سويته لتجربتي مع منتجات مارك جيكوبس

هنا

حبيت اضيف عالبوست منتجات جربتها مؤخرا غير عن اللي بالبوست الاول واقولكم انطباعي بشكل عام عن الماركة ♥

 

 مازلت عند رأيي فيها اشوف مارك جيكوبس من ماركات المكياج الهاي اند اللي تستاهل سعرها لانها مو بس تعليب واسم بالعكس كمان جودتها ممتازة.

راح ابدأ بأول منتج سألتوني عنه ونازل مؤخرا مرررة كنت متحمستله

باليت الكونتور

Marc Jacobs Beauty Hi-Fi Filter Instamarc

عارفة كلنا طفشنا من باليتات الكونتور كل شويه الماركات منزلين شي بس ابدا ماقدرت افوت هذه من مارك جيكوبس

لسبب ان اعرف تركيبة بودراتهم كيف جميلة ثباتها ممتاز وتندمج تمام مع البشرة 

والسبب الثاني ان حاطين لونين اللي احتاجهم اكثر شي كونتور بني على رمادي وهايلايت بيج مصفر

فحسيتها رائعة للاستخدام الشخصي.

لون الكونتور زي ماذكرت على رمادي بس مو مرة غامق ودمجه مرة سهل عالبشرة 

الهايلايت مصفر بس مو مرة اصفر زي البنانا لا بيج على صفار شويه احبه تحت العين

ومنزلين ٣ درجات اللي عندي الوسط مناسبة للبشرات الحنطية المتوسطة.

Marc Jacobs Style Eye-Con The Starlet

باليت الاي شادو ذا ستارليت انا اولريدي عندي لوليتا تكلمت عنها قبل الوانها نتشورال طبيعية واستهلكها كثير حبيت اضيف ذا ستارليت عندي عشان الوانها مختلفة كلها شيمري وتنفع للسهرات والسموكي ودرجاتها جمييلة مرة 

وجودة الشدو زي الزبدة جربيها بالمحل وراح تنبهري فيها :(

هذه سواتشز لباليت ذا ستارليت

الذهبي اللي فيها ذهبي حقيقي مو مايل للبرونزي ولا اصفر مرررة فظيع عالجفن 

لو تحبي الالوان الشميري بالظلال راح تعجبك جدا هالباليت.

(P)Outliner Longwear Lip Pencil Prim Rose 304

 

حطيته باخر بوست مفضلات 

عندهم ٣ الوان محددات اكثر واحد حبيته هذا اللون لان يجي مع اغلب الارواج لونه مو مرة بني ولا مرة وردي ولا مرة لحمي جاي بالنص بينهم وكأنه لون شفايفك الطبيعية بس على احلى 

عجبني مرة مرة انا من الناس اللي لازم استخدم محدد حتى اهم من الروج ممكن < اعتراف قوي :*

 عشان كذا اقدر المحددات وهذا ممتاز بالشنطة لانه كمان نفس الكحل مايحتاج براية مرة حبيت هالشي.

سواتشز لمحدداتهم اللي احبه بريم روز عاليسار ♥

 

Highliner Gel Crayon Eyeliner

هالمنتج عليه تقييمات عالية وحائز على جوائز كنت مرة متحمستله

قلم كحل بس قوامه جل سواده عالي ومن النوع اللي اذا حطيتيه يثبت بمكانه مايتحرك 

عارفين فيه اقلام تندمج معاك او ممكن تسويلها سمدج بالفرشة هذا لا ثاابت وبيرفكت داخل العين

ذكرت كذا مرة ان عيوني حساسة وتدمع كثير ودايما احتاج اقلام تثبت وهذا ثبت معايا لانه ضد المويه كمان.

مايحتاج تبريه ينلف من تحت عملي بالسفر.

ترى نازل بالوان كثييييير كلها تجنن اخذت الاسود لانه اكثر شي استخدمه..

اذا تدوري على كحل ثابت جربيه راح يعجبك ان شالله ♥

Magic Marc'er Precision Pen Waterproof Eyeliner

الايلاينر من اقوى الليكيود ايلاينرز ♥

سواده رائع وثباته احلى واحلى والريشة مرة سهلة بالرسم ونفس اللي افضلها دايما 

تكلمت عنه بالبوست الاول لمارك جيكوبس بس حبيت اتكلم عليه مرة ثانية لاني اخذته اكثر من مرة ويستحق التجربة.

 

❤❤❤

Twitter | Instagram | Email