Huge IHerb Haul! #2 مشتريات من موقع اي هيرب

قبل أسبوع تقريبا تحمست مرة بموقع اي هيرب وطلبت كثير أشياء،

جربت منهم قبل كم منتج وحبيييتهم مرة ورجعت طلبت منتجات أكثر وإذا شوفتو أشياء مكررة ترى طالبة لأخواتي كمان p;

حبيت أوريكم إيش إشتريت لأن كثير منكم يحب يشوف بوستات المشتريات وكذا وأنا معاكم كمان دايما أحب أتفرج عليها :*

بس أغلب هذه المشتريات لسا بدون تجربة أخذتها بناءً على تقييماتها بالموقع ولمن أجرب كل شيء أكيد بكتب عنه بفيفورتس أو ببوست ثاني..

موضوع مهم لازم تشوفوه لو حابين تطلبو أو عندكم أي أسئلة عن الشحن وكود تخفيض وكل شيء

أنا شرحته بالتفصيل هنا 

IHERB HAUL! مشتريات من موقع اي هيرب | طريقة الطلب | كود تخفيض

Recent Makeup Haul ❥ Nars | Lime Crime | Nyx and More.. مشتريات ميك اب

المشتريات مو كثيرة والحمدلله ماكنت مجنونة وقت البلاك فرايدي وأخذت بس اللي كنت حاطة عيني عليهم من فترة p;

كلها طلبتها أون لاين بنفسي ماعدا باليت نارس، وراح أقولكم كل شيء بالتفصيل من فين طلبته،،

وأنا أشحن على عنواني في shop and ship ارامكس والكريدت حقتي فيزا تسوق من الراجحي وماواجهت أي مشكلة بهذه المواقع من ناحية الطلب والشحن.

IHerb Haul! مشتريات من موقع اي هيرب | طريقة الطلب | كود تخفيض

موقع اي هيرب مشهور ومعروف بمنتجاته الطبيعية والعضوية للشعر والبشرة والأكل وحتى عندهم مكياج زي ماركة إيلف وريل تكنيك وغيرهم،، والموقع مضمون وموثوق فيه وكل منتج تقدري تشوفي تحته تقييم أشخاص جربوه سواء كان تقييم سلبي أو إيجابي..

أسعاره معقولة وأحلى ميزة إنهم يشحنو لكل دول العالم شحن سريع ومضمون عن طريق DHL

مايحتاج صندوق بريد ولا هالكلام كله بس تحطي بياناتك ويوصل لفرع DHL في مدينتك خلال ٤ أيام وراح أتكلم أكثر عن الشحن والطلب وكود الخصم بس في البداية بوريكم إيش طلبت منهم..

..مشترياتي ماكانت كثيرة وفيه أغراض طلبتها لماما بس راح أكتب عن اللي طلبته لنفسي 

وعلى فكرة دايما تعجبني أشياء كثير بالموقع بس أحتار إيش أطلب عشان كذا سألت بإنستقرام وكتبت عندي كم منتج بطلبهم المرة الجاية *-*

Brushes Haul ❤ Sigma | Zoeva | Nars and More.. مشتريات فرش

أنا صراحة أعشق شيء إسمه فرش ميك اب!

حتى لو كان عندي فرش كثير أشوف إني أستخدمها وأستفيد منها كلها خصوصا وإني أشتغل ميك اب مو بس إستخدام شخصي.

ولوك الميك اب ممكن أستخدم فيه باليت شدو وحدة وفاونديشن واحد بس ٥٠ فرشة xD

طبعا أتعب وأطفش لمن أغسلها بس إتز أوكي إذا تريحني بالميك اب أنا راضية.

وأبدا مو قصدي إنو لازم كل وحدة يكون عندها ٥٠ فرشة بس هذه وجهة نظري واللي يريحني شخصيا ويعتمد حسب لوكاتك بالميك اب ممكن اللي ماتحط ميك اب كثير مستحيل تحتاج كمية كبيرة من الفرش وتكتفي بفرشتين أو ثلاثة حسب إستخدامك.

بوريكم اليوم إيش أخر فرش إشتريتها من زويفا وسيقما ونارس…

تغطية إيفنت تدشين مجموعة زيت الأرغان وشوية مشتريات من ذي بودي شوب The Body Shop Wild Argan Oil + Haul

يوم الخميس الماضي دُعيت لإيفنت مجموعة زيت الأرغان البرّي الجديدة من ذي بودي شوب، أشكرهم على الدعوة اللطيفة

كنت جدا متحمسة للمجموعة لأن مجموعاتهم عادة تعجبني بس كمان لأن فيها زيت الأرغان حسيتها بتكون مميزة.

وقبل الإيفنت إشتريت كمان كم حاجة من ذي بودي شوب وحبيت أنزلهم مرة وحدة ببوست واحد p;

LUSH New Sun Care Range + Mini Haul مشتريات بسيطة من لشّ

إذا كنتِ متابعة للمدونة من فترة ماراح يخفى عليك إن لشّ من محلاتي المفضلة *-*

دايما أشوف بنات يسألو إيش نجرب.. أنا صراحة جربت كثير من منتجاتهم للبشرة والجسم والشعر وكل منتج حبيته وإستمتعت فيه وحمسني أجرب كل منتجاتهم وجدا أشجعكم تجربوها كمان..

اليوم راح أتكلم عن مجموعتهم الجديدة للحماية من الشمس وعن مشتريات بسيطة منهم أخذتها أمس..

وقبل لا أبدأ محل لش بجدة موجود بستارز أفينيو وراح يفتح قريب بمجمع العرب، إنبسطت لما عرفت صراحة ستارز أفينيو كئييب ماأحبه لوول

Collective Beauty Haul: Marc Jacobs | Sephora | Lime Crime | MAC and More! مشتريات ميك اب

بوست اليوم عن مشترياتي وبعض المنتجات اللي وصلتني هدايا مجمعتهم من شهر تقريبا

أحب أجمعهم وأنزلهم مرة وحدة ببوست مشتريات وتراني أخليهم بعلبهم بكرتونة صغيرة وأحاول إني ماأفتحهم لحد ماأصورهم بس أفشل لووول

فيه بعض المنتجات جربتها وراح أكتب إنطباعي الأولي عنها وبعضها لا وأكيد راح أكتب عنهم بوقت ثاني بس أجربهم مزبوط :*

Fashion Haul! VogaCloset.Com مشترياتي من موقع

اليوم البوست بتكلم فيه عن موقع فاشن جميل إسمه

VogaCloset.Com

الموقع ببريطانيا يبيع ملابس وإكسسوارات وشوزات من ماركات كثيرة ومختلفة للنساء والرجال والأطفال

واللي يميزه إنهم يشحنو عن طريق أرامكس مباشرة للسعودية ولدول الشرق الأوسط

وعندهم عرض الشحن مجاني في هذا الشهر مايو

وكمان الحلو فيه واللي ماعندها فيزا تقدر تدفع كاش عند الإستلام متأكده كثير راح يحبو النقطة هذه D:

Sigma Brushes Haul مشتريات من موقع سيقما

قبل عشر أيام تقريبا طلبت كم فرشة من موقع سيقما واليوم وصلتني D:

الطلب يجي بنفس هذا التغليف ومعاه كرت شكر وورقة تعريفية فيها معلومات عن كل فرش سيقما وهدية.

وتكلمت كثير عن فرش سيقما صارلي سنة أو أكثر أستخدمهم وأقدر أحكم عليهم بكل ثقة إنهم ممتازين!

جودتهم مرة حلوة حتى مع الإستخدام الكثير والغسيل المتكرر دايما أنصح فيهم للمبتدئات والمحترفات كمان،،

عيبهم الوحيد أسعارهم اللي كل شوية يرفعوها :\

Beauty Haul: Bloomingdales | Redken | Soap & Glory مشتريات جمالية

متفشلة من كثر تدوينات المشتريات لول :\

بس كنت بدبي حضرت دورة للميك اب ارتيست سامر خوزامي

وطبعا مستحيل أفوت فرصة الشوبينغ مع إنه ماكان عندي وقت كثير بس أخذت كم غرض كنت حاطة عيني عليهم..

Beauty Haul: Kiko | Sephora | Drugstore ❥ مشترياتي الجمالية

سامحوني نزلت كثير مشتريات ومقصرة بالريفيوات :*

شهر مارس مرررة مزحوم بالنسبة ليا في الأسبوعين اللي فاتت كنا مرة مشغولين بزواج أختي وبرضو الأسبوع الجاي حنشغل شوية بس أوعدكم بعدها راح أبدأ بالريفيوهات لكذا منتج طلبتوه مني كلها حاطتها باللست ومانسيتها :*

المشتريات هالمرة كمان أغلبها أون لاين p;

Collective Haul: Louboutins | Kate Spade | Tarte | MAC & More مشترياتي بالفترة الأخيرة

هاي

المشتريات تعتبر تجميعية لأن بعضها من شهرين أخذتها ونزلت أغلبهم بإنستغرام بس ماتكلمت عن تفاصيل الأسعار وأماكن الشراء وكثير سألوني 

عشان كذا حبيت أسوي بوست أتكلم عنهم..

في البداية حابة أوضح شغلة عارفة كثير راح يسألو عنها لأن فيه مشتريات طالبتها أون لاين،،

 الكريدت اللي عندي فيزا تسوق من الراجحي وصندوق البريد الأمريكي حقي من أرامكس والبطاقة شغالة معايا بأغلب المواقع الحمدالله

وطريقة الشراء بسيطة بس تكون عندك الفيزا وصندوق البريد وقوقل سوي سيرش وتطلعلك الطريقة بالتفصيل :)

وأي شيء كاتبة سعره بالدولار أضربيه ب3.75 ويطلعلك بالريال.

Essie Good To Go Top Coat & Limited Addiction Nail Polish طلبيتي من متجر جمال الإلكتروني

 قبل أسبوع تقريبا وصلت طلبيتي من متجر جمال الألكتروني، جدا متعاونين وتعاملهم مريح وماأخذت يومين ووصلتني الطلبية.

هذا رابط موقعهم 

http://jmaal.com/

أكثر شيء حبيته عندهم المناكيرات! مرة كثيرة ومتنوعة وأسعارها أرخص من السوق عندنا.

طلبت من ماركة إيسي رغم كرهي لهذه الماركة بالمناكير لأنها ماتنشف بسرعة بس حبيت أعطيها فرصة ثانية وأجربها مع التوب كوت حقهم لول

Last week I received my order from  http://jmaal.com/ 

They were super nice and I got my order in less than 2 days!

I liked that they have a wide selection of nail polish brands and other beauty products & they're cheaper than our markets,

So I ordered from Essie, although I've had a bad experience with this brand because I hate when my nail polish takes forever to dry, I decided to give it a second chance and try their top coat!

Dubai Small Makeup Haul مشترياتي من دبي

اللي متابعتني بإنستغرام بتعرف إني كنت بدبي لمدة يوم واحد عشان دُعيت لإيفنت جيرجنز وراح أنزل بوست كامل عنه بهاليومين بس حبيت أسوي بوست سريع للمشتريات اللي أخذتها بهالسفرة السريعة!

ماأخذت أشياء كثيرة بس كلها أشياء كنت حاطة عيني عليها من فترة *-*

أول شيء من سيفورا دبي مول

MAC Art of the Eye Collection for Summer 2013 | Collective Beauty Haul كولكشن ماك للشرق الأوسط أرت اوف ذا أي | مشتريات

هذا البوست المفروض يكون مفضلات شهر مايو بس لسا ماجهزت فيه ولا شيء فشكله راح يتأخر شويتين 

واليوم بتكلم عن كولكشنز ماك الجديدة اللي نازلة عندنا وشوية مشتريات :*

MAC Art of the Eye Collection

الكولكشن مخصصة للشرق الأوسط وأسماء منتجاتها عربية وألوانها تناسب البشرات العربية أنا مرررة عشقتها أبدعو فيها ماك صراحة هي وكولكشن Temprature Rising اللي راح تنزل قريب.

هذه الكولكشن راح تنزل بكرا ٤ يونيو بفروع ماك عندنا وحبيت أسوي بوست مخصص لها عشان اللي حابة تاخذ فكرة عن الكولكشن قبل ماتنزل!

كولكشنز ماك الجديدة + شوية مشتريات Crying Over MAC Stereo Rose MSF :(

البوست حيكون كله رغي عن مجموعات ماك وشوية فضفضة لأني حزينة :( 

لول هو موضوع تافه بس إنقهرت شوية

صارلي أكثر من شهر أستنى كولكشن Apres Chic من ماك تنزل عشان الهايلايتر ستيريو روز

هو repromoted يعني كان نازل قبل بكذا كولكشن والناس الماكيين يعرفون قد إيش هذا الهايلايتر مشهور وأخذ ضجة ودايما يخلص بسرعة حتى الهايلايتر الثاني بورسلين بينك برضو كان نازل وعليه ضجة بس ماكنت أبغاه

المهم أول ماسمعت إن الكولكشن نزلت عندنا رحت عشانه وكانت الصدمة الكبرى إنها قالتلي مانزل عندنا وماراح يجي وحاطين بداله قولد ديبوزيت وبدال بورسلين بينك حاطين سوفت ن جنتل!!! ليييييش طيب يا****!!! :((

ممكن يكون بس بالفروع المعفنة اللي عندنا فاللي تلاقيه تجيبلي هوا وأنا أرسلها فلوس لووول < يب وصلت لهذه الدرجة xp

إن شالله ينزلوه بالكولكشن الدائمة أو يرجعوه بكولكشن قريبة :(
طيب خلاص lets move on

الكولكشنز نزلت يوم الثلاثاء اللي قبل أمس 

MAC Apres Chic Collection for Spring 2013

Haul: M.A.C ❥ LADY GAGA Fame ❥ Rimmel Kate Moss Lipstick Collection مشترياتي

شوفتو الطفل بمحل الألعاب كيف يجري ويصيح ويبغى ياخذ كل المحل؟
أنا نفس الشيء بماك xD

الهوليداي كولكشن نازلة من أكتوبر برا ونزلتلها صورة بتويتر وكنت حاطة الأشياء اللي بشتريها فبالي

ورحت أمس لماك فرع مجمع العرب لقيتها وقالولي إنها نازلة من يوم الثلاثاء

على فكرة حبيت البنات اللي بمجمع العرب غيروهم أتوقع وجابو ناس فاهمة وتصاحبت معاهم خلاص ههههه

اللي تحب تشوف الهوليداي كولكشن كاملة تشوفها هنا من موقع تمبتاليا

MAC Fabulousness Collection for Holiday 2012 + All for Glamour, Primped Out, Hang Up the Glamour

شوفت الأيشادو والليب قلاسز مو مرة شدوني بس اللي عجبني الباكجينغ *-*

والكولكشن بشكل عام مافيها منتج معين أنصحكم تاخذوه بس لو كنتو زيي تحبو تجمعو ميك اب وخصوصا ماك طلو عليها *-*

اللي أخذته هذه الشنطة الوردية مو بس عشان المنتجات اللي فيها بس مررررررة حبيت شكلها ومرة بيرفكت مع ثيم غرفتي كلها أبيض وأسود ووردي وعندي كنبة حاطة عليها خداديات فيونكات كذا نفس الديزاين وأبغى أخلي الشنطة هذه كديكور عالتسريحة

وشكلها من جوا مررة كيوت وglamourus وطبعا المنتجات الحلوة اللي بجوتها بونس ;)