IHerb Haul! مشتريات من موقع اي هيرب | طريقة الطلب | كود تخفيض

موقع اي هيرب مشهور ومعروف بمنتجاته الطبيعية والعضوية للشعر والبشرة والأكل وحتى عندهم مكياج زي ماركة إيلف وريل تكنيك وغيرهم،، والموقع مضمون وموثوق فيه وكل منتج تقدري تشوفي تحته تقييم أشخاص جربوه سواء كان تقييم سلبي أو إيجابي..

أسعاره معقولة وأحلى ميزة إنهم يشحنو لكل دول العالم شحن سريع ومضمون عن طريق DHL

مايحتاج صندوق بريد ولا هالكلام كله بس تحطي بياناتك ويوصل لفرع DHL في مدينتك خلال ٤ أيام وراح أتكلم أكثر عن الشحن والطلب وكود الخصم بس في البداية بوريكم إيش طلبت منهم..

..مشترياتي ماكانت كثيرة وفيه أغراض طلبتها لماما بس راح أكتب عن اللي طلبته لنفسي 

وعلى فكرة دايما تعجبني أشياء كثير بالموقع بس أحتار إيش أطلب عشان كذا سألت بإنستقرام وكتبت عندي كم منتج بطلبهم المرة الجاية *-*

مشترياتي

زيت جوز الهند العضوي هنا الرابط

فيه ماركات كثيرة مختلفة بالموقع قد طلبت المرة السابقة ماركة مختلفة بس هالمرة حبيت أطلب علبة كبيرة وتقريبا هذا أكبر   مقاس لقيته وتقييمه مرة عالي بالموقع ترى حجم العلبة مرة كبير ٩٥٠ مل،،

إستخدامات جوز الهند كثيرة ومرة مفيد للشعر والبشرة وحتى إزالة المكياج.. أنا أستخدمه للشعر مرة أحبه ويرطب شعري ويخليه صحي، ريحته مو نفس ريحة جوز الهند المكرر اللي عندنا هذا ريحته طبيعية وقريبة للنارجين الطبيعي زي حلاوة رافيللو. ويفضل طبعا تستخدمي جوز الهند العضوي الغير مكرر عشان تستفيدي أكثر منه ويجي جامد ويسيح بحرارة يدك .

زيت الأرغان العضوي هنا الرابط

حبيت أجربه لأنه عضوي وطبيعي ومعروفة فوائد الأرغان للشعر والبشرة وأغلب المنتجات اللي إستخدمتها للشعر وتحتوي على أرغان ماكان المكون الأساسي فيها ومخلوطة مع زيوت ثانية فحبيت أجربه لوحده وأشوف النتيجة.. ريحته حسيتها زي المكسرات المحمصة بس مو قوية بجربه إن شالله وأكيد بقولكم لو عجبني..

شامبو وبلسم للشعر بزيت الأرغان الرابط هنا و هنا

قريت بالموقع تقييمات عالية لهم ومرة تحمستلهم!! خصوصا وإنو شعري جاف ويحتاج ترطيب وهذا كاتبين إنه يرطب ومخصص للشعر العادي/الجاف والكيرلي يعني بيرفكت ليا xp

جربته بالشاور أمس كأول مرة جدا عجبني فعلا يرطب وريحته حلوة وإن شالله أجربه أكثر ولو حبيته بحطه بأتكلم عنه بالفيفورتس الشهر الجاي :*

زبدة الشيا الخام مع اللبان والمرة هنا الرابط

زي مانتو شايفين جربتها p;

ترطيبها مرة عالي وقوي ومن النوع اللي يدبق بس بيرفكت لبشرة الجسم الجافة وخصوصا بالشتا ومرة حلوة تستخدميها قبل النوم ترطيبها ثقيل وعالي وريحتها سويت حلوة ماتضايق مرة عجبتني أستخدمها ليدي ورجلي والمناطق الجافة بالجسم.. تجي جامدة ولمن تمسكيها تدفى بيدك ويسهل توزيعها.

زبدة اللوز الطبيعية هنا الرابط

اللي ماقد جربتها طعمها زي اللوز طبيعية وصحية ولذيذة للفطور ومشبعة طبعا ماتزيدي عن ملعقة كبيرة لأنها فيها دهون بس تعتبر دون صحية ومفيدة.. وفيه وصفات بالنت تقدري تسويها بنفسك إذا ماحبيتي تطلبيها وبالموقع فيه نكهات مختلفة..

طريقة الطلب وكود الخصم

طريقة الطلب جدا سهلة مايحتاج صندوق بريد لا أمريكي ولا سعودي ولا غيره بس يحتاج يكون عندك كريدت واللي عندي فيزا تسوق من الراجحي..

كود الخصم WCD243 

يخصم ١٠ دولار من طلبك إذا كان فوق ٤٠ دولار 

أو أدخلي من هذا الرابط وعلى طول راح يتفعل فيه كود الخصم

http://www.iherb.com?rcode=WCD243 

في البداية سجلي بالموقع بإيميلك والباسوورد وتختاري إذا حابة يرسلولك معلومات عن المنتجات وتخفيضات إختاري الخيار الأول وإذا مانتي حابة يرسلولك إلا معلومات عن شحنتك إختاري الخيار الثاني،،

وإتصفحي بالموقع إختاري المنتجات اللي تعجبك

مثلا إخترتي زيت جوز الهند تقدري تشوفي التقييمات حقته زي بالصورة وإذا حبيتي تشتريه إختاري أد تو باق نفس مو موضح بالصورة

وبعد ماتخلصي وتختاري كل المنتجات اللي حابتها تروحي للشوبينغ كارت من فوق عاليمين وتطلعلك السلة والمنتجات اللي إخترتيها 

الشحن حطي دولتك وإختاري دايما DHL لأنه أسرع وتضمني الشحنة توصلك سليمة وماتضيع

وسعر الشحنة يكون حسب وزنها..

وبالنسبة للكود دخليه بالمكان اللي مكتوب فيه Apply Coupon Code 

وإضغطي عالسهم الدائري اللي جنب خانة الكود عشان يتطبق

كذا اتطبق الكود وإنخصم تقريبا ١٠ دولار

بعدها نضغط Proceed to Checkout عشان نكمل الطلب.

وراح تجينا هالصفحة عبي بياناتك 

الإسم وعنوانك حطي إسم الحي ومدينتك والدولة والرمز البريدي لمدينتك سوي سيرتش بقوقل ويطلعلك

ورقم جوالك عشان لمن توصل الشحنة تجيك رسالة

ونكست بعدين تجيك بيانات الفيزا تحطي نوعها ورقمها والإسم الموجود عالبطاقة...

ونكست يجيك تختاري البيلينغ نفس الشيبينغ يكون وخلاص تعملي Place Order عشان يكمل الطلب. وراح تجيك رسالة عالإيميل إنه إكتمل ولمن ينشحن تجيك رسالة وماياخذ ٤ أيام إلا الطلب واصل لفرع dhl وراح تجيك رسالة عالجوال.

وبس إن شالله عجبكم البوست وحبيتو الموقع الجميل وقولولي إيش حابين تطلبو منهم..

❤❤❤

Twitter | Instagram | Email