October Favorites! 2014 مفضلات شهر اكتوبر

مفضلات شهر أكتوبر ماكانت كثيرة وماغيرت كثير بالمنتجات اللي أستخدمها لأنو كان شهر مرة بيزي وحضرت إيفنتات كثير ورحت دبي أكثر من مرة فما كان فيه وقت كثير أجرب أو أغير إلا بأخر الشهر وإن شالله أكتب عنهم بعدين.

 أكثر منتجات جديدة قدرت أجربها وأحبها هي هذه المفضلات الجميلة *-*

مفضلات المكياج

Lorac Mega Pro Palette

الباليت صراحة من يوم ماشوفت صورتها قبل لا تنزل وأنا عارفة إني أبغاها!

شدوات لوراك مجربتها قبل وجودتها ممتازة والألوان اللي في الباليت مرة جميلة ومتناسقة ومتكاملة ماأحتاج باليت غيرها (طبعا في الحقيقة مانقدر نقتنع بباليت وحدة لو إيش ماكانت لول)

جدا عملية حتى بتعليبها ونفعتني بأخر سفرة لدبي ماأخذت غيرها.

أخذتها من متجر لوراك الأصلي بموقع أمازون لأن موقع لوراك مايقبل الا فيزا وعنوان امريكي بس حلو إنهم وفروها في أمازون لكل العالم.

طبعا ليميتد للأسف ماادري إذا راح تنزل ولا لا مرة ثانية بس أعتقد التاجرات موفرينها.

MAC Rocky Horror Picture Show Sculpt and Shape Powder

الكت نفسها كانت ليميتد بس المنتجين اللي بالكت تنباع لوحدها في موقع ماك البرو 

والمنتجين الهايلايت Emphsize والكونتور Bone Biege 

الهايلايت لونه على ابيض مطفي بس يعكس الإضاءة بدون شيمر أحب أحطه بشكل بسيط جدا تحت العين أخر خطوة ومرة ينور المنطقة بدون لا يخرب شكل الكونسيلر أو يتكتل

الكونتور بني رمادي فاتح بيرفكت لنحت الانف وعظمة الخد للبشرات المتوسطة والفاتحة ومايبين قوي أبدا.

مرة عجبتني ومبسوطة إني أخذتها جدا عملية.

DIOR Glow Maximizer Primer

برايمر مع إضاءة بسيطة بس حسيت لمن أوزعه مايدهن البشرة ويعطي إضاءة بيرفكت تحت أي فاونديشن.

يناسب كل البشرات وتقدري تستخدميه قبل الفاونديشن أو تخلطيه معاه أو تستخدميه إضاءة على عظمة الخد بعد الفاونديشن.

Benefit  Majorette Blush

بلاشر نازل جديد من بنفت راح أعمل عنه ريفيو مخصص..

نوعه كريم تو باودر ولونه بين المشمشي والوردي جميل وناعم لكل يوم ويناسب الكل ثباته متوسط وإذا حطيتي فوقه بلاشر بودرة يزيد ثباته ويبين اللون أقوى.

Dior Forever Powder

بودرة تثبيت من ديور تجنننن!!!!

مرة عجبتني وبيرفكت بعد الفاونديشن لأنها مو ثقيلة ولا تبين باودري ومايقلب لونها وممكن تاخذيها معاك في الشنطة للتتش اب خلال اليوم ومستحيل تبين ثقيلة.

MAC Sin Lipstick

روج من ماك إسمه سِن موجود بالكولكشن الدائمة بالتعليب العادي.. مطفي ولونه عودي على بني غامق جميل مع مكياج عيون بسيط وايلاينر ورموش لأنه قوي وملفت وبيرفكت للخريف والشتا *-*

مفضلات البشرة

Bioderma Purifying Cleansing Gel

غسول حلو من بيوديرما ماحسسلي بشرتي ولا جففها والأهم ماطلعلي حبوب كذا يكون بيرفكت بالنسبة ليا!

بس الكريم اللي أخذته معاه جربته مرة وحسيته شويه جفف بشرتي وتركته ماجربته مرة ثانية عشان كان عندي إيفنتات ماابغى أغامر لوول برجع أجربه مرة ثانية عدل عشان أقدر أحكم عليه وأكتب عنه ريفيو.

I Love Raspberry & Blackberry

مادري من فين تحصلو عليه جاني هدية من موقع قولدن سنت جربته وأدمنت ريحته

هو صراحة شاور جل عادي وتقدرو تلاقو زيه بكل مكان بس لأني إستخدمته وحبيته حطيته بالفيفورتس.

The Body Shop Wild Rose Hand Cream SPF15

مرطب لليد على طول موجود بشنطتي فيه نسبة حماية بسيطة من الشمس وترطيبه مناسب للنهار مو قوي ودبق بالعكس

وريحته على ورد ناعمة.

مفضلات الشعر

المنتجين تكلمت عنهم بريفيو مفصل هنا

KOREAN BEAUTY REVIEWS @LENOSHOP تجربتي للمنتجات الكورية من متجر لينو شوب

الأورنج ماسك مرطب للشعر مرة حبيته 

والفوشي منتج يرتب الكيرلز ترى قرب يخلص لول فظيع مرة يخفف النفشة وفعلا يخلي الكيرلز بيرفكت.

مفضلات عشوائية

Starbucks Pumpkin Spice Latte

الصورة ملطوشة من إنستقرامي طبعا p;

اطلبه سكيني ومرة لزيز! اللي ماجربته لازم تجربه ترى طعمهقريب من الكرك والشاي العدني بس بدل الشاي قهوة لول

لأن فيه نفس البهارات تقريبا. عجبني وأدمنته طول الشهر كل مرة أروح ستاربكس أطلبه. وفيه وصفات كثير بالنت كيف تسويه في البيت كمان.

❤❤❤

Twitter | Instagram | Email