LUSH New Sun Care Range + Mini Haul مشتريات بسيطة من لشّ

إذا كنتِ متابعة للمدونة من فترة ماراح يخفى عليك إن لشّ من محلاتي المفضلة *-*

دايما أشوف بنات يسألو إيش نجرب.. أنا صراحة جربت كثير من منتجاتهم للبشرة والجسم والشعر وكل منتج حبيته وإستمتعت فيه وحمسني أجرب كل منتجاتهم وجدا أشجعكم تجربوها كمان..

اليوم راح أتكلم عن مجموعتهم الجديدة للحماية من الشمس وعن مشتريات بسيطة منهم أخذتها أمس..

وقبل لا أبدأ محل لش بجدة موجود بستارز أفينيو وراح يفتح قريب بمجمع العرب، إنبسطت لما عرفت صراحة ستارز أفينيو كئييب ماأحبه لوول

المجموعة الجديدة Sun Care Range

مجموعة تحمي من الشمس والأشعة فوق بنفسجية ومكونة من منتجات طبيعية.

Million Dollar Moisturizer SPF30

كريم مرطب وواقي للوجه مكون من العسل وزهرة الربيع وبعض الزيوت الطبيعية زي الجوجوبا وزبدة الشيا وخلاصة اللافيندر وغيرهم.

يرطب البشرة ويعطي نضارة وبنفس الوقت يحمي من الشمس بنسبة ٣٠٪

راح أستخدمه لوجهي ويدي وإن شالله أرجع أكتب رأيي عنه.

Sesame Suntan Lotion SPF10

لوشن تان للجسم بنسبة وقاية ١٠ مكون من زيت السمسم واللوز يساعد الجسم على زيادة الميلانين ويخليه يصير لونه تان بشكل أسرع وبنفس الوقت يحمي الجسم.. ومكون من زبدة الكاكاو والصبار عشان يهدىء البشرة..

إن شالله رايحين شاليه بالويكيند وهذا أول منتج باخذه معايا *-*

المجموعة هذه لسا مانزلت عندنا بس راح تنزل قريب وأول ماتنزل راح أقولكم في إنستقرام إن شالله.

المشتريات 

أول شيء Big Shampoo

مايحتاج أكتب شيء طفشتو وأنا أتكلم عنه لووول

سعره ١٣٨ ريال

ثاني منتج كريم لليد إسمه Helping Hands

مكون من الفانيلا والعسل والبابونج ومخصص لليد الجافة المكروفة xD

أنا يدي جافة عشان كذا أخذته وأول مرة أجربه أكيد راح أكتب تجربتي بعدين.

سعره ٨٧ ريال

LUSH Recycling Program 

لشّ عندهم نظام إعادة تصنيع إذا رجعتي ٥ علب من منتجاتهم تاخذي ماسك فريش مجاناً.

طبعا إحنا الماسكات الفريش ماتجينا لأنها تخرب وبدل الماسك نقدر ناخذ غسول فريش..

أخذت هذا الغسول Angels On Bare Skin إسمه مشجع لول

قريت عنه كثير وإنه يعطي نضارة ونظافة وحتى اللي بالمحل مدحته ليا وأخذته إن شالله يطلع قد المدح..

من مكوناته زيت اللوز والخزامى وفيه قطع ورد مجففة صغيرة

طريقة إستخدامه تاخدي منه شويه وتبلليه بالمويه في يدك وبعدين توزعيه عالبشرة..

ريحته صراحة مو مرة :( مااحب ريحة اللافيندر بس متحسة أشوف نتيجته.

سعره ٧٠ ريال

وبس :*

❤❤❤

Twitter | Instagram | Email