Urban Decay Fall 2015 New Products منتجات اربن ديكاي الجديدة | ارواج مطفية | نيكد سموكي | بلاشرز وغيرهم مع هدية لكم ♥ انتهت المسابقة.

 

 بوست اليوم عبارة عن كمية جمال ♥

راح اتكلم عن منتجات اربن ديكاي الجديدة اللي نازلة مؤخرا وبعضها راح تنزل خلال هذه الاسبوعين..

وراح يكون فية مفاجأة حلوة لكم بنهاية البوست :*

اربن ديكاي أظن مافي احد مايعرف هالماركة مشهورة بشدواتهم خصوصا باليتات نيكد 

ومو بس الشدوات اغلب منتجاتهم اللي جربتها ابهرتني جودة ممتازة وتعليب جميل..

 راح ابدأ الريفيو بالمنتجات اللي نزلت بالصيف 

Urban Decay Afterglow 8-Hour Powder Blush

البلشرات بكل اختصار لازم يكون عندك واحد عالاقل منهم!

من اجمل تركيبات البلاشرز اللي جربتهم حتى الآن..  ثبات ممتاز لمدة ٨ ساعات بدون مايتلطخ ولا يبهت وهذه اهم ميزة عندي بالبلاشرز اللي احبها، تركيبة البودرة نفسها ناعمة جدا تندمج بسهولة ونعومة واللون بقمنتد يبين من طبقة وحدة،

الدرجات اللي اكثر شي انصحكم تجربوها..

Video لو بختار لون واحد منهم راح اختاره، لونه تان دافي اعشق هالالوان بالبلاشرز لأنه عملي يجي مع اغلب لوكات المكياج.

Fetish لونه بينك لحمي على موف برضو اعتبره من الدرجات العملية والطبيعية.

Score لونه كورال وفيه نتفة لمعة تعطي glow حلو للبشرة خصوصا مع التان.

طلو عليهم بسيفورا وجربوهم متأكدة راح تعجبكم زي ماعجبتني *-*

Urban Decay New Summer 2015 Single Eyeshadows

اربن ديكاي هذا الصيف اضافو الوان جديدة لمجموعة الشدوات السنقل اللي عندهم.. الجودة مايحتاج اتكلم عنها معروفة شدواتهم كيف..

اساميهم:

Backfire برغندي بلمعة بنفسجية

Tonic لون ليلكي على ازرق مع لمعة

Beware بني مطفي دافي

Riff بني مطفي على اورنج

Dive Bar لون ازرق مع لمعة بنفسجية

Sideline ذهبي زيتوني بلمعة

Fireball مشمشي على لمعة وردية

 Lounge  اخضر على بني بلمعة

 اللي بلمعة جربي استخدميها بفرشة مبلولة شويه وشوفي كمية الجمال ♥

والالوان المطفية ممتازة للدمج على كسرة الجفن Transition colors 

موجودة حالياً بسيفورا تقدرو تطلو عليها..

 Urban Decay Revolution High-Color Lipgloss

 

قلوسات نازلة بتركيبة مميزة ومختلفة كلياً عن باقي القلوسات العادية.. لمعتها كريمية وتغطيتها عالية يعني تعطي لون قوي مو بس لمعة وثباتها اقوى من القلوسات العادية ومريحة عالشفايف مو من النوع اللي يدبق ويلصق..

فيه كم لون منهم فيه شيمر بس مااحب الشيمر عالشفايف وحبيت اللي تجي كريمية مرة عجبتني..

اللون قوي ممكن تستخدميه لوحده مع محدد بدل الروج واكثر لونه استخدمته Liar لحمي مرة ناتشورال لكل يوم كريمي مافيه قليتر..

وحتى لون Apocalypse عنابي غامق بس قتلني لونه مرة حبيته..

موجودة بفروع بسيفورا حالياً..

نجي للمنتجات اللي راح تنزل ان شالله بهذه الاسبوعين عندنا..

 Urban Decay Matte Revolution Lipstick

الارواج تفوق الوصف :(

التركيبة مطفية بس جدا مريحة ماتحسي انها ناشفة او تقطع الشفايف، لونها مرة بقمنتد وثباتها عالي..

الالوان:

Bittersweet لونه وردي على بنفسجي اموت بهذه الالوان ♥

Stark Naked بيج لحمي لونه شويه فاتح عليا لازم اخلط معاه لون ثاني او استخدم قبله محدد.

1993 هذا من الالوان اللي عشقتها حتى مبين اصغر من غيره من كثر مااستخدمته p; لونه لحمي بني نفس الالوان اللي كانت دارجة بالتسعينات ورجعت حاليا يجنن لكل يوم.

Bad Blood لونه احمرغامق مايل للعودي قريب للون ديفا من ماك من الالوان اللي لازم تكون عند كل بنت يليق على كل البشرات ومرة جميل مع مكياج سهرة.

Temper لونه احمر على اورنج من الالوان الجميلة جدا عالبشرة الحنطية او مع تان.

Menace لونه فوشي فاقع بيرفكت للصيف.

Blackmail لونه اسود بس مو اسود صريح كأنه عودي غااامق مرررة ملفت ومميز واذا خلطتيه مع القلوس الاحمر يطلع لون مرة خطير.

هذه سواتشات للالوان من موقع Temptalia

زي ماذكرت راح تنزل عندنا بشهر سبتمبر ان شاء الله وباقي دول الخليج اخر هذا الشهر..

Urban Decay Brow Beater and Brow Tamer

 راح تنزل كمان منتجات جديدة للحواجب قلم رسم وجل ماسكارا للحواجب

القلم رفيع مرة يرسم شعرات صغيرة بكل سهولة عشان يعطيك لوك طبيعي مرة ويعبي الفراغات بالحاجب 

وبالطرف الثاني فيه سبولي او فرشة تمشيط الحواجب قريت عنه انه قريب مرة من قلم انستازيا براو ويز انا ماجربت انستازيا بس حبيت هذا اللي من اربن ديكاي، هو شويه ناشف مو كريمي بس ثباته عالي..

ماسكارا جل الحواجب فيها لون خفيف وتثبت الرسمة وقت طويل المنتجين مع بعض اعطوني لوك مرة طبيعي وثابت لحواجبي..

ماتنفع للبنات اللي يحبو حواجبهم تكون مرة محددة وغامقة (ومصطنعة p;)

The Urban Decay Naked Smoky

باليت نيكد سموكي شفتوني اتكلمت عنها كذا مرة وكانت بمفضلاتي الشهر اللي فات ♥

الوانها مخصصة للوكات السموكي اكثر شي بس كمان تقدري تسوي فيها لوكات طبيعية

فيها ٤ الوان اساسية مطفية والباقي شيمر وساتين واختيارهم للدرجات جميل ومتنوع بين البارد والدافي.

هذا سواتش من النت

الباليت اعتقد نزلت بسيفورا الخليج او راح تنزل هالاسبوع وعندنا بتنزل اول شهر سبتمبر..

والمفاجأة الجميلة انه راح اهدي اثنين من متابعاتي الجميلات باليت سموكي جديدة وان شالله توصلها قبل لا تنزل عندنا  ♥♥♥

Giveaway

شروط المسابقة:

- تكوني متابعة للمدونة اضغطي Join This Site اللي بالازرق على جنب.

- اعملي لايك لصفحة اربن ديكاي https://www.facebook.com/urbandecaycosmetics

- اخر شيء اكتبي تعليق بهذا البوست عشان تدخلي المسابقة وراح اختار الفائزات عشوائيا من التعليقات.

المسابقة مستمرة فقط ل٣ ايام وراح ارجع اعلن الفائزات بنفس هذا البوست..

اي احد من السعودية او الخليج يقدر يشترك فقط كومنت واحد وبالتوفيق حبايبي ♥♥

ابديت عالبوست:
الفائزات  تم اختيارهم عشوائيا من الكومنتس زي ماذكرت

Nounabdulaziz
 Nonya H

بليز اتواصلو معايا عالإيميل عشان اقدر اسلمكم الهدية ♥
Email: wafa.a7med@hotmail.com

وحظ اوفر لباقي الجميلات ان شالله الجايات اكثر :*

❤❤❤

Twitter | Instagram | Email