August Favorites 2015 مفضلات شهر اغسطس

شهر اغسطس كان بيزي بشكل.. وجربت منتجات جديدة مرة كثير اخترت منها التوب اللي عجبوني..

ببدا بمفضلات المكياج

 

 L'Oreal Paris Infallible Matte Foundation

لحد الان من افضل اساسات الدرق ستور اللي جربتها خصوصا للبشرة الدهنية.

لأنه مطفي وثابت وقت طويل واحساسه خفيف وباودري عالبشرة مااحس اني حاطة طبقة ثقيلة.

عيبه الوحيد هو بالدرجات صراحة لحد الان نادر الاقي فاونديشن درق ستور درجته بيرفكت.

انا اخلط درجتين امبر لونها اغمق مني شويه وعلى بيج 

ودرجة قولدن بيج لونها مصفر بس افتح مني نتفة لمن اخلط الدرجتين مع بعض يطلع بيرفكت ماتش.

ودرجاته مختلفة شوفي ايش الاقرب لك وخذيها ممكن تعدليها بالباودر او برايمر مصحح.

Colourpop Eye shadows 

تركيبتهم لذيذة.

ملمسها كريمي بس تتوزع زي الباودر وثباتها ممتاز اللمعة سباركلي تجنن والالوان مدموجة كم لون مع بعض

مرة عجبوني ومؤخرا ماك مسوين زيهم بس طبعا كلر بوب مرة ارخص.

Dior Addict Fluid Shadow

تكلمت عنهم بهذا البوست ديور 

اكثر لونين عجبني البرونزي ٦٥٥

والموف ٢٧٥

برضو فيهم لمعة ولمعتهم مرة حلوة اللون البرونزي جميل لكل يوم مع شدو مطفي عالكسرة

والموف درجته مرة حبيتها.. اللون الموف على فكرة مرة جميل عالعيون البنية يبرز جمالها. 

Bobbi Brown Brightening Brick in Coral

بودرة من بوبي براون هايلايت على مشمشي شويه تعطي غلو خفيف حلو تحطيها فوق البلاشر وناعمة لكل يوم 

لونها جميل عالبشرات الحنطية والتان.

Colourpop Liquid Lipstick 

ارواجهم السائلة مرررة حلوة وعجبتني اكثر من ارواجهم العادية.

اللون مطفي وناعم يتوزع بسهولة مايكتل ولا يقشر ويثبت وقت مرة طويل

الدرجة اللي اخذتها limbo لونها بني يشبه سالم من لايم كرايم كنت بطلبه بس اخذت هذا اجربه وحبيته.

MUFE Artist Plexi Gloss in 204

القلوس صبغته عالية يعني يعطي لون مو بس لمعة 

ولمعته كريمية حلوة مو اللمعة الشيمري

عجبني جدا جدا واللون درجته مرة حلوة مريح للاستخدام كل يوم وعلى فكرة ثباته اعلى من القلوسات العادية.

   Urban Decay High-Color Lipgloss in Liar

نفس فكرة ميك اب فوريفر لون عالي ولمعة كريمية وثبات كويس هذا حرفيا مايخرج من شنطتي واحب استخدم قبله محدد مارك جيكوب صورته قبل.

مفضلات الشعر

 Phytorelax Coconut Shampoo and Treatment

 شامبو وماسك معالج بزيت جوز الهند مرطب ومغذي للشعر

مرة عجبني ترطيبه وريحته جدا مهم عندي بالشامبو ماينشف الشعر وهذا بالعكس مرة يرطب مع الماسك طبعا..

الماركة موجودة بمركز العناية بالشعر والبشرة.

Sunsilk Dry Shampoo

شامبو جاف من سنسيلك تستخدميه بين غسلات الشعر اذا حابة تعطي شعرك فوليوم

اللي عجبني بهذا الشامبو انه خفيف مايسيب اثر ابيض بس نتيجته حلوة

موجود باغلب الصيدليات وسعره حدود ٢٠ ريال

مفضلات الجسم

Jo Malone Nectarine Blossom and Honey Body Creme

 تجننن هالزبدة :( مرة Luxurious 

كثيفة وغنية وترطيبها عالي وريحتها رااائعة ثبتت معايا يوم كامل 

لو حابة تدلعي نفسك بهدية حلوة جربيها من جو مالون جميلة مرة وعندهم روايح مختلفة.

محل جو مالون عندنا بالريد سي مول والاندلس مول.

YSL Black Opium

انا بحالة عشق مع هذا العطر ♥

ريحته فيها عدة طبقات 

 سويت على فانيلا وقهوة،، وشويه فورال عشان فيه ياسمين وكمان فيه الباتشولي 

انا عموما مرة احب عطورات ايف سان لوران مانيفيستو اللي قبله ودحين هذا بلاك اوبيم مغرمة فيه،

وزمااان مرة كنت احب سينما.. ريحته ذكريات والله ههههه

 Argan And Macadamia Body Oil

زيت للجسم بالارغان والمكاديميا بعلبة بخاخ مرة احب اي شي بخاخ مرطب للجسم لانه سريع وعملي بعد الشاور على طول استخدمه وارطب جسمي كامل بثواني حبيت هذا من مركز العناية وكمان احب من بودي شوب بخاخ الارغان صورته قبل.

 مفضلات المناكير

مناكير ديور وفورملا اكس دايما تكرر بمفضلاتي لاني احب تركيبتهم.

لون قوي وتنشف بسرعة هذا اهم شي عندي.

formula x harmonics

شوفو جمال اللون *-*

بنفسجي ناعم وانثوي مرة.

فورملا اكس موجودة بسيفورا.

Dior 785

 

حطيته ببوست ديور لونه مميز بينك غااامق على بني شويه مرة يحلي اليد وعجبتني الدرجة.

Dior Mirror 001

 الدرجات الميتاليك الفضية والذهبية مرة دارجة نفس هذا اللون من ديور كمان شفت زيها عند مودلز اون 

حبيت درجة الفضي مرة.

وبس هذه مفضلاتي بشكل سريع ان شالله حبيتوها واشوفكم ببوست قريب :*

❤❤❤

Twitter | Instagram | Email