March Beauty Favorites! 2016 مفضلات شهر مارس

شهر مارس ماحسيت فيه عدى بسرعة بشكل رهيب! 

المفضلات اليوم منوعة اغلبها منتجات جديدة عليا وفي منتجات صارلي فترة استخدمها..

ببدأ بمفضلات المكياج

كات ڤون دي نزلت عندنا بشهر مارش وحضرت ايڤنت مع سيفورا عرضو فيه لوك كات فون دي وجربت منتجاتهم لسا بعضها قيد التجربة واللي حبيتهم لحد الآن حطيتهم بالمفضلات 

ناوية اسوي بوست تجربتي لمنتجاتهم بعد مااجربها كلها كويس.

بالنسبة لمفضلاتي منهم هذا الشهر.

بودرة الفاونديشن المضغوطة Lock it Powder Foundation

هي عبارة عن بودرة مطفية مضغوطة بس فيها تغطية يعني ممكن تستخدم بشكل يومي بدل الفاونديشن. حبيت ان درجاتهم كثيرة وفيها درجات على صفار تناسب بشراتنا وتغطيتها حلوة وطبيعية.

تنفع كمان تثبيت للفاونديشن اذا حابة تغطية اعلى انصح فيها للبشرات المختلطة والدهنية.

التاتو ايلاينر KVD Tattoo Liner

ريشته ممتازة بالرسم سهلة بالتحكم جدا سواده حلو وثابت مايسيح،،

اذا تحبي اقلام الايلاينر جربيه.

الارواج السائلة KVD Liquid Lipsticks

تركيبتها تجنن! مطفية بس ماهي ناشفة ابدا ومريحة عالشفايف وتقدري تحطي اكثر من طبقة ماتتكتل. عيبها الوحيد ثباتها اقل من غيرها ويحتاج اعيد عليها خلال اليوم لكن من ناحية الالوان والتركيبة ممتازة.

احلى الوان عندي لوليتا ١ و ٢ بس ١ احلى 

وحتى لون Love Sick جميل بنكي موفي يشبه سيفورا ١٣ 

ماسكارا مارك جيكوبس Velvet Noir Mascara

جديدة برضو نزلت الشهر اللي فات بسيفورا 

حبيت اكثر شي تسويه انها تعطي تكثيف عالي بدون ماتكتل وسواد جميل اهم شي ماتسيح ولا تتقشر.

قطرة ذي بودي شوب للتفتيح TBS Shade Adjusting Drops

فكرة القطرة مبتكرة وجميلة.. تقدري تعدلي عالفاونديشن اللي عندي وتفتحيه بدون مايتأثر تركيبة الفاونديشن نفسه ولا تغطيته تتغير مجرد تعديل للون.

جربتها مع فاونديشنات غامقة عندي مااستخدمها وعدلت عاللون صار بيرفكت وممكن تكون جدا مفيدة للميك اب ارتيست كمان بشغل الميك اب.

فرش ريل تكنيك بولد ميتالز RT Bold Metales Brushes 

هذه مجموعة جديدة من ريل تكنيك سعرها اعلى شويه من المجموعة اللي كلنا نعرفها.

حبيت اجربها لاني احب فرشهم، 

الفرش الذهبية للوجه والروز قولد للمسات الاخيرة والفضية للعين

في تغير ملحوظ بجودة ونعومة شعرات الفرش شعراتها جدا ناعمة 

القصات حلوة ومختلفة عن باقي الفرش 

واللي حبيته مسكة الفرش نفسها حبيتها اكثر من الفرش العادية لان المسكة العادية عريضة وجودتها مو مرة. 

عجبوني وماندمت ابدا اني جربتهم.

ذا بالم ميت مات تريموني The Balm Meet Matte Trimony 

شخصيا حبيتها وناسبتني اكثر من الباليت الاولى لاني اميل لهذه الالوان واستعملها اكثر.

كلها مطفية فيها الوان اساسية عملية لكل يوم او حتى سهرات اذا ماتحبي الشيمر.

جودته ممتازة ثابت واللون واضح.

مفضلات العناية بالبشرة والشعر

ماسك الطين الاوروبي 

كتبت عنه هنا تدوينة كاملة وعن الطين الهندي كمان 

.اخترت هذا لأنه موجود في اي هيرب حاليا وحجمه اصغر وعملي اكثر 

كريم العين من بوبي براون Bobbi Brown Hydrating Eye Cream

من افضل كريمات العيون اللي جربتها للترطيب ترطيبه فعال اللي لاحظته يخلي منطقة تحت العين مشدودة

ويخف منظر الارهاق والتعب والخطوط التعبيرية.

Glycolix Elite Facial Cream

كريم جلايكولكس للوجه اقرأو عن فوايد استخدام الجلايكولكس للبشرة.

مرة شفت منه نتيجة رائعة من ناحية نعومة سطح البشرة وتصغير المسام وكمان تفتيح اثار الحبوب بشكل اسرع.

اذا بشرتك تعاني من مشاكل او حبوب او كانت حساسة استشيري دكتورك قبل استخدامه.

ومهم تستخدمي كريم حماية من الشمس خلال فترة استخدامك له.

موجود بالصيدليات الكبيرة عندنا ومن عبر الطب.

زيت الخروع Castor Oil 

استخدامي له كان بس للرموش والحواجب شي بسييط جدا مسحة خفيفة وصارلي اكثر من شهر حقيقة استخدمه

لاحظت فرق حلو لحد الان بالرموش لان رموشي كلها تتنتف من غرا الرموش :(

ومااقدر مااركب رموش بس قاعدة اعوض واستخدملها زيت خروع ولحد الان حبيته وبستمر عليه.

الزيت اخذته من اي هيرب كالعادة حياتي كلها من اي هيرب ههههه

لان اضمن انه بيور مو مخلوط مع حاجات ثانية.

منظف بودي شوب الزيتي للمكياج TBS Oil Cleanser 

عجبني جدا اكثر من مزيل فيس شوب لكن مازال مزيل ماك الزيتي التوب لان ماك تنظيفه اقوى

بس كمان هذا يعتبر ممتاز وبديل ارخص ريحته ماتضايق مكوناته كويسة وعلبته سهلة بالاستخدام.

EO Shampoo And Conditioner

كالعادة نادرا اثبت على شامبو معين واحب اجرب كل فترة واغير 

هذا جربته مؤخرا اشتريته من اي هيرب طبعا

وعجبني اهم شي عندي بالشامبو انه ينظف وماينشف شعري 

الشي الثاني كمان مناسب للي شعرها مصبوغ.

عطور

Shiseido Ever Bloom Perfume

عطر جديد من شيسيدو ريحته منعشة خفيفة على ورد ونظافة تنفع للاستخدام بالصباح وللدوامات ماهي قوية.

عطر للبيت باللافيندر من اورا

الصراحة مو مكتوب عليه اسم وموجود زيه كمان عند باث اند بدي ووركس ريحته لافيندر تجيب الاسترخاء والنوم

احب ابخه على سريري ومخدتي. ومحل اورا موجود بالريد سي مول بجدة.

❤❤❤

Twitter | Instagram | Email