باليتات الأيشادو من توو فيسد ❥ ريفيو باليت السموكي أيز Too Faced Eyeshadow Palettes Review

I have a confession to make: I've been obsessed with too faced lately *-*

مؤخرا صارت أغلب الماركات تعتمد نظام الأيشادو باليتس وخصوصا الألوان النيود والطبيعية لأنه أكثر شيء مطلوبة وعملية

من أكثر الباليتات المشهورة واللي الناس طايحة عندها من ماركة إربن ديكاي وذا بالم وتوو فيسد 

أحس هذه الثلاث ماركات يتشابهون بأشياء كثيييرة وكأنهم طالعين من نفس المصنع بس بشكل علب مختلف!

اليوم راح أتكلم عن باليتات توو فيسد لأنها مظلومة عندنا

بالرغم انها الماركة الوحيدة من اللي ذكرتهم موجودة عندنا وعلى قفا مين يشيل لوووول

وعلى فكرة أحب أبشركم < كتبت الخبر مية مرة بتويتر xD

إربن ديكاي راح تفتح عندنا بسيفورا عالسنة الجديدة بعد الكريسميس ياااااي

طبعا أنا أتكلم عن جدة بس أتوقع تكون موجودة بكل فروع سيفورا بالسعودية :)

Too Faced Eyeshadow Palettes 

إيش رايكم فيهم طعمين صح ❤.❤
 
راح أقولكم إيش مميزات باليتات توو فيسد بشكل عام وبعدين أتكلم عن كل باليت
وأخر شيء ريفيو وسواتشز لباليت السموكي أيز اللي عندي :)

مميزات باليت توو فيسد

- الباليت فيها ٩ ألوان ، ٣ منهم حجم كبير ولونها فاتح وهذا شيء مرة حلو.
- كل صف مخصص للوك معين الصف الأول day والوانه صباحية والثاني classic ألوانه هادية والثالث fashion ألوانه صرعة.
- تجي مع الباليت ٣ بطاقات تعلمك كل لوك كيف تسوينه.
- يجي معاها سامبل برايمر العين Shadow Insurance 
- سعرها ٢٠٦ ريال وموجودة بمحلات سيفورا.

 الباليتات اللي راح أذكرها كلها موجودة عندنا حاليا وفيه كولكشنز جديدة ماراح أتكلم عنها نازلة برا وعليها ريفيوز حلوة بس طبعا لسا مانزلت عندنا!


Natural Eye Collection

الباليت شبيهه لباليت إربن ديكاي نيكد ٢ 
ألوانها طبيعية مرة وفيها ألوان مطفية وشيمر.



Natural At Night Collection

  
الباليت قريبة جدا لنيكد ١ ، اللون الذهبي اللي فيها نفس هاف بيكد
وفيه لون زيتي غامق يشبه دارك هورس تقريبا نفسه ولونين قريبين لسايد كار وتوستد صراحة أحس كل الشادوهات تشبه لنيكد ١ مررة

وعموما شادوهات توو فيسد وأربن ديكاي مررة تتشابه زي ماقلت بالبداية كأنهم من مصنع واحد :\



Matte Eye Collection

هذه تتميز فيها توو فيسد عن أربن ديكاي لأنها كلها مطفية
وفيه بلوقرز مرة يحبونها خصوصا اللي ماتعجبهم الألوان الشيمر زي شادوهات أربن ديكاي
أنا شخصيا حبيت إنها مطفية وحلوة تكون بالكولكشن عندك ألوانها مميزة.



Romantic Eye Collection 

هذه الباليت إسمها مرة حلو بس ماحبيتها أبدا هههه
ألوانها ماهي على ذوقي ممكن الشادو البينك يستخدم كـ بلش
بس حسيتها my least favorite 



Naked Eye Collection

هذه ألوانها باردة وفيها لون أسود حلو
حتى الرمادي اللي فوقه فيه شوية شيمر ومرة خطير ومميز
برضو تحسون فيها ألوان تشبه نيكد٢
جربتها وشكلي راح أشتريها حبيتها ❤



طيب نجي للريفيو p;

انا ماأخذت من الناتشورال أيز لأن already عندي النيكد باليت وعندي ألوان طبيعية كثير
عشان كذا أخذت السموكي لأن كان فيه لوك ببالي وعجبتني ألوانها مرة

Smokey Eye Palette

الوانها ماهي مبينة بالصورة هذه صورتها من الموقع

وهذا السامبل اللي جا مع الباليت 

كميته تكفي لثلاثة أو أربعة إستخدامات
وراح أسوي عنه ريفيو مقارنة مع برايمر بوشن من أربن ديكاي ;)


البطاقات

حبيت فكرتها بس ماإستفدت منها ولا شيء هههههه

وهذه سواتشز اكتشفت إني ناسية لونين بس أهم شيء شوفو البيجمنتشين كيف حلوة هذا من مسحة وحدة بإصبعي *-*

جودة الشادو زي ماقلت تشبه لأربن ديكاي لحد كبير نفس النعومة والبيجمنتشين
وماهي powdery ومافيها fall outs كثير 

اللون التوبي مطفي ومرة حلو للحواجب
ودرجتين البنفسجي عشقتها لأني أحب البنفسجي البارد مو اللي محمر
وسويت فيهم لوك عيد الحج وكان نفسي أصوره خطوة بخطوة بس ماقدرت 
إن شالله قريب أعيد اللوك وأصوره برواقه وأنزله بوست 


وبشكل عام مرة راضية عن الباليت وحابتها جدا وأنصح بكل الباليتس :)


لو جربتوها قولولي رأيكم بالتويتر أو بالتعليقات تحت أحب أشوف أرائكم 

ولو حبيتو البلوق يسعدني إشتراككم :* إضغطو على Join This Site وسجلو دخول بحساب تويتر أو جوجل
وإن شالله أشوفكم بالبوست الجاي اللي أتوقع إنه ريفيو ميك اب برضو ههههه p;