How To Apply Liquid Highlighter كيف توزعين الإضاءة السائلة ❤ ريفيو إضاءة هاي بيم من بينيفت

توجهات الموضة للميك اب حاليا كلها صارت تعتمد عاللوك الديوي أو الندي يعني لوك يعطي صحة ونضارة للبشرة 

وتلاحظون بأغلب عروض الأزياء والتتوريالز باليوتيوب مؤخرا صارو يعتمدون ميك اب بسيط مع بشرة لامعة ونضرة

 فيه منتجات كثيرة تعطينا هذه النتيجة من ضمنها الإضاءة السائلة.

 اليوم حبيت أسوي بوست عنها وعن طريقة توزيعها لأن طريقتها tricky شوية وممكن ماتبين حلوة لو ماوزعتيها بشكل صحيح.

أمثلة لأنواع الإضاءة السائلة

موجودة بكل الماركات وبعدة ألوان لؤلؤي - وردي - ذهبي - برونزي وغيرهم عشان تناسب جميع البشرات ، بعض الأنواع يكون فيها ذرات لمعة shimmer واضحة وقوية وبعضها تكون بس عاكسة للضوء وتعطي إضاءة خفيفة ومناسبة بالنهار.

ممكن تخلطين نقطة من الإضاءة مع الفاونديشن وتوزعينها باأماكن الهايلايت وهذه الطريقة تعطي لوك طبيعي أكثر ، وإذا كنتِ حابة لوك ديوي أقوى ومناسب للسهرات توزعينها مباشرة بدون ماتخلطينها مع الفاونديشن.

أكثر شخص مشهور باللوك الديوي جينيفر لوبيز شوفو مكياجها هنا glowy ونضر وجدا جميل

 الإضاءة السائلة تعطيك نفس هذا اللوك اللي كأنه مبلول.

ملاحظة: الإضاءة ممكن تبين عيوب البشرة يعني لو كانت بشرتك فيها حبوب أو عيوب تجنبيها ❤

أماكن توزيع الإضاءة

 توزعينها بالمناطق المحددة بالأبيض بهذا ال face chart

على عظمة الخد وجسر الأنف وفوق الشفايف

وبما إنها سائلة لازم توزعينها بعد الفاونديشن على طول حتى قبل الكونسيلر وقبل ماتحطين أي باودر 

لو خليتيها بأخر خطوة بالمكياج بعد ماتحطين الباودر راح تبين متكتلة لأن سائل على باودر يتكتل.

طريقة توزيعها

ممكن تستخدمين أصابعك أو نفس الفرشة اللي وزعتي فيها الفاونديشن وراح أحطلكم فيديو لليزا مستخدمتها 

بس برأيي أفضل طريقة لتوزيعها هي فرشة due fiber صغيرة بطريقة التنقيط Stippling زي فرشة ماك ١٨٨ أو فرشة ماك ١٣٠

لأن هذه الطريقة تدمجها مع البشرة بشكل بيرفكت وتخلي اللوك ديوي بشكل طبيعي 

وعموما دايما أنا أفضلها هذه الطريقة بتوزيع أي شيء كريمي للبشرة سواء فاونديشن أو بلش أو إضاءة.

هذا الفيديو لليزا متكلمة فيه عن الإضاءة السائلة وتوزيعها

وقالت نصيحة مهمة إنه لازم تدمجينها كويس مع البشرة وماتشوفين حدودها فين تبدا وفين تنتهي يعني تكون مع الفاونديشن وكأنه البشرة نضرة بشكل طبيعي.

ريفيو لإضاءة هاي بيم من بينيفت وطريقتي المفضلة بتوزيعها

من المنتجات اللي أحبها الهاي بيم لمعته لؤلؤي على وردي تناسب البشرات الفاتحة والمتوسطة 

وعندهم ألوان ثانية لجميع البشرات زي السن بيم والموون بيم

أستخدم لتوزيعها فرشة ماك ١٣٠ عندي الصغيرة جات مع كولكشن لميتيد ، جدا جميلة لتوزيع الإضاءة الكريمية أو البلش الكريمي.

أحط نقطة على يدي وأخذ منه بالفرشة وبعدين أوزعها بطريقة التنقيط stippling على وجهي بمناطق الهايلايت 

لو حطيتها مباشرة من العلبة عالوجه يبين كثير ولمعته قوية وأفضّل إني أخففها بالفرشة لما أوزعها.

راح تشوفو على يدي أعطاني إضاءة قوية لأني كثرت عشان يبان بالتصوير

هذا النوع من الإضاءة مناسب جدا بالسهرات وإذا حبيتي تستخدميه بالصباح إدمجيه مع فاونديشن بعدين وزعيه كهايلايتر عشان يبين طبيعي أكثر.

وتقريبا هذا كل شيء حابة أتكلم عنه بالإضاءة السائلة لو عندكم أي إضافات أو إقتراحات تسعدني إضافاتكم بالتعليقات

Love you all :*