لوك مكياجي للعيد وتغطية ايفنت ذي بودي شوب الرمضاني My Eid Makeup Look For The Body Shop Ramadan Event 2015

بتاريخ ٨ جون كان ايفنت ذي بودي شوب الرمضاني السنوي جمال العطاء وسعدت جداً بالتعاون معاهم بفقرة مكياج العيد

حبيت اكتبلكم بوست عن اللوك اللي عملته للمودل معاهم وتغطية بسيطة للايفنت الجميل 

وكمان صورت فيديو عاليوتيوب للوك بس لسا ماجهز وإن شالله قريب بنزله على قناتي هنا The Artistic Hands 

وبس ينزل الفيديو راح اضيفه للبوست هذا كمان..

اللوك كان كله بإستخدام منتجات مكياج ذي بودي شوب حتى تحضير البشرة والفرش كلها كانت من ذي بودي شوب

استخدمتلها بيس WonderBlur ينعم البشرة والخطوط والمسام وبنفس الوقت يعطي ترطيب للبشرة..

وزعتلها فاونديشن moisture foundation وخلطت درجتين عشان يناسب لونها وطريقة التوزيع كانت بالاسفنجة وبعد كذا 

وزعت الكونسيلر ودمجته بالاسفنجة كمان..

 ثبتت تحت العين باللوس باودر Extra Virgin Minerals لأنها خفيفة جدا وناعمة

وباقي الوجه استخدمت بودرة مضغوطة تعطي تغطية شويه 

مكياج العين استخدمت برايمر العين حقهم وبعد كذا لأن كنت حابة اعملها سموكي وزعت جل لاينر اسود بيس عشان يقوي لون الشدو دمجته واستخدمت الشيمر كيوب بالدرجة ٦ الوانه بنية ذهبية مرة جميلة

دمجت اطراف الشدو بالبرونزر المطفي درجة ٦ وكملت هايلايت زاوية العين بشدو golden girl ورسمت ايلاينر خفيف ورفيع ماكنت حابة يكون بارز ابغاه يكون مموه

وكحلت داخل العين برضو باستخدام الجل لاينر الاسود ودمجته مع شدو بني تحت العين وخلصت مكياج العين بالماسكارا 

رسمت الحواجب ببودرة الحواجب المشهورة عندهم وحطيت هايلايت مطفي تحت الحاجب

كملت مكياج الوجه بالبرونزر درجة ٦ وهايلايت وبلاشر

والروج اخترت لون لحمي على موف ودرجة المحدد 06 Mahogany والروج من مجموعة كلر كرش درجة 340 Berry Me

واخر خطوة كانت بخيتلها من بخاخ فايتمن E عشان يعطي لوك طبيعي وفريش..

وهذا كان اللوك النهائي..

وهذه كانت فقرتي بمكياج العيد بالايفنت ♥

بوريكم باقي الفقرات اتكلمو فيها عن هداياهم الرمضانية بالتغليف الجديد ومنتجاتهم الرمضانية الجديدة زي بوكس العد التنازلي للعيد وعطر العود، والعناية بالبشرة في رمضان.. 

والديكور بالقاعة كان كله رمضاني حتى تيم بودي شوب كانو لابسين ثياب رمضانية كيوت مرة كان كل شيء مرتب وجميل..

ومن أجمل اللحظات انهم اعطونا فرصة نعزم متابعاتنا وقابلتهم بالايفنت ومرة انبسطت بشوفتهم ♥♥

ان شالله حبيتو تغطية الايفنت وعجبكم لوك مكياجي للعيد 

شكرا ذي بودي شوب جدة على مجهودكم الرائع بالايفنت وكل عام وأنتم بخير ♥

❤❤❤

Twitter | Instagram | Email