Huge IHerb Haul! #2 مشتريات من موقع اي هيرب

قبل أسبوع تقريبا تحمست مرة بموقع اي هيرب وطلبت كثير أشياء،

جربت منهم قبل كم منتج وحبيييتهم مرة ورجعت طلبت منتجات أكثر وإذا شوفتو أشياء مكررة ترى طالبة لأخواتي كمان p;

حبيت أوريكم إيش إشتريت لأن كثير منكم يحب يشوف بوستات المشتريات وكذا وأنا معاكم كمان دايما أحب أتفرج عليها :*

بس أغلب هذه المشتريات لسا بدون تجربة أخذتها بناءً على تقييماتها بالموقع ولمن أجرب كل شيء أكيد بكتب عنه بفيفورتس أو ببوست ثاني..

موضوع مهم لازم تشوفوه لو حابين تطلبو أو عندكم أي أسئلة عن الشحن وكود تخفيض وكل شيء

أنا شرحته بالتفصيل هنا 

IHERB HAUL! مشتريات من موقع اي هيرب | طريقة الطلب | كود تخفيض

التعليب هالمرة يمكن عشان الكرتون كبير بس جا مقطع تقريبا الطرف كان شويه مقطوع كان ممكن يطيح منه شيء بس الحمدلله ماطاح :\ 

بالنسبة للمنتجات من جوا تغليفها ممتاز وكل منتج مغلف بكيس نايلون عشان لا ينكب أو يحوس.

وكثير إشتكو من الجمارك ومااعرف إيش ماقد واجهتني هالمشكلة الطلب يوصل عادي والحبوب والمكملات الغذائية عادي توصل بدون مشاكل.

ويلا نبدأ المشتريات...

منتجات الشعر

 Mane 'n Tail, Herbal Gro Shampoo and Conditioner

اللي عليه الحصان،،، كثير أسمع عنه مدح تقييمه عالِ بالموقع وحبيت أجربه إن شالله يناسب شعري الجاف

كاتبين أنه يغذي ويرطب الشعر ويعطيه لمعة صحية بنفس الوقت خفيف.

 Nature's Gate, Hair Defense Pomegranate Sunflower Shampoo And Conditioner

بالرمان عضوي وخالِ من السولفيت مناسب للشعر المصبوغ ويعزز لون الشعر.

 Acure Organics, Leave-In Conditioner, Argan Oil + Argan Stem Cell

عندي من نفس هالمرطب الشامبو والبلسم تكلمت عنهم قبل وممتازين مرة ناسبو شعري وحبيت أطلب المرطب كمان،

مكتوب عنه إنه خالِ من السولفيت والجلوتين والسيليكون، عضوي وخفيف يرطب ويحمي الشعر.

حسيت علبته حلوة وعملية.

منتجات العناية بالجسم

المرطبات من اليمين لليسار

 Nubian Heritage, Body Lotion, Coconut & Papaya

لوشن للجسم بالكوكونت والبابايا أخذته عشان إسمه كنت متأكدة ريحته بتعجبني وأول ماوصل جربته ومرة حبيتها *-*

منتج عضوي يرطب الجسم ويجدد الخلايا وريحته لذيذة. من مكوناته زيت جوز الهند والفانيلا وبذور الشيا ترطيبه عالي وحسيته كريمي أكثر من إنه لوشن بس مرة عجبني.

 Nature's Gate, Body Wash, Velvet Moisture, Pomegranate Sunflower

هذا مو مرطب دوبي أستوعب إنه شاور جل ومصورته مع المرطبات لوول :\

من نفس مجموعة الشامبو اللي فوق بالرمان عضوي وخال من السولفيت ينظف بدون مايجفف الجسم.

لسا ماجربته.

 Madre Labs, Hand Cream, With Argan Nut Oil, Unscented

 كريم لليد بزيت الأرغان تقييمه عالِ جدا بالموقع، جربته ترطيبه بطططل مرة عجبني وماله ريحة مو معطر. 

 Nubian Heritage, Raw Shea Butter, Infused with Frankincense & Myrrh

زبدة شيا خام مع المُرة واللبان، طلبتها قبل كذا وكتبت عنها بالفيفورتس هذه طلبتها لأختي لأن جربتها ومرة عجبتها.

بجد ترطيبها ممتاز لو بشرة جسمك جافة مرة بتعجبك وريحتها أنا أشوفها حلوة ماضايقتني.

 Now Foods, Solutions, Avocado Oil

زيت الأفوكادو النقي ممكن يستخدم للبشرة أو فروة الراس ومعروف بفوايده وترطيبه للبشرة بدون مايترك أثر دهني طلبته لأختي.

شاور جل

 Nubian Heritage, Body Wash, Coconut & Papaya

 نفس ريحة اللوشن اللي فوق وصفه جميل ينظف بترطيب ويحتوي على جوز الهند وينعم الجسم.

 Nubian Heritage, African Black Soap, Body Wash

شاور جل الصابون الأفريقي تقييمه عالي بالموقع وقريت عليه مدح يناسب بشرة الجسم اللي تطلعلها حبوب بالظهر أو الصدر هذا الشاور جل بيناسبك

يحتوي على ملح البحر الميت وحبيبات الجوجوبا عشان يقشر وينظف البشرة، الشوفان وزيت الصبار عشان يهديء البشرة وزبدة الشيا عشان تعالج وترطب.

مقشرات

 Giovanni, Hot Chocolate, Sugar Scrub

مقشر سكر بحبيبات الكاكاو 

أول مافتحته شميت ريحة هوت تشوكليت لذيذة *-*

تحمست أستخدمه.

 Alba Botanica, Sea Salt Body Scrub

مقشر بالأملاح مع الزيوت ينقي الجسم ويشيل الخلايا الميتة مع ترطيب وريحته تروبيكال لسا ماجربته.

 Earth Therapeutics, Ergo-Form, Massage Brush

فرشة الجسم الجافة موجودة بكثير محلات بودي شوب وغيره 

.لقيتها بآي هيرب وطلبتها وحبيت إنها جهتين وحدة لتقشير الجسم والجهة الثانية لو بسوي مساج مع زيت

 Crystal Body Deodorant, Travel Stick, Deodorant

ديودرنت تقييمه عالي مرة بالموقع طبيعي وخال من العطور والمواد الكيميائية.

طريقة إستخدامه تبلليه وبعدين توزعيه.

 Now Foods, Solutions, Xyli-White Toothpaste Gel, Refreshmint

كمان تقييمه مرة عالي، معجون أسنان مبيض ومنعش نباتي خالِ من الفلورايد والسولفيت 

لسا ماجربته إن شالله لازم أعمل بوست ثاني أقيم كل هالمنتجات بعد التجربة.

مكياج

Real Techniques Brushes

الحلو بالموقع يوفر منتجات ريل تكنيك وايلف وكم ماركة مكياج طلبت هالمرة من ريل تكنيك

الفرشتين عاليمين الإكسبرت والسيتنق هذه ليا والباقي لأختي لأن أولريدي عندي xp

ممتازة فرشهم بسعر معقول ولو حابين تشوفو ريفيو مفصل عنهم هنا

REAL TECHNIQUES BRUSHES REVIEW ريفيو فرش ريل تكنيك

الأكل 

 تحمست عالأكل هالمرة xp

 Atkins, Day Break Chocolate Hazelnut Bar

 Quest Nutrition Bar, Chocolate Peanut Butter and Chocolate Brownie

سناكات صحية ومشبعة خالية من السكر أحبهم وقت الدوام أو بين الوجبات طلبت نكهات لذيذة.

 St. Dalfour, Wild Blueberry, Deluxe Wild Blueberry Spread

مربى بالتوت البري ذقتها عجبتي خفت تكون حالية بزيادة بس بالعكس حبيتها وخالية من المواد المصنعة.

 Peanut Butter & Co., Peanut Butter Blended With Rich Dark Chocolate

بينت بتر مع دارك تشوكلت الإسم سحرني صراحة بس لسا ماجربتها *-*

 Justin's Nut Butter, Maple Almond Butter

زبدة اللوز طلبتها قبل كذا بس طلبت السادة وهذه مع الميبل سيرب صراحة أطعم بكثير مرة حبيتها.

 Eden Foods, Organic, Wild Berry Mix, Nuts, Seeds & Berries

فواكه مجففة ومكسرات عضوية مو مضافلها لا ملح ولا سكر.

 Chocolove, Almonds & Sea Salt in Dark Chocolate and Toffee & Almonds in Milk Chocolate

جربت النوع الدارك مع الملح مرة عجبني نكهته لذيذة بس لو ماتحبي الدارك تشوكلت اتوقع ماتعجبك.

على فكرة التشوكلت عندهم مايشحنوها بالصيف عشان لا تسيح.

 Now Foods, EGCg, Green Tea Extract

مستخلص شاي أخضر مركز ٣ مرات أكثر من العادي وبدون كافيين

طعمه مر شويه وأنا عادي أحب طعم الشاي الأخضر بس هذا حسيته ثقيل.

 Bigelow, Vanilla Chai Black Tea

شاي بالفانيلا والسبايسز عادي جدا. حسبته بيكون زي الشاي لاتيه اللي عند الرفاعي بس طلع غير، اللي عند الرفاعي ألذ صراحة.

 Sundesa, SportMixer Blender Bottle

 وأخر شيء هذه العلبة البليندر طلبته لأخويا لبعد الجيم، شفته بالموقع حسيت يعجبه عشان يسوي فيه البروتين شيك

مريح يخلطه بنفس العلبة وياخذه معاه الجيم وعجبه مرة.

وبس هذه كل طلباتي ترى أدمنت الموقع خلاص إتوقعو كل فترة بنزل بوست مشتريات زي كذا هههههه

إن شالله حبيتو المشتريات وأشوفكم ببوست قريب :*

❤❤❤

Twitter | Instagram | Email