Real Techniques Brushes Review ريفيو فرش ريل تكنيك

فرش ريل تكنيك صممتها حبيبتنا خبيرة التجميل سمانثا تشابمن (من قناة Pixiwoo باليوتيوب)

مصنوعة من شعر Taklon صناعي وغير مجربة عالحيوانات ومن أهم مميزاتها إن سعرها بمتناول الجميع وبجودة عالية

كل فرشة مقصوصة يدويا ويمكن إستخدامها مع أي منتج مكياج باودر، كريم أو سائل.

الفرش مقسمة لثلاثة مجموعات وكل مجموعة لها لون:

 اللون النحاسي  Flawless Base

مخصصة للبيس والفاونديشن والباودر للوجه.

اللون البنفسجي Enhanced Eyes

فرش للعين.

اللون الوردي Perfect Finish

للمسات الأخيرة زي الهايلايت والبلش والبرونزر وغيرها.

ومؤخرا نزلت مجموعة لميتيد باللون الأبيض وهي مجموعة Due Fiber 

وهذه قناة Real Techniques عاليوتيوب فيها تتوريالز مفيدة من سام تشرح كل فرشة كيف طريقة إستخدامها وكيف تستخدم نفس الفرشة بأكثر من طريقة.

الريفيو راح يكون عن ١٢ فرشة من ريل تكنيك جربتها وصارلي شهر تقريبا أستخدمها

طلبت مجموعتين Core Collection ، Starter Kit 

وفرش لوحدها Powder Brush ، Blush Brush ، Fine Liner Brush

طلبتهم من أمازون ماني متأكدة من السعر بس كلهم كلفو أقل من ٣٠٠ ريال مع الشحن!

أول شيء أبدأ برأيي عنها بشكل عام:

- حبيت العلبة أو الشنطة السودا اللي جات فيها المجموعات جدا عملية وممكن تتقفل وتحطيها بالشنطة.

- لاحظت إن كل الفرش أقدر أستخدمها لأكثر من إستخدام مو بس زي ماهو مكتوب عليها.

- جودتها رائعة مقارنة بسعرها بس المسكة حقتها مصنوعة من بلاستيك ماأتوقع تعيش لوقت طويل :(

- سهلة جدا بالتنظيف لأن شعرها صناعي وبعد ماتنظفيها ترجع لنفس شكلها كأنها جديدة.

- ماحبيت ديزاينها من تحت هم مسوينها كذا عشان توقفينها عالتسريحة وتكون قدامك وتوصليلها بسرعة 

بس ماعجبني هذا الشيء لأني أحب أحط فرشي بالكاس حق الفرش والديزاين هذا مسوي زحمة :\ يعني غصب أخليها برا لول

نجي للريفيو المفصل لكل فرشة:

 الفرش النحاسية Flawless Base

 فرشة الباودر Powder Blush

تنباع لوحدها بدون مجموعة حجمها كبير وجدا ناعمة حبيتها

أستخدمها للباودر لتثبيت الفاونديشن وعجبني حجمها توزعلي الباودر بشكل خفيف جدا عشان مايبين الوجه Cakey

وممكن تستخدمينها للجسم.

 مجموعة Core Collection

 Buffing Brush

من أحلى الفرش اللي جربتهم للفاونديشن وبالنسبة اللي سألوني عن المقارنة بينها وبين سيقما

هي شكلها قريب من سيقما F82 Round Kabuki بس سيقما الشعرات حقتها أسمك وتعطي تغطية أثقل وتاخذي وقت وإنتِ تدمجي.

فرشة ريل تكنيك مرة خفيفة زي الهوا ماتحسي فيها وسريعة وتدمج الفاونديشن مع البشرة بشكل جدا طبيعي وشبيهة لفرشتي اللي من سيفورا #٤٥ بس ريل تكنيك أخف وعملية أكثر. 

Detailer Brush

فرشة صغيرة ومقصوصة على شكل مثلث من فوق مرة حلوة لهايلايت زاوية العين أو لتغطية الحبوب الصغيرة عالبشرة وإستخدمتها لتحديد برا الشفايف وممكن كمان تستخدميها كفرشة شفايف زي ماقلت قبل هذا الحلو بفرش ريل تكنيك تقدري تستخدميها أكثر من إستخدام.

Pointed Foundation Brush

نفس الفرشة اللي قبلها بس على أكبر شوية حلو تستخدميها للكونسيلر تحت العين والهايلايتر الكريمي أو الباودر للوجه.

Contour Brush

 مرة ناعمة وشكلها بيرفكت للكونتور الكريمي أو الباودر تقدري توزعيه فيها وتدمجيه على فوق وتعطيك لوك ناعم مو حاد 

وبرضو ممكن تستخدم لتثبيت تحت العين بالباودر إستخدمتها لهذا الشيء وعجبتني وبعدين شفت فرشة ثانية من المجموعة الوردية مخصصة لتثبيت تحت العين وحبيتها راح أطلبها p;

المجموعة جميلة وأنصح فيها حبيتها ♥

 الفرش البنفسجية Enhanced Eyes

 

الفرشة اللي عاليمين تنباع لوحدها بدون السيت 

إسمها Fine Liner Brush

رفيعة ومرنة ماهي زي القلم قاسية لا تمشي معاك بالرسم بس شعراتها متماسكة مادري كيف أشرحها شوفو بالفيديو اللي نزلته بأول الريفيو سام مستخدمتها وإن شالله تفهمو قصدي xp

حبيت إني أقدر أتحكم بالرسمة وأخليها رفيعة أو عريضة، حبيتها للجل أيلاينر بيرفكت وسهلة بالرسم.

 مجموعة Starter Kit

 Deluxe Crease Brush

 فرشة الكريس أو الجفن الثابت تستخدم لدمج الإيشادو وجيدة نوعا ما بس فرشة ٢١٧ من ماك بدمج الأيشادو أحلى بكثير عشان كذا مااستخدمها للأيشادو وعجبتني جدا لما دمجت فيها الكونسيلر تحت العين مرررة تجنن وتدمجه بشكل ناعم وتعطي تغطية حلوة بس ماهي ثقيلة عشقتها وراح أستخدمها على طول للكونسيلر. 

Brow Brush

مرة ماحبيتها لرسم الحواجب لأنها سميكة وشعراتها ماهي متماسكة 

بس طبعا لقيتلها إستخدام ثاني وهو تحديد تحت وفوق الحواجب بالكونسيلر مرة جميلة لهذا الغرض وتحددلي الحواجب بشكل مرتب

وممكن تستخدميها فوق خط الرموش إذا حابة تحدديها بلون غامق أو تحت العين برضو بس للحواجب أبدا ماعجبتني :\

Accent Brush

يانااسو على هذه الفرشة عجبتني مرة بيرفكت لتحت العين 

وهذه ممكن أستخدمها للحواجب لأنها صغيرة ومتماسكة أكثر.

Pixel-Point Eyeliner Brush

إسمها طويل على قلة فايدة ماحبيتها فاشلة :\

هي مخصصة للأيلاينر وتشبه الفاين لاينر بس أعرض وأطول منها وتعطيك رسمة أيلاينر عريضة ولو جفنك صغير راح تاخذ ثلاث ارباع الجفن لأنها مرة عريضة عكس الفاين لاينر

هي ممكن يمشي حالها بس الفاين لاينر أحلى منها.

Base Shadow Brush

جميلة إستخدمتها لتوزيع البيس سوفت أوكر من ماك حبيتها 

وممكن تستخدميها لتوزيع لون واحد عالجفن سريعة وتعطي لون خفيف

والمجموعة هذه لو تنباع كل فرشة لوحدها أنصحكم بالديلوكس كريس للكونسيلر وفرشة الأكسينت الصغيرة باقي الكت عاديين فيه أحلى منهم.

الفرش الوردية Perfect Finish

Blush Brush 

 

مرررررررة جميييلة هذه الفرشة وإحساسها أجمل :(  

مرة ناعمة والشيب حقها بيرفكت توزع وتدمج البرودكت مع البشرة بشكل جميل أستخدمها مع البلش والبرونزر وأدمنتها
أكثر فرشة حبيتها بكل الفرش وحلو إنها تنباع لوحدها *-*

وبشكل عام فرش ريل تكنيك جدا جميلة ومميزة يعني متعوب عليها بس سعرها بمتناول الجميع ومرة أقدر الشيء هذا بالميك اب أرتيست سام أبدعت فيهم.
وبصراحة لو ماعندي غير هذه الفرش ممكن أسوي فيها لوك مكياج كامل ومرة أنصح المبتدئات يجربوها
وإن شالله يكون عجبكم الريفيو خصوصا اللي كانو منتظرينه :*