الجهاز هو عبارة عن فرشة سيليكون بتقنية سونيك تعطي ذبذبات صوتية تنظف بشكل عميق بس رقيقة عالبشرة.
متوفر بحجمين صغير وكبير ومختلفين عن بعض، أنا عندي الصغير وراح أتكلم عنه بالتفصيل وعن تجربتي ورأيي فيه.
الحجم الميني مناسب لكل أنواع البشرة ويجي بشكل مسطح صغير والجهة الأمامية تعطيك تنظيف رقيق لكل البشرة والجهة الخلفية تعطي تنظيف أعمق لمنطقة الأنف والتي زون خصوصا للبشرة الدهنية.
طريقة الإستخدام:
الجهاز مبرمج يشتغل لمدة دقيقة بسرعتين عادية وبطيئة،وكل ١٥ ثانية يسوي صوت عشان تنتقلي لمنطقة أخرى للوجه
تشغليه وتستخدمي معاه أي غسول عادي مناسب لبشرتك بس مايكون سكرب.
ويستخدم مرتين باليوم.
هنا فيديو موضح أكثر لطريقة الإستخدام:
مميزات الجهاز:
- فرشته لأنها سيليكون بتعيش أكثر من باقي الفرش وماراح تضطري تغيريها لأنها ماتجمع بكتيريا.
- تنظيفه جدا خفيف ورقيق عالبشرة مايحسسها ولا يخليها تتقشر.
- مقاوم للمويه.
- الجهاز يجي مشحون وبطاريته تعيش وقت طويل.
- خفيف الوزن وصغير الحجم.
عيوبه:
- ماحبيت الشكل للأسف ماحسيته عملي وأنا متعودة على مسكة الفرش أسهلي بالتنظيف.
- تنظيفه بالنسبة ليا كان جدا رقيق ماأعطاني تنظيف عميق زي الكلارسونك، ولازم تشيلي الميك اب قبله.
مقارنة مع الكلاريسونك:
حقيقة أشوف الجهازين مختلفين شويه عن بعض مع إنهم نفس المفهوم،
اللي متعودة الكلارسونك وتحبها وتستخدمها صح راح تشوف تنظيف لونا خفيف وحسيته مناسب للتنظيف اليومي بس مو تنظيف عميق.
أما اللي جربت الكلارسونك وحستها قوية على بشرتها أتوقع لونا بيكون مثالي لها
وأعتقد إنه ممتاز للبشرات الجافة والحساسة أكثر لأن تنظيفه مرة رقيق وماراح يحسس البشرة.
وبالنسبة ليا بشرتي دهنية وعندي مسام أحتاج تنظيف عميق ولو بختار بين الأثنين راح أختار الكلارسونك لأني شفت فرق بالمسام وشكل سطح البشرة وهذا ريفيو مفصل عنها
بس زي ماذكرت اللونا ممتاز للبشرات الحساسة أكثر والتنظيف اليومي.
اللونا موجود بصيدلية وايتس وفروعها بجدة في هيفا مول والسلام مول وجرير صاري.
وسعر الحجم الميني ٧٠٠ ريال
وهذا رأيي بالمنتج بكل صراحة إن شالله ساعدكم بإختيار الجهاز المناسب لكم وإنتظرو تدوينة جهاز الكلارسونك الجديد وتدوينة جهاز براون لتنظيف البشرة قريب :*
No comments:
Post a Comment