Saturday, September 1, 2012

Macadamia Natural Hair Oil set review مجموعة المكاديميا للشعر




Hi Girls! 

اليوم بسوي ريفيو عن مجموعة المكاديميا للشعر
 أنا إشتريت السيت كامل عشان أجربه 
  وصارلي أستخدمه يمكن ٥ شهور تقريبا
أستخدم معاها أشياء ثانية مو كل يوم أستخدمها 
 
الصورة صورتها من أول ماإشتريت السيت



أنا نوع شعري كيرلي ناعم بس صار جاف ومتضرر من الصبغات
ومرررة frizzy :( 
 
سعر المجموعة كاملة بـ ٥٠٠ ريال من النزيه ومادري عن سعر كل منتج لوحده 
السيت جا معاها مشط اللي أسنانه عريضة ماأستخدمه نهائيا 
وإشتريت فرشة راح أوريكم صورتها سعرها ٣٨ ريال تقريبا



ببدا بـ زيت الشعر 
 Healing Oil Treatment 




ريحته زيت الأرغان مرة أحبها الريحة
صراحة الزيت يستاهل كل ريال أول ماأحطه ينعم شعري بشكل ملحوظ ويخفف الـ frizz
أستخدمه بعد الشاور أحط تقريبا ضغطتين على كل الشعر وأمشط بالفرشة حقة المكاديميا
ينفع للي شعرهم جاف ومتضرر ودايما يصبغون :|
وممكن لمن تصبغين شعرك تحطي ضغطة منه مع خليط الصبغة ،، جربتها 
وحسيت الصبغة مانشفت شعري زي دايما
شعري مرررة تحسن من بعد إستخدامه وراح أشتريه مرة ثانية أعطيه ١٠/١٠


 بخاخ الشعر
Healing oil spray 


 هذا نفس الزيت المعالج بس مخفف ينفع للي شعرهم دهني 
وقريت ريفيوز بنات شعرهم دهني ناسبهم أكثر
أنا أستخدمه لمن بصفف شعري لأنه الزيت ثقيل شويه فأستخدم البخاخ 
ويبين الشعر صحي ويخفف النفشة ويعطيه لمعة حلوة

عن نفسي ماراح أشتريه مرة ثانية لأنه شعري جاف 
وأحس في التصفيف ممكن أستخدم برودكت ثاني وأنصح فيه للبنات اللي شعرهم دهني


الشامبو
 Rejuvenating Shampoo



أنا بصراحة أول مرة أشتري شامبو مو درق ستور 
وحسيت بفرق كبييييير مرة مستحيل أرجع أستخدم شامبوهات عادية من بعد ماجربت المكاديميا لوول

الشامبو خالي من السلوفيت والبارابين
ريحته تجنن نفسي بعطر يكون نفس الريحة لووول
المهم عندي إنو يكون خالي من السولفيت لأن السولفيت ينشف الشعر وخصوصا الكيرلي يخليه فريزي بزيادة
وعادة الشامبوهات الخالية من السلوفيت تكون ماتنظف زين بس بالعكس شامبو المكاديميا ينظف من قلب 
وشعري يجلس ٣ أيام نظيف وريحته حلوة 
   وحلو فيه إنه ينعم الشعر تحسين ماتحتاجين بلسم بعده 

راح أشتريه مرة ثانية ومليون مرة أعطيه ١٠/١٠   


البلسم
  Moisturizing Rinse 


إحساسي للبلسم نفس البخاخ لول
أحسه ماينفع لشعري وترطيبه مو كفاية ويناسب الشعر الدهني أكثر
ريحته مرررة حلوة برضو

  بس عن نفسي ماراح أشتريه مرة ثانية وراح أكتفي بالماسك


الماسك 
Deep Repair Masque


لو بختار شيء واحد من المجموعة أنصحكم فيه راح أختار الماسك ❤.
ترطيبه من أروع الماسكات اللي جربتها وثقيل مرة
ونتيجته تبين من أول مرة تستخدمينه  ،، طريقتي بكل ماسك بعد ما أغسل شعري بالشامبو 
أنشفه شويه بالمنشفة وأحط الماسك على كل الشعر وألبس الشاور كاب وأخليه ربع ساعة وأغسله 
شعري يبين صحي ويلمع ،، جربت مرة تريتمينت بصالون بـ ١٥٠٠ 
وبكل صراحة ماسك المكاديما أعطاني نفس النتيجة
 ريحته مررة أحبها كل المجموعة ريحتها مررة حلوة 
وأنا أهم شيء عندي في منتجات الشعر تكون ريحتها حلوة

راح أشتريه مرة ثانية وماراح أشتري ماسك غيره لول أعطيه مليون من ١٠


 
الكريم 
 Nourishing Leave-In cream



كريم مرطب للشعر بعد الشاور 
بما إنه شعري كيرلي لمن أخليه على طبيعته أحب أستخدم الكريم هذا
وبصراحة أكثر شيء أحبها بهذا الكريم ريحته 
جايه على كيوي أو بابايا لوول ماني عارفة بالزبط بس ريحة فواكه
لو بشتريه مرة ثانية بس عشان ريحته 
ولا نتيجته عادية ممكن أي ليف إن يؤدي الغرض 


الفرشة
No Tangle Styler Brush


تفكك تشابك الشعر بدون ماتقطعه
أنا عقدتي أمشط شعري بس هذه حلو إستخدامها ومايعور لووول 
  تستخدم والشعر مبلول أو جاف

تعيش وقت طويل بس لو هريتها راح أشتري وحدة ثانية لوول



Healing Oil Infused Comb


هذا المشط اللي جا مع السيت هوا يستخدم مع الزيت المعالج عشان يوزعه عالشعر
بس أنا ماأستخدمه أحب الفرشة أكثر




وبس إن شالله عجبكم الريفيو وإستفدتو منه 

Love you all :D




19 comments:

  1. I used almost all the products But didn't like the masque, my hair is curly and i dono y it became dry , i thought maybe i put more than enough , I'm not really sure, but the best is the oil ! and little advice : don't buy from Nazih he is a fraud ! i almost bought it it 125 ryal! but without the spray and brush and it was one shampoo.. try another supplier

    ReplyDelete
  2. نوعية شعرك مثل شعري بالضبط
    عنجد شكرا بحجم السماء لمستوى الإبداع الذي تطرحينه
    استمري في العطاء فنحن نتابعك

    ReplyDelete
  3. This comment has been removed by the author.

    ReplyDelete
    Replies
    1. ◕。 said...

      شجعتيني ع الماسك والشامبو والزيت يمكن واكيد بجربهم
      انا شعري ناعم بس في الصيف صار جاف
      تهقين بيفيدني من تجربتك

      والف شكر

      Delete
  4. I really loved your review , I'm using it right now, and I already noticed how much better it got .

    ReplyDelete
  5. where can i get these products?
    thanks for the review!

    myobsession-l.blogspot.com

    ReplyDelete
  6. يسلموووا على المعل،مات الجميله و الريفيو الجميل

    ReplyDelete
  7. انا مثلك تماما عدتي الشعر لان شعري كيرلي بس باذن الله برح اجيب المجموعه
    بس عزيزتي ممكن توليلي من فين اختيها

    ReplyDelete
  8. السلام عليكم حبيبتي. اول شي مشكورة جدا على الريفيو الاكثر من رائع للمنتجات دي. صراحة كنت خايفة اشتريها واخسر فلوس وفي النهاية ماتفيد. بس لمن وصفتي شعرك كانك بتوصفي شعري. حبيت اسالك هل محل النزيه ذا في جده. واذا لا من فين اقدر اشتري الكوليكشن في جده. ربي يسعدك ويوفقك يارب العالمين. حبيت استشيرك كمان وان شاء الله ما اثقل عليكي يارب. انا ان شاء الله رايحة اصبغ شعري بلوند سيبفر وانا اساسا شعري غامق لوووووووووول يعني ام الدمار للشعر فا حبيت اعرف ايش تنصحيني من ذي الكولكشن؟؟ هل اشتريها كاملة ا؟او فقط اللي نصحتي عليه؟ مع العلم انو شعري زيك كيرلي وفيز بس طبيعتو يدهن بعد 2-3 ايام . ومشكورة مقدما ياقمر

    ReplyDelete
    Replies
    1. محلات نزيه بجدة موجودة بعزيز مو ل والأندلس وأعتقد بمركز الشرق
      والمجموعة هذه حلوة وأنصح فيها للشعر المصبوغ لأن الشامبو مافيه سولفيت أنصحك فيه ،وكمان الماسك والباقي حسب اللي تحتاجيه :)

      Delete
  9. شكراً بجرب الماسك

    ReplyDelete
  10. يعطيك العافيه انا لي فتره شريتها شعري ججحاف و محتاجه ترطيب بسالك الهيلنق اويل عادي احطه على شعري و اخليه ساعه او ساعتين بهدين اتروش ؟ جاي معاهم سبراي اسمه no tangle كيف استخدمه ؟ و شكرا

    ReplyDelete
  11. الماسك ممتاز للأطراف و يغذي من قلب
    لكن تجربته على فروة الشعر خلته دهني شوي

    ReplyDelete
  12. انا جربتها وأول ما استخدمتها مررره طرت من الفرح خصوصاً الزيت ورحت اشتريت علبة زيت ثانية خفت يخلص اللي معايا و ما ألاقيه .. بعد كذا شعري بدأ ينهار :( و يتساقط بشكل مرعب مع اني ما احطه على الفروة أبداً ومو كل يوم استخدمه !
    قاطعتة فترة و بعدين رجعت له و من أول ما احطه في شعري على طووووووول تتعبى الفرشه من شعري :"(
    الان انا عندي علبة زيت جديدة اذا تعرفي أحد يحب يشتريها من عيوني بس فعلا حرام تجلس لي كذا و هيا ما ناسبتني

    ReplyDelete
  13. مع احترامي الشديد وبس وش دخل ريحه الاوغان اويل في المكاديميا !!!

    ReplyDelete
    Replies
    1. مادري إذا قريتي قبل لا تعلقي بس المجموعة تحتوي على زيت المكاديميا وزيت الأرغان عشان كذا فيها ريحته :)

      Delete
  14. جربي كريم الكيرلز حق ماكاديميا ماحطيتيه في الريفيو.. مخصص للشعر الكيرلي بس و ممتاز شعرك يجلس يومين ثلاث يلمع لمعة صحية ورطب من قطرات

    ReplyDelete

Related Posts Plugin for WordPress, Blogger...