MAC Art of the Eye Collection for Summer 2013 | Collective Beauty Haul كولكشن ماك للشرق الأوسط أرت اوف ذا أي | مشتريات

هذا البوست المفروض يكون مفضلات شهر مايو بس لسا ماجهزت فيه ولا شيء فشكله راح يتأخر شويتين 

واليوم بتكلم عن كولكشنز ماك الجديدة اللي نازلة عندنا وشوية مشتريات :*

MAC Art of the Eye Collection

الكولكشن مخصصة للشرق الأوسط وأسماء منتجاتها عربية وألوانها تناسب البشرات العربية أنا مرررة عشقتها أبدعو فيها ماك صراحة هي وكولكشن Temprature Rising اللي راح تنزل قريب.

هذه الكولكشن راح تنزل بكرا ٤ يونيو بفروع ماك عندنا وحبيت أسوي بوست مخصص لها عشان اللي حابة تاخذ فكرة عن الكولكشن قبل ماتنزل!

١- منزلين فيها بالتين أيشادو وحدة بألوان دافية إسمها رمال دهبية والثانية بألوان باردة إسمها ماسات الليل

البالتين جربتهم رائعين وإختيارهم للألوان مع بعض جدا متناسق، هي أكثر شيء أنصحكم تجربوه من الكولكشن.

٢- جل حواجب أغمق من الدب داون وإسمه Deep Dark Brunete لونه بني غامق ويناسب الشعر الأسود.

٣- بيجمنتس حلوين وحدة بلمعة ذهبية غامقة إسمها Reflects Antique Gold جميل جدا فوق الشدو الأسود يعطيك لمعة ذهبية معتقة نفس إسمها p;

والدرجة الثانية Reflects Gold قلتر ذهبي يشبه الدايموند غليتر من ميك اب فوريفر.

٤- نزلو ٥ أيشادوز منفصلة وألوانها قوية وجديدة أولهم شدو بنفسجي إسمه Banafsaji ( ماتعبو نفسهم بالإسم xp )

لونه خطيييير أغمق درجة من البنفسجي ومع الدمج يطلع جمييل عالعين أكثر درجة حبيتها!

ثاني شدو أورنجي إسمه Farasha لونه أورنج غامق بس قوي اللون يطلع جميل لو دمجتيه عالكسرة مع بنيات يعطيك دفء للشدو.

الشدو الثالث فوشي قوي إسمه Gameela ماهي على ذوقي الدرجة بس تخيلتها مع البنفسجي الغامق تطلع خطيرة!

الشدو الرابع أخضر زمردي إسمه Hajar Karim مرة جمييييييلة أحب الأخضر مع الألوان البرونزية.

والشدو الخامس أزرق سماوي إسمه Parrot طبعا اللون مع الدمج يطلع رائع.

ماك صممو ألوان الكولكشن على أساس إن المكياج العربي فيه ألوان ودمج كثير عشان كذا إختارو ألوان قوية.

أنا تحمست بكرا بمسك فيس شارت وأدمج الألوان مع بعض وبشوف إيش يطلع معايا xp

5- أقلام Chromagraphic Pencil متعددة الإستخدامات ملونة موجودين بمحلات ماك البرو.

٦- كحل Feline أسود موجود على طول.

٧- أيلاينر Boot Black موجود على طول ماأحب ريشته لأنها ماتتحرك معاك بس اللي تحب الريشة القاسية بيعجبها :\

٨-٩- ماسكارا Opulash الزرقا لميتيد وإسمها Sama والسودا موجودة على طول.

١٠- رموش رقم ٤ مفضلة عندي من زمان شكلها طبيعي جدا عالعين وتبين كأنه رموشك حلوة وكثيفة طبيعي.

أكثر أشياء عجبتني من الكولكشن 

باليت الرمال الدهبية مستحيل تتفوت *-* 

اللي تحب الألوان الدافية زيي راح تعجبها!

فيها شدوهات موجودة على طول بماك زي Soft Brown و Shroom والإثنين مرة أعشقهم سوفت براون جميل جدا كلون خفيف للكريس وشروم إضاءة لتحت الحاجب ناعمة ماهي بقوة نايلون

والألوان الجديدة بالباليت Beauty Burst و Najm el Lail

بيوتي بيرست لونه بني محمر أعشق هذه الدرجات تحت العين ونجم الليل بني غامق مرة على أسود خطيييير مرة حبيته!

وكل الدرجات تقدري تسوي فيها لوك ترابي جميل ممكن تخليه سموكي وممكن ناعم 

سعرها ٢١٨ ريال أقل من الباليت العادية من ماك اللي هي ب٣٣٧ 

أخذت الأيشادوز كلهم ماعدا الفوشي لأني ماراح أستخدمه أبدا لول

البجمنت حبيت الذهبي الغامق لونه جميل جدا

وكحل أزرق سماوي ماعندي زي هذه الدرجة

وأخذت الماسكرتين كلها الزرقا والسودا وماقد جربتهم هذه أول ماسكارات أخذهم من ماك راح أجربهم وأتكلم عنهم ببوست ثاني لو عجبوني.

وبس هذا كل اللي حابة أقوله عن الكولكشن ونجي للكولكشن الثانية المعروضة حاليا بفروعنا اللي هي أرتشيز غيرلز 

المنتجات نفسها ماهي مرة حلوة

يمكن غير اللي أخذتهم عجبني بس البلش Prom princess وبيجمنت واحد والمناكير

بودرة الإضاءة اللي فيها قلوب مررررة ماحبيتها مافيها لون ولا لمعة بس شكل :\

حسيتها من الكولكشنز اللي ماك يتعبو عالباكجنغ حقها والدعايات عليها بس المنتجات نفسها تطلع يعني مو مرة تستاهل

اللي متعودة على كولكشنز ماك راح تعرف قصدي لول 

ماأخذت منها غير باليت ألوان ترابية إسمها Caramel Sundae

ماني فاكرة سعرها أعتقد ميتين وشيء جميلة ألوانها جدا ناعمة وصباحية.

وروجين من مجموعة فيرونيكا وردي على موف إسمه Daddy's Little Girl

وهذا سواتش من النت له

مرة حبيته اللون جميل جدا وإذا تحبون تدمجون أرواج زيي  هذا جاي بين أب ذا آمب وبينك نوفو من ماك

والروج الثاني لونه أحمر إسمه Ronnie Red

أحمر على بينك والأندرتون حقه بارد 

أرواج الكولكشنز أسعارهم ١٠٦ريال

وبرضو من ماك أخذت رموش 

اثنين من رقم ٤ وحدة ليا ووحدة لأختي، رقم ٤ معتمدة عندي من زمان أحبها!

ورقم ٣٦ إذا فاكرين قبل فترة تكلمت ببوست عن رموش ماك رقم ٣٥ اللي نزلت مع كولكشن مارلين مونرو هذه نفسها بس جاية بزاوية شكلها جمييييلة وتحلي العين مرة تحمست أجربها!

أسعارهم الوحدة ب٨٠ ريال

أخر دفعة من مشتريات ماك xp

روج كاندي يم يم نزل قبل أسبوعين تقريبا وخلص بكم يوم وأعتقد راح ينزل منه مرة ثانية لأنه موجود على طول بماك

لونه إسم على مسمى *-*

سعره ٩٨ريال

غسول جل للبشرة المختلطة/الدهنية خال من الصابون (أهم شيء عندي) عشان مايجفف البشرة

صارلي كم يوم أستخدمه جدا منعش ولطيف.

سعره ١٠٧ريال

كريم مرطب Mineralize Charged Water Moisture Gel من سنيييين أقرا عنه مادري ليش ماإشتريته إلا دحين جربته أسبوع بس ومرة فرق معايا بالترطيب وبنفس الوقت لأنه جل يناسب بشرتي الدهنية

سعره ١٨٥ريال

إن شالله راح أتكلم عنهم أكثر لمن أجربهم مزبوط بس كأول إنطباع مرة حبيتهم.

المشتريات اللي من غير ماك لول

Chanel Soleil Tan De Chanel

برونزر كريمي من شانيل مافي أحد ماأتكلم عنه ومرة تحمست لمن عرفت إنو موجود عندنا بسيفورا

سعره ٢١٥ريال

Diorskin Nude Tan Paradise Duo

بودرة من ديور برونزر درجتين غامقة وفاتحة وبلاشر مشمشي وشكلها لوحده يكفي *-*

جات معاها فرشة كبوكي صغيرة مرررة ناعمة وجميلة

وسعرهم مع بعض ٢٩٣ ريال

من سالي هانسن أخذت بخاخ تان غلو عندي اللايت غلو بس فاتح وأخذت هذا عشان يعطيني لون برونزي أكثر.

سعره ٧٥ ريال

جل أيلاينر مايبلين تكلمت عنه كثيييير مادري كم مرة إشتريته صار أساسي عندي كل ماخلص أو نشف أرجع أشتريه 

نفسي يغيرون شكل فرشته لأن صار عندي مرة كثيير منها لوول

سعره ٤٥ريال

٣ مناكيرات أخذتهم بأول الشهر تقريبا من ماركس وسبنسر كانو مسوين تخفيض وحبيت ألوانهم.

سعرهم ١٣ريال بعد التخفيض

وأخر شيء 

عاليمين من ماركس وسبنسر برضو وقت التخفيض أخذت لوشن بالليمون ريحته منعشششششة ونظيفة *-* 

سعره بالثلاثين تقريبا

عاليسار شامبو وبلسم Brilliant Glossing من سيفورا ماركة Fekkai 

قريت عنهم كثير وشفت عليهم ريفيوز حلوة وأخذتهم جربتهم أمس مرررة حبيتهم الريحة جميلة والشامبو ينظف ويرطب الشعر والبلسم جميل من ناحية اللمعة لسا مالاحظت راح أجربهم أكثر وأسويلهم ريفيو إذا حسيت يستاهلو.

الشامبو ١١٠ريال والبلسم ١١٥ريال

وبس هذه مشتريات البيوتي للشهر اللي فات كنت حابة أضيف مشتريات ملابس وشوزات بس قلت خليهم ببوست لوحدهم أفضل :*

إن شالله حبيتو التدوينة وعجبتكم المشتريات

وشاركوني أرآئكم لو جربتو شيء من المنتجات اللي تكلمت عنها وإيش عجبكم من كولكشنز ماك الجديدة؟ 

Love you all <333