June Favorites 2013 مفضلات شهر يونيو

وأخييرا صرنا بشهر جولاي شهري المفضل بالسنة ❤.❤

والبوست كعادتي ببداية كل شهر يكون عن الأشياء اللي حبيتها بشهر جون!

  *صورت بالليل ماأحب الإضاءة العادية أفضّل إضاءة الشمس :(*

مفضلات الشعر

Fekkai Brilliant Glossing Shampoo and Conditioner 

جدا جميلين!

إستخدمتهم طول الشهر ريحتهم جميلة وخفيفة ينظف الشعر ويرطبه 

وفعلا يعطي لمعة أحس شعري صار حيوي وجميل.

الشامبو ب١١٠ ريال

البلسم ب١١٥ ريال من سيفورا.

مفضلات الجسم 

Burberry Body Perfume and Lotion

العطر كان عندي قبل سنة وخلصته بسرعة ورجعت دحين أخذته مع اللوشن لأن ريحته مرررة جميلة *-*

نظيفة ومميزة يعني لمن أشمه على أحد على طول أعرف إنه بودي

وبيرفكت للدوام والطلعات الخفيفة لأنه مو قوي.

سعرهم حدود ٤٠٠ريال.

Soap And Glory Hand Food

.ترطيبه جميل وخفيف وريحته حلوة بيرفكت للشنطة 

سعره حدود ٢٠ريال من صيدلية بووتس.

L'occitane Shea Butter Hand Cream

أشكر كل وحدة نصحتني فيه ومدحته *-*

أنا يدي جافة ومرة رائع ترطيبه عميق ويجلس فترة طويلة أحب أستخدمه قبل ماأنام لأنه ثقيل.

سعره تقريبا ١٤٥ريال من لوكسيتان.

مفضلات المناكير

٣ ألوان جميلة جدا من المجموعة الجديدة من سيفورا مرة حبيتهم بالشكل الجديد ومنزلين ألوان كثييرة 

ونوعية المناكير تعجبني تنشف بسرعة ولونها قوي.

الألوان اللي حبيتها 

1st Night لونه لحمي على وردي جمييييل.

Samba in Rio أورنجي محمر أنا مهووسة بهذا اللون مؤخرا *-*

Pink Paradise لونه بينك لزيز وفاقع مرة حلو مع التان

أسعارهم ٣٦ريال من سيفورا.

مفضلات المكياج

MAC Studio Sculpt Foundation 

تكلمت عن هذا الفاونديشن بإنستغرام وتكلمت عنه بالبوست السابق 

إستخدمته طول الشهرين اللي فاتت وكل مرة أستخدمه يعجبني أكثر *-*

مع إنه ساتين فينيش وفيه مواد ترطب البشرة وأنا بشرتي مختلطة/دهنية بس أستخدم بعده باودر ويصير بيرفكت!

كريمي و Gel based تغطيته متوسطة/عالية ويثبت من ٧ لـ ٩ ساعات

أحب إنه يخلي بشرتي فيها نضارة وشكلها صحي وبالتصوير يطلع مرة جميل

يناسب كل البشرات بس إذا بشرتك شديدة الدهنية ماأنصحك تستخدميه.

أقدر أقول إنه التوب عندي بفاونديشنز ماك و١٠٠٪ راح أرجع أشتريه لمن يخلص.

سعره ١٧٨ريال من ماك.

MUFE Pro-Finish Powder Foundation

الباودر ممتازة ومن أجمل الباودر فاونديشنز اللي جربتهم!

ناعمة جدا وتغطيتها طبيعية وعالية وممكن تستخدم مبلولة أو جافة 

إن شالله قريب راح أسويلها ريفيو خاص أتكلم عنها أكثر وعن طريقة توزيعها.

مو متأكدة من سعرها بس حدود ١٧٠-١٨٠ ريال

MAC Mineralize Blush in Love Joy

المينيرلايز بلشز أحلى نوع بلشز عندي بماك!

أعشقهم لونها قوي وفيها لمعة رائعة تعطيك Glow ومايحتاج تستخدمي هايلايتر بعده

 دايما ينزلوهم لميتيد اديشن بس الموجودين على طول بماك أعتقد ٦ أو ٧ ألوان عندي منهم ٤ والدرجة اللي حبيتها الشهر اللي فات هي Love Joy لونها برونزي لحمي مع لمعة ذهبية جميلة.

سعره ١٣٠ ريال من ماك.

YSL Rouge Volupte Lipstick #15

لونه أورنج محمر فاقع وكريمي.

سعره ١٩٠ ريال

MAC Mehr Lipstick

وردي لحمي ومطفي رائعة الدرجة!

سعره ٩٨ريال

والروجين هذه نشبت فيهم طول الشهر لول 

بالطلعات العادية أحط ميهر وبالمناسبات أحط حق إيف سان لوران. 

وهذه سواتشز للأرواج والبلش:

وبس إن شالله تكون عجبتكم الفيفورتس 

وكل عام وإنتو بخير مقدما بمناسبة شهر رمضان :*