Monday, October 21, 2013

Review: The Body Shop Honey Bronzing Powder ريفيو: بودرة هوني برونز من ذا بودي شوب







من فترة ذا بودي شوب نزلو بودرة برونز من مجموعة العسل 
المجموعة كلها كنت مرة متحمستلها وخصوصا البودرة قريت عنها مدح كثير بالبلوقات واليوتيوب
ولما جربتها جدا عجبتني وحبيت أسويلها ريفيو خاص..

أول شيء الباكجنج كيوووت!!
البودرة كأنها خلية نحل وريحتها على سويت أقدّر هذه التفاصيل بالمنتجات لول

متوفرة بأربع درجات

01 Light Matte
02 Fair Matte
03 Medium Matte
04 Dark Matte

من مميزاتها إنها مطفية تماما مافيها لمعة 
نوعية البودرة نفسها خفيفة ماهي مرة بيجمنتد ماراح تبين غامقة بس تعطيك لون برونزي على ذهبي حلو وصحي ومستحيل يبين مصطنع لأنها خفيفة
مرة تنفع بالصباح مع بي بي كريم أو أساس خفيف لأنها تبين طبيعية
وقريت عنها ريفيوز عند الأجانب اللي بشراتهم بيضا باردة ومرة حبوها خصوصا درجة ١ و٢ لأن هذه البشرات صعب تلاقي برونزر حلو بدون مايبين مصطنع عليهم، 
بالنسبة للبشرات الحنطية المتوسطة والسمراء راح تناسبهم الدرجات ٣ و٤ 

أنا بشرتي حنطية متوسطة والدرجة اللي عندي رقم ٣ 






التعليب غير إنه كيوت، جدا عملي وماياخذ مساحة كبيرة وفيه مراية أقدر أخذه معايا بالشنطة.

الدرجة لونها خفيف وتعطي دفء جميل وطبيعي لبشرتي مناسبة للنهار زي ماذكرت بالبداية.

أتوقع إني راح أستهلكها كثير بالفترة الجاية! 

وهذا فيديو من ذا بودي شوب يوضح طريقة إستخدام بودرة البرونز



موجودة حاليا بكل فروع ذا بودي شوب وسعرها ٧٩ريال 





7 comments:

  1. كثير حلو شكلة ... البودي شوب صار عندهم اشياء جديدة وتستحق التجربة

    ReplyDelete
  2. كثير حلو شكلة ... البودي شوب صار عندهم اشياء جديدة وتستحق التجربة

    ReplyDelete
  3. حبيبتي بقولج مشكلتي انا بشرتي اذا مو مختلطه دهنيه والفانديشن اذا حطيته بالكثير ساعتين ويخطط معاي ويتحرك مع اني احط احط مرطب وبرايمر

    ReplyDelete
    Replies
    1. تأكدي إن المنتجات اللي تستخدميها مرطب/برايمر/فاونديشن تكون مخصصة للبشرة المختلطة والدهنية، ولازم تثبتي الأساس ببودرة خفيفة مطفية عشان يثبت، أنصحك تجربي بودرة ريميل ستاي مات.

      Delete
  4. حبيبتي انا استخدم مرطب عادي وبرايمر بنفت وفانديشن ماك ستيديو سكلبت وبودر ميكب فور ايفر ديو مات تنصحيني اغيرهم كلهم ولا

    ReplyDelete
    Replies
    1. المرطب خذي نوع يتحكم بالدهون عشان يزيد ثبات الفاونديشن
      والفاونديشن اللي تستخدميه فيه نسبة ترطيب عشان كذا مايثبت معاك جربي تستبدليه بفاونديشن مطفي

      Delete

Related Posts Plugin for WordPress, Blogger...