Tuesday, October 8, 2013

Review: Le Blush Creme de Chanel ريفيو: البلش الكريمي من شانيل






شانيل نزلو مجموعة جديدة هذا الخريف متكونة من ٦ بلشرات كريمية ليميتد
حبيت أتكلم عنها لأنا جدا جميلة وماتتفوت صراحة! *-*


البلشرات تركيبتها رائعة وجدا مميزة، كريمية زي السيليكون لما توزعيها عالبشرة تصير مخملية كأنها بودرة جدا ناعمة وسهلة بالدمج،
تعطيك نفس نضارة البلشرز الكريمية بدون ماتدبق لأنها زي البودرة وراح تناسب جميع أنواع البشرات،
لونها مررة قوي ولو جربتوها راح تلاحظو بمسحة خفيفة يبين معاكي اللون
يحتاج تدمجيها كويس مع البشرة سواء بإصبعك أو بفرشة Stippling وكمية قليلة تكفيك.
ثباتها جدا عالي أقدر أقول فوق ٨ ساعات.

الألوان اللي منزلينها متنوعة وكل بشرة راح تلاقي لون يناسبها:

Destiny رقم ٦١ لونه برونزي دافي.

Presage رقمه ٦٢ لونه أورنج مشمشي قوي، أكثر لون حبيته وناسبني وهو اللي أخذته من المجموعة وراح أتكلم عنه أكثر.

- Inspiration رقمه ٦٤ لونه وردي فاتح بارد البيجمنتيشن حقته مو مرة عالية زي الباقيين وجدا يناسب البشرات البيضا الباردة.

- Fantastic رقمه ٦٦ لونه فوشي بارد واللون جدا قوي مناسب للبشرات الحنطية الغامقة والسمراء ولمن يتخفف ويندمج مع البشرة يطلع جدا جميل.

- Affinite رقمه ٦٥ بينك طبيعي لونه قوي يناسب جميع البشرات.

- Revelation رقمه ٦٣ لونه بينك دافي يناسب البشرات الحنطية المتوسطة والبيضا.

وهذه سواتشات لكل البلاشرز من النت.




التعليب نفس علب شانيل الكلاسيكية، جدا أنيق وجميل وتجي بشنطة صغيرة
وبنفس العلبة فيها مراية كبيرة





الدرجة اللي عندي Presage 62 




أورنج مشمشي دافي جدا جميل وناسب بشرتي الحنطية المتوسطة، ويناسب البشرات السمرا كمان
لونه قوي وماعندي أي بلشر بنفس هذه الدرجة، مسحة صغيرة تكفي وأحب أوزعه وأدمجه بفرشة ستيبلينغ زي ماك ١٣٠ 

وهذا سواتش منه على يدي



بإختصار مرة حبيته وأفكر أخذ اللون البرونزي كمان أحسه جدا جميل!


عيبه الوحيد سعره ١٩٠ ريال حسيته غالي على كمية المنتج ٢،٥ غرام مقارنة بالبلش الكريمي من ماك ٥،٦ غرام وحق ماك أرخص.

موجود بكل محلات التجميل اللي توفر شانيل زي سيفورا، فافافوم، وجوه، دبنهامز وباريس غاليري وغيرهم.


جدا أنصحكم تجربوه وإذا جربتوه أعطوني رأيكم بالكونتس :*



4 comments:

  1. شكرا ,أنا حاطه عيني على

    Inspiration

    لأنه لون بارد, و الكريمي حيبان أحسن من البودرة

    ReplyDelete
  2. This comment has been removed by the author.

    ReplyDelete
  3. ما احب البلشرات الكريمة احسهم يبينوا المسام اللي في بشرتي

    ReplyDelete

Related Posts Plugin for WordPress, Blogger...