هاي حبيباتي :*
happy new year مرة ثانية وأتمنالكم سنة ٢٠١٤ تكون سنة سعيدة وناجحة ومليئة بالإنجازات يارب.
صراحة جات في بالي فكرة إني أسوي مفضلات ٢٠١٣ بشكل عام بس حسيت راح أكرر نفسي كثير خصوصا وإني كل نهاية شهر أنزل الأشياء اللي حبيتها بس إحتمال أسوي أكثر عشر منتجات مكياج حبيتها بسنة ٢٠١٣ وأنزلها بإنستجرام بس لسا مافكرت فيهم راح يكون اختيار صعب xp
بوست اليوم خاتمة المفضلات الشهرية لشهر ديسمبر ٢٠١٣
مو كثيرة بس جميلة وإن شالله تعجبكم
The Body Shop White Musk Smoky Rose Perfume Set
مجموعة عطر وايت مسك سموكي روز من ذا بودي شوب
ريحتها قوية وشتوية جدا أنثوية وجميلة خصوصا لما تبرد
أكثر شيء إستخدمتهم الشاور جل والسبراي، صح ثباتهم مو مرة بس لما تستخدمي المجموعة كلها مع بعض تثبت الريحة ٥-٦ ساعات.
Benefit Total Moisture Facial Cream & It's Potent Eye Cream
مرطبين للوجه والعين من بينيفت
مرة حبيتهم ترطيبهم عالي خصوصا بهذه الفترة بشرتي تحتاج ترطيب حتى لو كانت دهنية.
المرطب مافيه زيوت وتتشربه البشرة بسرعة ممكن أستخدمه قبل المكياج
ومرطب العين جدا رقيق ويعطي إشراقة بسيطة جدا لتحت العين طبعا مستحيل يعوضو عن الموية والنوم الكويس بس راح يساعدو شوية.
MAC Prep & Prime Skin Base
تكلمت عنه كذا مرة ويعتبر مفضل عندي على طول بس إستخدمته كثير هالشهر
يعتبر برايمر basic يحسن شكل البشرة ويحضرها للمكياج ويسوي عازل بينها وبين الفاونديشن عشان مايدخل بالمسام أو يسيح
يناسب جميع أنواع البشرات.
سعره ١٥٠ريال تقريبا مو متأكدة
Chanel Perfection Lumiere Foundation
حطيته بوحدة من مفضلاتي قبل تركته فترة ورجعتله
مطفي تماما بس مايبين ناشف عالبشرة، أحب اللوك المطفي بالشتا ماأدري ليش وثباته عالي ٨-٩ ساعات
تغطيته متوسطة/عالية وسريع وسهل جدا بالتوزيع والدمج مايتكتل وعلى إسمه يخلي البشرة بيرفكت مرة أحبه وماأشوف فيه أي عيب غير إن سعره عالي شوية بس يستاهل xD
يناسب جميع أنواع البشرات اللي تحب اللوك المطفي.
MAC Prep & Prime Highlighter in Light Boost
من ٨ سنوات وأنا أحب أستخدم توش إيكلا من إيف سان لوران إستخدمت درجات ٢-٣ ولسا أحبه بس دايما كنت أتمنى درجة مصفرة شوية ولما ماك نزلو أقلام الهايلايترز مرررة تحمست أجرب اللايت بووست وطلع زي ماكنت متمنية وأكثر! *-*
درجته على صفار مرة تناسب بشرتي (حنطية متوسطة) تسوي هايلايت جدا طبيعي وخفيف ونفس نوعية الكريم تثبت
نزلت بإنستغرام ريفيو مصغر عنه وعن بقية الألوان، من المنتجات اللي أنصح فيها بشدة جربيهم وإختاري الدرجة اللي تناسبك.
Benefit Stay Don't Stray Eye Primer Light/Medium
برايمر عين من بينيفت يثبت الأيشادو ويعطي تغطية بسيطة للجفن جميل.
أحب برايمر العين اللي فيه تغطية لأن أحس الشدو يبين أنظف وأقوى خصوصا لو كان الجفن عندك فيه هالات.
Inglot AMC Black Eyeshadow #63
أقوى أيشادو أسود جربته بحياتي صراحة!!!
أقوى من ماك كاربون ومن حق ميك اب فوريفر ومن بلاك أوت أربن ديكاي وكثير غيرهم
صبغته عالية جدا بدون مايتناثر أقدر أستخدمه كأيلاينر مع فرشة بزاوية ويبان فعلا كأني إستخدمت أيلاينر مو باهت زي الشدو
راااائع جدا وخلاني أعشق شدوهات إنجلوت من أقوى الشدوهات وسعرها جدا مناسب
سويتله سواتش قديم بإنستجرام شوفو كيف من مسحة وحدة فظيع :(
Sleek Blush By 3 Palette in Sugar
بلشرات سليك قمة الجمال وتنافس ماركات الهاي إند بسعر جدا معقول!
راح أسوي ريفيو عنهم إن شالله بس حابة أطلب كم شغلة زيادة وأسويلهم ريفيو مع بعض عشان يكون بوست متكامل.
الباليت هذه درجة شوغر جميلة جدا بهذه الفترة وتناسب بشرتي وثباتها عالي ماتبين ملطخة عالبشرة بالعكس.
طلبتها من نفس موقعهم SleekMakeup.com وشحنتها على بريدي البريطاني بشوب & شيب أرامكس.
MAC Face Kit By Rebecca Moses/Plum
ألوانها شتوية رائعة وصح إنها لميتيد بس البلاشر موكا والروجين سيرب وبلانكيتي وشدو يوغرت موجودين على طول بالمجموعة الدائمة.
الروج سيرب لونه بنفسجي لحمي طبيعي وجميل جدا بالنهار
بلاشر موكا من أحلى البلشرات بماك وجدا يناسب الشتا
.والشدوهات إختيارهم مع بعض بيرفكت!! مرة حبيت الباليت
مفضلات عشوائية
WoodWick Candles
شموع وود ويك أخذتها من لايف ستايل سنتر بوينت قبل فترة كان عليها خصومات
أول شيء تعليبها خطير صح؟ *-* خصوصا الفضية مستنية تخلص وراح أحطها عالتسريحة أخليها كاسة للفرش أو أقلام المكياج لول
تتميز بإن فيها فتيلة خشب لما تولعيها تطلع صوت كأنها دفاية حطب نزلت فيديو بإنستجرام لها
وريحتها قوية وتفوح بالغرفة وإحساسها جميل
أسعارها حلوة أرخص من باث & بودي ووركس ويانكي كاندلز.
صراحة أكره الهوت تشوكلت البودرة وأحس طعمه مصطنع بس جربت هذا النوع من جلكسي مرررة حبيته
طعمه لزيز وقريب للتشوكلت الحقيقية أخذته من الدانوب سعره ٣٠ تقريبا
أحط ملعقتين منه مع حليب حار وأزينه بالويب كريم وكاراميل.. إدماااااان مُميت وإنتبهو لا يزيد وزنكم *-*
وإذا حابين تشوفو وصفة الهوت تشوكلت الأصلية بهذا اللينك نزلتها السنة اللي فاتت
رائع
ReplyDeleteوعجبني الهوت تشوكلت ان شاء الله اجربوه :(