Sunday, September 14, 2014

Dior Star Foundation Review ريفيو ستار فاونديشن من ديور





عارفة المفروض الريفيو اليوم يكون عن مارك جيكوب بس حبيت أنزل هذا قبل لأنه فاونديشن جديد والكل يتكلم عنه
ونزل قريب عندنا فحبيت أعطيكم رأيي فيه إذا كنتو مخططين تاخذوه *-*





الفاونديشن خفيف عالبشرة يحتوي على نسبة حماية من الشمس 30 
يضيء البشرة ويوحد لونها،تغطيته متوسطة/عالية يعكس الإضاءة على البشرة لأنه مستوحى من التقنيات اللي يعملوها خبراء التجميل المحترفين في ديور للعارضات والفنانات عشان يعطيهم إشراقة ونضارة للبشرة بسبب تركيبته المبتكرة من الذرّات اللونية من السيليكا اللي تعكس الإضاءة وتعطي بريق ولمعان،، ويحتوي على مكونات علاجية لتجديد خلايا البشرة وتخفيف البقع والإحمرار،،

وديور عملو هذه التركيبة الجديدة المطورة بإنهم يخلو الفاونديشن مشرق ومضيء وبنفس الوقت يكون ثابت لوقت طويل.


الكلام هذا ترجمة لوصف وتركيبة الفاونديشن من الموقع ونجي لتجربتي الفعلية معاه:

- أنا حسيت الفينيش تبعه عالبشرة شبه مطفي بس يعكس الإضاءة بشكل رائع بدون مايعطي مظهر دهني أو مزيت بالعكس يعطي البشرة إشراقة جميلة.
- تغطيتيه مخملية طبيعية جدا وعالية مناسبة لكل يوم أو بالسهرات وكمان Buildable يعني تقدري تتحكمي بالتغطية سواء تخففيها أو تزيديها وحتى لو حطيتي أكثر من طبقة يبين طبيعي وكأنه بشرتك.
- إحساسه جدا جدا خفيف عالبشرة ماتحسي إنك حاطة فاونديشن.
- ثباته عالي فوق ٦ ساعات بدون تتش اب مع العلم إن بشرتي مختلطة/دهنية وأستخدم باودر للتثبيت.
- تقدري توزعيه بأصابعك أو فرشة بفنغ أو إسفنجة بكل هذه الطرق أعطاني نتيجة حلوة.
- يبين حلو بالتصوير مع إن فيه spf بس مايعطي فلاش باك أو يبين لونه فاتح بالعكس تبين البشرة صافية وناعمة.
- علبته أنيقة تجي بضغاط عملي للفاونديشن.


حقيقة وقعت في غرامه!! درجتي فيه 30 وأنا من محبين فاونديشن فوريفر من ديور نصحت فيه لكل اللي أعرفهم وهذا حسيته بتركيبة جديدة مميزة أعطاني فينيش شبيه لديور فوريفر بس فيه إضاءة أكثر وإشراقة للبشرة وجدا خفيف وهذا اللوك تقريبا هو اللي دارج حاليا وكثير راح تشوفو ماركات منزلين فاونديشنز نفس الفكرة.

مناسب لكل البشرات ومتوفر ب12 درجة وتتباع معاه إسفنجة بليندر نفس فكرة البيوتي بليندر.

وديور تقدري تلاقيها في أغلب أفرع سيفورا ووجوه ودبنهامز وفافافوم وباريس غاليري وسعره 245 ريال





❤❤

Twitter | Instagram | Email


4 comments:

  1. تحمست له مره شكله راح يكون فونديشني القادم بس شوي يخلصون اللي عندي
    يعطيك العافيه وفاء جميلة كالعادة ❤❤

    ReplyDelete
  2. Im not gonna buy it im not gonna buy it < هذا الي جالسة اقوله راح اتورطت لو اخدتو و لسى عندي اتنين ما خلصتهم حبيت فكرة الفاونديشن جدا مميزة

    ReplyDelete
  3. حمستيني اجربه يعطيك العافيه البوست جميييل

    ReplyDelete
  4. صارلي فتره اسمع عنه جربته مره تحمست له مرا و من اهم المنتجات الي ابي اجربها ب2015

    ReplyDelete

Related Posts Plugin for WordPress, Blogger...