Sunday, May 17, 2015

The Body Shop Bouncy Sleeping Mask Review ريفيو باونسي ماسك للبشرة قبل النوم من ذي بودي شوب





.اليوم الريفيو حبيت أخصصه لهالماسك العجيب من بودي شوب 
عليه مدح وريفوات ايجابية كثييير برا وهو ماسك ترطيب قبل النوم من مجموعة "Drops of Youth" العودة الى الشباب وهالمجموعة كاملة مخصصة للعناية العميقة ولتجديد البشرة والوقاية من التجاعيد، وكل مااهتميتي ببشرتك بوقت مبكر كل ماكان افضل وراح تعطيك نتايج أقوى بعدين.


في البداية أكلمكم عن فكرة ومكونات الماسك شويه..

الماسك اخذ ٧ سنوات لتصنيعه وعملو عليه دراسات كثير.. مستخرج من الخلايا الجذعية للزهرة البيضاء بجبال الآلب وهالزهرة معروفة بخصائص التجديد وإعادة الشباب للبشرة، ومن مكوناته الثانية الكافيين يساعد على تنشيط الدورة الدموية وتوزيع الأكسجين بالبشرة، حمض الهيالورونيك يحفظ الرطوبة بالبشرة،
زيت الباباسو يساعد على إن الماسك يكون خفيف وغير دهني، ادينوسين يحفظ الكولاجين وانتاج اليلاستين بالجلد وهو اللي ييعطي منظر الشباب.

تركيبة الماسك وملمسه غريب جدا زي الجيلي بالزبط وريحته هادية مو مزعجة
يستخدم قبل النوم بدل كريمك المرطب أو ممكن بعد السيرم وتقدري تنامي فيه.



طريقة إستخدامه:

بهالفيديو تقدري تشوفي طريقة توزيعه وطريقة المساج...
ويفضل تنتبهي لهالطريقة عشان تعطيك أفضل النتايج لأن المساج يساعد على تحفيز الجهاز اللمفاوي وتشجيع الدورة الدموية وأقنعة البشرة تمتص بشكل أسرع وتخلي البشرة بعد كذا متجددة وقوية ونشيطة..



شرحتها بطريقة مبسطة جدا سوي معاها وبعد كذا راح تحفظيها وهنا صورة تشرح الطريقة بالعربي.



أكيد هالمساج مو بس مع الماسك اي مرطب ليلي أو ماسك ترطيب تفضليه استخدمي معاه هالمساج.



تجربتي:

بشرتي مختلطة دهنية والماسك مناسب لجميع البشرات خصيصا البشرات الجافة او الباهتة اللي ناقصها نضارة.
مااستخدمته كل يوم تقريبا ٣ مرات بالأسبوع أو إذا حسيت بشرتي محتاجة مويه وترطيب ونضارة صارلي شهر تقريبا وأستخدمه بدل كريمي الليلي لو بشرتك جافة استخدميه كل يوم وأتوقع البشرات الجافة بتعشق هالماسك،،

من ناحية الترطيب ممتااااز فعلا يرطب البشرة بشكل عميق وتأثيره يبقى وقت طويل مو بس بوقته وماحسيته ثقيل أو قوي على بشرتي مع إنها مايلة للدهنية..
ملمس البشرة اتحسن واعطاني نعومة ونضارة عالية لمن أصحى البشرة قمة النعومة، يحتاج استمرارية بالاستخدام وراح تشوفي نتائج رائعة وكل شيء قالوه حسيته فعلا اعطاني نفس النتيجة.

عيب واحد بس إنه يتلصق ويدبق شويه، في البداية كان يضايقني بس اتعودت عليه لمن حبيت نتيجته،،
ومااقدر أحطه وأنام على طول دايما أستخدمه قبل ماانام بنص ساعة تقريبا.


سعره ١١٩ ريال.
إذا مترددة راح يعجبك أو لأ بودي شوب عندهم بالمحل علب سامبل مرة أنصحك تاخذي عينة منه وجربيه على وجهك وشوفي نتيجته كيف وأحكمي *-*








❤❤

Twitter | Instagram | Email






6 comments:

  1. انا اشتريت منو من رد سي ف جده المحل قدام الدانوب مرا عجبني وبنستخدموا انا وماما

    ReplyDelete
  2. حمستيني علييه واتوقع ماما بتحبه لانها تطفش من الماسكات وماتحب الخطوات الكثيره
    يعطيك العافية ياعسل على الريفيو ..

    ReplyDelete
  3. متحمسة اجربه ان شالله اروح ويعطوني عينه

    ReplyDelete
  4. جدا جممميل استخدمه الحين لي شهر وانا بشرتي مختلطه
    حسيت فعلا بنعمومه وبشرتك تحسينه صافيه

    ReplyDelete
  5. عقب ماقريت كلامك رحت جبته بشرتي جافه اعجبني جججججججدا خيالي يرطب ونظظاره بشرتي مره صارت فيها حياه ونعومه فتح نفسي احس خلاص ماقدر استغني عنه
    صدق صدق من كل قلبي شكراً لانك نصحيني فيه والله يوفقك ويحقق لك كل ماتتمنينه

    ReplyDelete

Related Posts Plugin for WordPress, Blogger...