CONFESSIONS OF A M.A.C.AHOLIC: MAC Private Workshop in Jeddah إعترافات مدمنة ماك: دورة ماك التجميلية في جدة

فاكرين هالسلسلة ولا نسيتوها :*

صارتلها فترة ركود بس دورة ماك حمستني ارجعلها عشان اعملكم تغطية للنصايح اللي اتعلمناها ♥

الورك شوب كانت قبل رمضان مع المدربة وخبيرة التجميل بماك Kate McDonald

علمتنا على لوكين مختلفين للنهار والليل واعطتنا نصايح للمكياج بالصيف والمقاوم للحر والرطوبة بالخليج وغيرها... استفدت كثير وانبسطت بالدورة والاحلى القودي باق الجميلة من ماك فيها شنطة عملية مرة للسفر ومنتجات من ماك وفرش عليها اسم البلوق جدا حبيتها وللمعلومية مااستخدمتها ماابغى اخربها ههههه

 

راح انقلكم بعض من تفاصيل الورك شوب وبعض النصايح اللي اتعلمناها..

هنا اول مادخلنا استلمنا القودي باق والفرش

هذا كان شكل القاعة قبل لا نبدا وكانت بحياة بارك
جدا كانو منظمين ومرتبين..

الخبيرة كيت قبل لا نبدا،،
اهم شيء عينكم عالمنتجات اللي ورا زيي ولا لا p;

اول لوك كان ناعم يعتمد عالهايلايت اكثر شيء وشرحتلنا طريقة الستروبينق انه كيف نقدر نبرز معالم الوجه بالهايلايت بدون كونتور واضح..
ومن اهم النصايح اللي قالتها بالبداية هي ان البشرة الدهنية تحتاج ترطيب زي باقي البشرات بس باختلاف المنتجات يعني مانستخدملها مرطب كريمي وثقيل لا مرطب بتركيبة جل او لوشن خفيف..

وتكلمت كثير عن فاونديشن برولونق وير الجديد وشكله رائع *-*
أنا اعشق القديم بس هذا مطور اكثر مو مرة مطفي بس ثباته ممتاز.. تحمسلته راح ينزل عندنا قريب..

تفضل تستخدم فرشة بتوزيع الفاونديشن لانها تقول توزعه بتغطية اقوى من الاسفنجة.. وثبتت الفاونديشن ببودرة CC من ماك لانها خالية من التلك تعطي البشرة ملمس مخملي حتى لو فيها مسام تنعم شكلها.

الهايلايتر اللي استخدمته مو مرة مبين بالصور بس بالحقيقة كان مرة قوي وواضح ينفع للسهرات كمان واستخدمت بودرة Silver Dust من ماك وخلطتها شويه مع فاونديشن عشان تخليها كريمية اكثر ووزعتها على آماكن الهايلايت.
والبرونزر استخدمته بس عشان تعطي البشرة دفء ولون حلو ومااستخدمته للكونتور.
وقالت من البلشرات المفضلة عندها بماك واللي تنصح فيها Fleur Power - Desert Rose - Coppertone

بالنسبة للماسكارا نصحت بإنك تاخذي وقتك وانتي توزعيها مو بس طبقة خفيفة وخلاص لا وزعيها مزبوط وغلفي كل رمشة واذا احتاج تحطي طبقة ثانية حطيها واستخدمت قبل الماسكارا بيس للرموش من ماك Prep And Prime Lash يساعد انه يثبت الماسكارا وقت اطول.

والماسكارا المفضلة عندها من ماك Play Lash

الروج كانت تبغى لون نود فاستخدمت Peachstock ودمجته باصبعها عشان ماتبغى لون قوي.
وقالت بالنسبة للبشرات الحنطية يستخدمو Velvet Teddy يعطيهم لوك قريب
والبشرات السمرا تستخدم jubilee

وهذا كان اللوك النهائي..

بالنسبة للوك الثاني واللي هو لوك المساء

اتكلمت عن الايلاينر وكيف تزيدي ثباته وقوته بالطريقة انك بعد ماترسميه ثبتتيه بشدو نفس لونه وبكذا ماراح يسيح وبيثبت وقت طويل..

فيه شيء لفتني استخدمته ونصحت فيه اللي هوا Fast Response من ماك انا اعرفه انه كريم مرطب نستخدمه قبل مكياج العين يعطي اشراقة فورية لتحت العين ويخفف الانتفاخات هي استخدمته بعد ماخلصت الشدو اذا طاح شيء تنظف فيه المنطقة وبعدين تكمل مكياجها عادي ماراح يوسخ المنطقة ولا يخرب المكياج.

والماسكارا اللي استخدمتها بهذا اللوك Haute and Naughty لانها تعطي شكل دراماتيك اكثر للرموش..

البلاشر Pink Swoon
والروج كان المحدد Follow Your Heart وروج Dare You احمر كريمي شويه.

وهذا كان اللوك النهائي..

هذه كانت اهم النصائح اللي افتكرتها ان شالله تكونو حبيتو تغطيتي للدورة واشوفكم ببوست قريب ♥♥

❤❤❤

Twitter | Instagram | Email