Benefit Brow Bar Meet Up in Riyadh #BeneSephoraMeetUp ميت اب مع متابعاتي بالرياض في بنفت براو بار

الخميس ٢٢ اكتوبر كان يوم جداً مميز بحياتي كـ مدوّنة ♥

 ماركة بنفت نظمو ايفنت ميت اب لي مع متابعاتي الجميلات بالرياض في البراو بار بسيفورا العليا تحديداً، 

اتكلمنا فيه عن خدمة البراو بار عندهم ومنتجاتي المفضلة من بنفت وشوية نصايح وحلول لمشاكل البنات بالمكياج عموما...

كل وحدة من المتابعات حصلت على خدمة مجانية للحواجب عشان ياخذو فكرة عن خدمات البراو بار وكمان حصلو على قودي باقز كيوت من منتجات بنفت.. 

من ضمنها المنتج المفضل عندي بماركة بنفت، ماسكارا ذير ريل :*

ماتتخيلو كمية السعادة اللي حسيت فيها لما انزحم المكان بالبنات، جدا تأثرت بمتابعات كثير كنت اقرأ دعمهم وتعليقاتهم لي بالمدونة والسوشال ميديا من سنين وشفتهم عالحقيقة اخيرا ♥♥♥♥♥♥

من كل قلبي اشكركم انبسطت مرة بشوفة كل وحدة فيكم وبإذن الله ماراح تكون اخر مرة اللي اشوفكم فيها 

واتمنى اقابل كل متابعاتي بكل مكان يارب :(

 

كل شي كان مرتب ومنظم ومن احلى مايكون كعادة بنفت بكل الايفنتات، 

والمكان كامل نسائي بالدور العلوي بسيفورا شارع العليا..

البراو بار خدمة موجودة عندهم على طول تقدرو تروحو تجربوها 

وراح تفتح كمان عندنا بجدة على بداية السنة الجديدة *-*

 خدماتهم للحواجب وازالة شعر الوجه..

انا مجربتهم قبل وكتبت عنهم بوست كامل هنا

البنات مدربين وطريقتهم بالحواجب محترفة ومرتبة مرة وترسملك الشكل اللي يناسب معالم وجهك.

وبالمناسبة منتجات بنفت للحواجب كمان مجربتها ومتكلمة عنها كثير وبقولكم عنها باختصار ♥

احببب قلم الاضاءة الهاي براو عملي ومتعدد الاستخدامات مو بس استخدمه تحت الحاجب كمان ينفع اضاءة لزاوية العين الداخلة وينفع تحطيه قبل الشدو يعطي الجفن لون هايلايت او تستخدميه داخل العين ينور عينك..

ماسكارا جل الحواجب يميزها فيها فايبرز تغلف كل شعره وتعطيها كثافة، ممتاز للي شعر حواجبهم خفيف..

بالنسبة لبودرة الحواجب لونها بيرفكت مو غامق ولا جاي على احمر والجل اللي معاها يعطي ثبات للرسمة وقت طويل..

 

البوست حبيت يكون ذكرى ليا واشارككم بجزء ولو بسيط من الايفنت لأن ماقدرت اصور كل شي وقتها :(

ان شالله تكونو حبيتوه واشوفكم ببوست قريب...

❤❤❤

Twitter | Instagram | Email