Haul: M.A.C ❥ LADY GAGA Fame ❥ Rimmel Kate Moss Lipstick Collection مشترياتي

شوفتو الطفل بمحل الألعاب كيف يجري ويصيح ويبغى ياخذ كل المحل؟
أنا نفس الشيء بماك xD

الهوليداي كولكشن نازلة من أكتوبر برا ونزلتلها صورة بتويتر وكنت حاطة الأشياء اللي بشتريها فبالي

ورحت أمس لماك فرع مجمع العرب لقيتها وقالولي إنها نازلة من يوم الثلاثاء

على فكرة حبيت البنات اللي بمجمع العرب غيروهم أتوقع وجابو ناس فاهمة وتصاحبت معاهم خلاص ههههه

اللي تحب تشوف الهوليداي كولكشن كاملة تشوفها هنا من موقع تمبتاليا

MAC Fabulousness Collection for Holiday 2012 + All for Glamour, Primped Out, Hang Up the Glamour

شوفت الأيشادو والليب قلاسز مو مرة شدوني بس اللي عجبني الباكجينغ *-*

والكولكشن بشكل عام مافيها منتج معين أنصحكم تاخذوه بس لو كنتو زيي تحبو تجمعو ميك اب وخصوصا ماك طلو عليها *-*

اللي أخذته هذه الشنطة الوردية مو بس عشان المنتجات اللي فيها بس مررررررة حبيت شكلها ومرة بيرفكت مع ثيم غرفتي كلها أبيض وأسود ووردي وعندي كنبة حاطة عليها خداديات فيونكات كذا نفس الديزاين وأبغى أخلي الشنطة هذه كديكور عالتسريحة

وشكلها من جوا مررة كيوت وglamourus وطبعا المنتجات الحلوة اللي بجوتها بونس ;)

فيه منها لون ثاني مشمشي وأخضر فاتح.

وسعرها ٣١٩ ريال

الشيء الثاني اللي أخذته من الكولكشن هذه الفرش

مجموعة فرش due fiber صغيرة ومعاهم فرشة ١٨٧ هيا already عندي بس أستخدمها كثير للدمج أو للبلاشر ممكن أخلي هذه بس للبلاشر ، والسيت هذا عجبني لأن فيه كذا مقاس وشكل ومرررة حتفيدني بدمج الأيشادو أو الهايلايتر

والشنطة كمان جميلة وجدا عملية بالشنطة أو بالسفر.

سعرها ٣٢٨ ريال

على فكرة ال boxes كمان مررة كيوت مستحيل أرميهم ههههه *-*

الشي الثاني اللي أخذته من ماك مو من الهوليداي كولكشن 

كنت بتكلم مع اللي بالمحل وأنا بحاسب وورتني أشياء وقالتلي إنو عليها تخفيض أنا مرة إنصدمت قلتلها ماك مستحيل يسوو تخفيض قالت إنو جاهم إيميل زي كذا لأنو أتوقع أنها منتجات من كولكشنز قديمة من ماك أو إنها خلاص بتصيرpro فعشان كذا صار عليها تخفيض

المهم ماتتخيلو كيف كمية السعادة اللي حسيت فيها!! XD 

وكانو فيه بنات بيسمعو الهرجة وجو تلقفو أنا أخذت اللي أبغاه وقلتلها تطلعلي هوا ووحده ثانية جات وقالتلها أبغى نفس اللي بتاخذه هذه البنت < قصدها عليا o.o

قالتلها مخلصة وإنو أخر قطعة ، رحت وريت البنت أشياء ثانية حلوة قلتلها عشان ماأحس بتأنيب ضمير ههههه

قالتلي لا أصلا مابغاها إنتِ شكلك تفهمي بالميك اب أكثر مني أنا ماحاعرف أستخدمها!! < طيب ليش النشبة؟ لوول

الزبدة إني إنتصرت وأخذت أحسن شيء p;

ولو شوفتو الفيديو اللي نزلته بkeek تكلمت عنهم شوية

هذه هيا الأشياء اللي أخذتها

كريم كونتور إسمه richly honed كان سعره ١١٤ ريال وصار ب٢٥ ريال *-*

كريم هايلايت إسمه accentuate كان ب١١٤ ريال وصار ب٢٥ ريال

فرشة دبل ب١١١ريال وصارت ب٢٨ ريال

الفرشة هذه مرررررررة خطيرة أقدر أستخدمها للكونسيلر أو الأيشادو الباودر أو الكريمي أو استخدمها للدمج لسا باقي منها كم وحدة في العرب اللي تبغاها تجري تاخذها أو شوفو فروع ثانية لماك

الفرشة كانت من مجموعة  Semi Precious اللي نزلت ب٢٠١١ ورقمها ٢٣٤

الكريم كونتور لما جربته في البيت مرررة طلع غامق وإنصدمت بس إفتكرت فيديو لواين إستخدم نفس هذه اللون بالكونتور بس ماركة ثانية

شوفو الفيديو

ورحت سويت نفس طريقته بالكونتور والهايلايت اللي أخذتهم ودمجت بنفس الفرشة ماك ١٨٧ ومرررة طلع حلو ومرتب *-*

نفس طريقة كيم كارداشيان واللي أخذتهم بيرفكت لهذه الطريقة.

ومن الأشياء اللي شوفت عليها تخفيض أيشادوز وقلوسز وكحل كريمي بنفسجي عجبني بس ماأخذته هههه

وأشياء ثانية كمان إن شالله تكون بكل الفروع صراحة مررة فرصة حلوة وماتتفوت!!

وخلصنا من ماك ، طبعا بعد ماأطلع من ماك لازم أخذ جولة على سيفورا أشوف إيش الجديد وإيش الأخبار 

ولقيت عندهم نازل عطر ليدي غاغا الجديد حصريا بسيفورا أنا كنت شوية وأصرخ بالمحل 

< أعترفلكم بشي بس don't judge me عندي هوس بالمذر مونستر نفس هوس المراهقات بجاستن بيبر لووول p;

يعني كنت حأشتري العطر إني وايز بس لما شميته مررررة عجبني وريحته قريبة لواحد من عطوري المفضلة فلاور بومب

ريحته سويت بس قوية بس مو القوية اللي تصدع لا القوية الحلوة < أوم الوصف :( 

ومن مميزات العطر إنه سائل أسود بس لما تبخيه يصير شفاف ومايطبع عالملابس

اخذت ال٥٠ مل ب٢٢٥ ريال

شكل العلبة SCREAMS LADY GAGA ❤______❤

أخر شيء بالمشتريات هوس ثاني :( 

من أول ماحبيت عالم الفاشن وكذا كنت أحب kate moss يعجبني أسلوبها وشكلها وستايلها وطريقتها بالعرض وكل شي تسويه

أعتبرها fashion icon

ولما نزلت كولكشن أرواجها بريميل مرة تحمست بس ماجربتها إلا قبل أسبوعين تقريبا أخذت ٣ أرواج وجربتهم مررررة عجبوني ورجعت امس أخذت الباقي

مالقيت كل الدرجات بس راح أروح فروع ثانية إن شالله وأخذ الباقي

وطبعا أكيد راح أسوي بوست خاص فيهم مع ريفيوز وسواتشز

سعر الروج من المجموعة الحمرا المطفية ب ٤٢ ريال

السودا ٣٩ ريال

ريميل موجودة بلايف ستايل سنتر بوينت وبالصيدليات الكبيرة.

وبس هذه المشتريات اللي كلها عبارة عن obsessions :\

إن شالله عجبتكم :$