أنا كنت منزلة قبل فترة عن التريند للخريف والشتاء بس حسيت إن فيه أشياء صارت جديدة عشان كذا بسوي أبديت ;)
شوفو هذا الموضوع السابق التريندز اللي فيه ماقدمت ولسا منتشرة
بالخريف كانت الأظافر المطفية دارجة دحين أكثر موضة منتشرة القليتر *-*
لو لاحظتو مو بس بالأظافر حتى بالمكياج
مو بس القليتر العادي حتى الـ chunky gliter
ممكن لو كنتي جريئة تسويه على كل الأظافر أو ممكن بإصبع واحد أو بس الفرنش تيب
أنا مرة حابة هذا الديزاين
اللي يكون بس فرينش تيب أو بشكل أومبريه يطلع مرة مرتب ومو مرة أوفر زي لما يكون على كل الأظافر
هذا مرررة يجنن بأقرب وقت راح أسويه ❤___❤
وهذا شكل ثاني ، طبعا ممكن تغيرو الألوان حسب اللي يعجبكم
وهذا الديزاين جميل مرة!
الموضة الثانية الدارجة اللي هيا الميتاليك أو الألوان المعدنية
هذا لون معدني جدا جميل
الدرجات هذه من اللون الأزرق دارجة بالشتاء
شوفو هذه الدرجة من الأزرق كيف حلوة *-*
اللون الأسود بقليتر فضي ، شوفتها كثير وحبيت اللي جاي على رمادي
نفس هذا اللون *-*
وغير هذه كمان الألوان الرمادية وال taupe كلها دارجة وجدا حابتهم
وطبعا أكيد لون هذا الموسم اللي هوا البنفسجي بدرجاته
هذه الدرجة مرة دارجة وفيها غليتر برضو
عندي نفس هذه الدرجة بالزبط من ريميل نزلتها بإنستقرام صارلي فترة ناشبة فيها XD
وبس يارب مانسيت أي تريند سويت البوست عالسريع إن شالله يعجبكم :*
No comments:
Post a Comment