Friday, May 3, 2013

April Favorites 2013 مفضلات شهر ابريل








شهر إبريل بالنسبة ليا عدّا بسرعة بس كان قمة الزحمة والحوسة :/

وعادة خلال الشهر أكتب نوت عندي إيش المنتجات الي حبيتها وتستاهل تكون بالفيفورتس أخر الشهر بس هذه المرة ماكتبت شيء لأني كنت مشغولة ودحين لما جيت أصورهم أحسني ناسية أشياء وبعضها إفتكرتها من الإنستغرام لول


أول شيء بتكلم عن فيفورتس العناية بالجسم :
 Soap and Glory Flake Away Body Scrub


مقشر للجسم من سوب اند غلوري

رااائع أول شيء عجبني فيه ريحته مرررة حبيتها جاية على سويت أنثوية ولزيزة مرة
والمقشر نفسه حبيباته زي السكر خشنة شوية بس لمّا توزعيها عالجسم تذوب وتصير أنعم 
إستخدمته مع قلفز ذا بودي شوب للسكرب وأعطاني نتيجة جميلة جدا، ينعم الجسم ويشيل الجلد الميت وبنفس الوقت يرطب لأن من مكوناته زيت اللوز مرة حبيته وأنصح فيه بشدة.

سعره تقريبا ٨٠ ريال من صيدلية بووتس


Soap and Glory Clean On Me Creamy Clarifying Shower Gel


  
    شاور جل من سوب اند غلوري  أو أحب أسميه شاور كريم لأنه كريمي، أحب النوع هذا من غسولات الجسم لأنه يرطب وأنا بشرة جسمي جافة وهذا الشاور كريم مرة عجبني ريحته جميلة نفس ريحة السكرب وقوية تثبت بالجسم خصوصا إذا إستخدمتهم مع بعض
وبنفس الوقت يعطيك شعور نظااافة مو زي أغلب الشاور جلز المعطرة أحسها ماتنظف.

سعره تقريبا ٦٠ - ٧٠ ريال من صيدلية بووتس


Clean & CLear Morning Energy Shine Control Daily Facial wash  



غسول من كلين أند كلير يتحكم باللمعان.
أنا غسولي المفضل ديب كلين حق نيتروجينا بس حبيت أغير وجربت هذا وعجبني 
منعش وجميل بالصباح.



عطور

The Body Shop New EDT 



حبيت مجموعة الإي دو تواليت من ذا بودي شوب خصوصا اللي بالفواكه روايحها خفيفة وجميلة بالنهار
أكثر شيء عجبوني هذا الشهر اللي بالبرتقال والفراولة.



مفضلات المكياج

Sabaya Volume & Care Mascara by Mikyajy



ماسكارا صبايا للتكثيف والعناية من مكياجي

جميلة الماسكارا جدا خفيفة عالرموش ماتحسين إنها ناشفة أو ثقيلة بالعكس 
ومناسبة بالنهار لأنها تعطي كثافة طبيعية وماتسيح.



Rimmel Apocalips in Apocalyptic

*سواتش من النت

قلوس/روج من ريميل إسمه Apocalyptic 
المجموعة كلها من ريميل مررررة جميلة وهذا اللون بالذات عشقته
هو روج على شكل قلوس لونه قوي وفيه لمعة ويثبت وقت طويل مرة أنصحكم تجربو هذه المجموعة جدا جميلة.



MAC Sun Power MSF Natural

ومن الأشياء اللي إفتكرتها من إنستغرام برونزر ماك


لونه بالعلبة تحسوه على أورنج بس عالبشرات الحنطية يطلع جدا جميل ويعطيها دفء مرة حبيته 
الفينيش حقته طبيعية ماهي مطفية تماما ولا فيها لمعة لأنه نفس MSF Natural من ماك.

سعره ١٤٠ ريال



The Body Shop Pure Gold Eye Pencil

كحل ذا بودي شوب نيود على ذهبي



ماكنت أستخدم ألوان فاتحة جوا العين لأن عيوني كبار بس لمن جربتها حسيتها مو تكبر العين برضو تخفف التعب والإحمرار وتعطي العين إشراقة وتخليها مصحصحة xp
 حبيت هذا اللون من ذا بودي شوب وإسمه Pure Gold



Real Techniques Brushes

من فترة طلبت فرش ريل تكنيك وقلت راح أسوي ريفيو خاص لهم والريفيو تقريبا راح ينزل خلال هذا الأسبوع وراح أتكلم فيه عن كل الفرش بالتفصيل بس فيه ٣ فرش منهم حبيتهم أكثر شيء وكانو المفضلين عندي هذا الشهر

أول فرشة

- Real Techniques blush Brush



تشتريها لوحدها بدون ماتكون ب set مررة حبيت الفرشة هذه جدااا ناعمة وبيرفكت للبلش والبرونزر
 أستخدمها بشكل يومي عشقتها *-*


الفرشة الثانية

- Real Techniques buffing Brush



هذه الفرشة جات مع Core Collection Set وأعتقد ماتنباع لوحدها

جميلة لتوزيع الفاونديشن وخفيفة ومرة سريعة بالتوزيع وتعطي فينيش flawless


الفرشة الثالثة

- Real Techniques deluxe crease Brush



هذه الفرشة تجي مع set فرش العين وماأعرف إذا تنباع لوحدها أو لا وهي مخصصة للأيشادو بس ماحبيتها بدمج الأيشادو الباودر وإستخدمتها مع الكونسيلر وطلعت بيرفكت!
تدمج الكونسيلر تحت العين بشكل ممتاز بدون ماتطلع خطوط أو يبين ثقيل.



المناكير المفضل لهذا الشهر من Barry m أول مرة أجرب مناكيراتهم خفيفة وتحتاج توزعي طبقتين عالأقل بس حلوة ألوانهم
اللون اللي عندي إسمه

Barry M Nail Paint-Blue Moon

*صورة من النت

لونه جدا جميل حبيته ونفس المناكير عجبتني وراح أشتري منها ألوان أكثر

سعرها ٢٠ أو ٢٥ من صيدلية بووتس.



وأخر فيفورت شمعة جميلة بريحة الياسمين من مكياجي


مرة حبيتها! ريحتها ناعمة بس فواحة بكل الغرفة




وبس إن شالله حبيتو الفيفورتس وأعذروني هذه الشهرين جدا مشغولة بس راح أحاول أنزل تدوينة كل أسبوع 
ودعواتكم إختباراتي راح تبدا الأسبوع الجاي :(

Love you all <3333



9 comments:

  1. واو فوفو !! كل فيفروت تنزلينه آخذ منه شيء وأشتريه. ! او اخطط أشتريه
    قولد آي بينسل + سوب اند غلوري سكراب
    أما براشز. *-* ماي ويشز لست
    خصوصاً بلاش برش


    :*

    ReplyDelete
  2. This comment has been removed by the author.

    ReplyDelete
  3. اهلاً اهلاً
    نفس الشي عن فرشة الكريس انا بستخدمها للكونسيلر وروووووعة
    كمان حمستيني اجرب المقشر من سوب آند غلوري

    يسعدك يارب عالمفضلات المفيدة دي

    ReplyDelete
  4. مفضلاتك جميلة كالعادة وفاء
    اتفق معاكِ في كثير منها
    ربي يسر لك و يوفقك في إختباراتك
    ♥♥♥

    ReplyDelete
  5. مفضلات جميله ♥ حبيت اي لاينر ذابودي ان شاءالله اجربه
    يعطيك العافيه حبوبه♥

    ReplyDelete
  6. حمستيني اجرب شموع مكياجي
    شفت اول بلوقر تتكلم عن الرمان وانتي الحين عن الياسمين يبيلي اجربهم
    وفرشه البلش انا برضو استخدمها للبرونزر مره جميله
    واكيد بجرب قلوسات ريميل اموت بالقلوسات ❤
    ااه ياقلبي على مقشر سوب اند قلوري رايحه متحمسه للرياض عشانه واخر شئ مخلص هههههه
    شكلي بالاخير بطلبه من كثر المدح عليه

    مرره مفضلاتك جميله ماشاء الله
    يعطيك ألف عافيه

    ReplyDelete
  7. البودي سكرايب شكلو حلو لازم اجربه
    و المناكير كمان عجبتني الوانها رايقه و خفيفه
    تسلمي حبيبيتي مفضلاتك دايما حلوه
    شكرا

    ReplyDelete
  8. روعه الريفيو. . يعطيك العافيه

    ReplyDelete
  9. تحمست أجرب الغسول بما إنه مناسب للبشرة الدهنية
    يعطيك العافية
    خبطة Khab6ah.wordpress.com

    ReplyDelete

Related Posts Plugin for WordPress, Blogger...