My Top 10 Favorite Drugstore Products! أكثر ١٠ منتجات مفضلة عندي من الصيدلية!

طبعا مافي وحدة فينا ماتحب تحوس بالصيدلية p;

ليش ماأدري! لووول حتى لو سافرت برا دايما أحب أروح أي صيدلية أشوف إيش المنتجات اللي ماهي عندنا وأقشقش xD

صراحة جربت كثييير منتجات درق ستور بكل الأنواع والأشكال وفيه كثير منتجات أحبها بس بهذا البوست حابة أتكلم عن أكثر ١٠ منتجات مجربتهم صارلي سنين وكل ماخلصو أرجع أشتريهم، وطبعا لو متابعيني من البداية كل المنتجات تكلمت عنهم قبل بس حلو أجمعهم ببوست واحد وأتكلم عنهم بالتفصيل :*

 1- St.Ives Blemish & Blackhead Control Apricot Scrub

مقشر سانت أيفز للتحكم بالحبوب والرؤوس السوداء

جميل وأحب إحساس النظافة بعد ماأستخدمه!

يقشر البشرة ويشيل الجلد الميت ومع الأستخدام الدوري (مرة لمرتين بالأسبوع) راح يخفف من ظهور الرؤوس السودا

من عيوبه إنه ممكن يكون شويه خشن عالبشرة ولازم تفركيه بنعومة.

 2- Dove Shower Cream

 دايما أفضل غسول الجسم يكون كريمي وفيه ترطيب لأن بشرة جسمي جافة

وهذا النوع من دوف مرة جميل ومنعش ينظف وفيه نسبة ترطيب بسيطة وريحته جميلة جدا عشان كذا أعشقه *-*

3- Vaseline Total Moisture Body Lotion

هذا اللوشن المفضل على طول لدرجة إنه حتى قبل لا يخلص لازم يكون عندي باك اب منه xp

كل الأنواع جربتها بس أكثر نوع أحبه الأصفر عشان ماله ريحة قوية ولا كلهم نفس الترطيب.

خفيف ويرطب البشرة بدون مايدبق أحب أستخدمه بالنهار يوميا بعد الشاور.

ومرطب الليل يكون أقوى زي زبدة ذا بودي شوب مثلا.

4- Garnier Fructis Style Bamboo Flexihold Shine and Hold Spray

سبراي شعر من غارنيه ميزته إنه يعطي لمعة جميلة للشعر ويثبت بشكل خفيف بدون مايبين إنك حاطة سبراي

حلو كلمسة أخيرة للتسريحة وأهم شيء ريحته جميلة زي كل منتجات غارنيه 

لأن عقدتي السبراي اللي ريحته زي بخاخ لوريال -.-

5- Tresemme Shampoo and Conditioner

شامبو وبلسم تريسيمي المجموعة الجديدة اللي بدون سولفيت وسيليكون

أنا أخذ النوع المخصص للشعر الجاف ومرة رائعين ألاحظ نعومة وترطيب بشعري من أول إستخدام

بس ماأحب فيه علبته الكبيرة :(

فيه علب وسط يبيعوها برا مادري ليش مايجيبوها عندنا!

6- Maybelline Colossal Mascara

ليش دايما مطفشتكم بهذه الماسكارا؟ عشان جربت كثييييييير ماسكارات درق ستور من بورجوا وماكس فاكتر وريميل وحتى مايبلين أنواع ثانية ولا وحدة حتى كانت شوية مقبولة كلها تطلع سيئة بالنسبة ليا :|

الصفرا تعجبني فرشتها كبيرة بس شعراتها متقاربة تمسك كل رمشة وتغطيها بالماسكارا وتعطيك كثافة + طول بشكل ملحوظ

بدون ماتتكتل أو تتقشر.

طبعا عارفة مليون بالمية إن مو كل البنات راح يتفقو معايا لأن كل وحدة وحسب نوع رموشها ❤

 

 7- Maybelline Eye Studio Lasting Drama Gel Eyeliner 

رائع.

هذا منتج أقدر أقول ينافس ماركات هاي إند! سواده حلو ويثبت وقت طويل وأهم شيء ماينشف بالعلبة بسرعة.

فيه منه ألوان الأسود أستخدمه كأيلاينر 

والبني للحواجب وجدا جميل وثابت للحواجب وقريب من dipdown من ماك

 عندهم كمان ألوان زي كحلي وبنفسجي ماجربتها بس حبيتها وناوية أجربها قريب خصوصا وإنه الأيلاينر الملون دارج هالفترة!

الفرشة اللي تجي معاه جيدة نوعا ما لو إنتِ مبتدئة راح تكون سهلة بالإستخدام 

بس عيبها لأنها عريضة ماتعطيك أيلاينر رفيع وأفضّل أستخدم فرشة ثانية معاه.

بس حسيتها مرة تنفع للشفايف وصرت أستخدمها على طول للشفايف.

8- Rimmel Stay Matte Powder 

تكلمت عنها بشكل مفصل بهذا الريفيو:

 Review: Rimmel London Stay Matte Pressed Powder ريفيو باودر ستاي مات من ريميل   

9- Rimmel Kate Moss Lasting Finish Lipsticks

مرة أحبهم خصوصا درجة ٨ ودرجة ٥ لأني أستخدمهم بشكل شبه يومي

وهذا اللينك إذا حابة تشوفي سواتشز وريفيو كامل عنهم:

Review and Swatches: Rimmel Kate Moss Lasting Finish Lipsticks Collection مجموعة أرواج كيت موس من ريميل 

 

10- NYX Lip Pencils

أخر شيء محددات نكس الجميلين!

لونهم قوي وكريمي بنفس الوقت وعندهم درجات كثيرة وأهم شيء سعره مرة رخيص ١٨-٢٠ريال

الدرجات اللي أحبها Sand Pink رقمه ٨٥٦ لونه وردي لحمي جدا جميل مرة أنصحكم تجربوه.

Orange من إسمه أورنجي وفاقع.

ودرجات العودي والأحمر كمان جميلة.

وحابة أذكر محددات ريميل مع إني ماحطيتهم بالتوب ١٠ 

لأن ماعندهم ألوان كثيرة زي نكس بس نوعيتهم برضو جدا رائعة.

وبس هذه كانت توب ١٠ منتجات درق ستور عندي وحابة أسوي تاق لكل البلوقرز الجميلات يتكلمو عن منتجاتهم المفضلة من الصيدلية لأن عندي فضول أعرف كل وحدة وإيش التوب ١٠ عندها p;

وإن شالله تكون عجبتكم مفضلاتي وماطفشتو مني وأنا أكررهم دايما xD

 

Love you all <3