Friday, August 2, 2013

July Favorites 2013: Benefit | Dior | Inglot | Indola and others ❥ مفضلات شهر يوليو





هاي ياحلوين 

أعترف هذه المرة يبغالي ضرب عالتأخيرxp
برمضان يجيني كسل مو طبيعي طبعا من النوم المقلوب  وتغيير الأكل :\
بس اليوم الحمدالله صحيت بدري شوية عشان أنزل البوست :*


ببدآ أول شيء بفيفورتس الميك اب




 DiorSkin Forever Foundation



من الفاونديشنز الجميلة اللي جربتها
ولاحظت إني كل مرة أستخدمه يعجبني أكثر!
تغطيته متوسطة/عالية يخلي البشرة flawless بشكل طبيعي بس مناسب للسهرات أكثر من الإستخدام اليومي
والفينيش حقته شبه مطفية 
لاحظت ثباته حلو ومايتغير شكله عالبشرة
 أحب الضغاطة حقته مريحة بالإستخدام والعلبة مرة جميلة بس مو عملية ماأقدر أسافر فيها كثير :|


Benefit Dallas Powder


إستخدمته ك بلشر وبرونزر بشكل خفيف 
الأندرتون حقه على بينك يعني اللي ماتحب البرونزرز اللي يميل للأورنج دالاس راح يعجبها
يعطي لون حلو للبشرة  وجدا مناسب للبشرات الحنطية.

سواتش من جوجل





Benefit Sun Beam 



تعرفوني قد إيش صايرة أحب الglowy looks 
هذا منتج جميل من بينيفت إضاءة سائلة لونه يميل للذهبي بيرفكت بالصيف ومع لوك البرونز
أوزعه على عظمة الخدين ويعطي لمعة طبيعية بدون غليتر

سواتش من جوجل





Inglot Blush #50

بلشر من إنجلوت رقم ٥٠ لونه مشمشي أورنج والأورنجيات مرة جميلة بالصيف!
حببيييت اللون ونوعية البلش مطفية وحلو لما يكون مطفي وإنتِ تتحكمي باللمعة إذا حابة تضيفيها أو لا
لاحظت ثباته وسط مو نفس بلشرز ماك بس يعتبر جميل برضو مقارنة بالسعر.

سواتش من جوجل




MAC Rich Glance Powerchrome Eye Pencil



قلم من ماك متعدد الإستخدامات نزل مع كولكشن Temperature Rising
اللون اللي عجبني أكثر شيء الذهبي الفاتح رااااائع كهايلايتر لمدمع العين!
وقبل كم أسبوع سافرت وماأخذت معايا ميك اب كثير وكنت ناسية هايلايترز الوجه وإستخدمته على عظمة الخد وفوق الشفايف ودمجته بإصبعي وطلع جمييل جدا ماتتخيلو كيف عاجبني هذا المنتج لوول

سواتش من جوجل لكل ألوان المجموعة، اللي أتكلم عنه هو اخر واحد عاليسار




MAC Opulash Optimum Black Mascara


ماسكارا اوبلاش من ماك فرشتها كبيرة وتعطي تطويل واضح للرموش وسوادها مرة حلو
بس كثافتها طبيعية وتعتبر جميلة وحبيتها هذا الشهر بس مو واو.


Maybelline ColorSensational Vivid Lipsticks



أرواج الفيفيدز من مايبلين مرة حبيتهم!!
نوعيتها فاقعة وكريمية بس مو قلوسي ولا نفس الليب بترز أحسها قريبة من نوع amplified من ماك
وماتنشف الشفايف وثابتة.
مجموعة الألوان اللي منزلينها أكثر من رائعة كان نفسي أخذهم كلهم *-*

اللي عشقتهم هذا الشهر لون وردي والأندرتون حقه على أحمر
إسمه Vivid Rose
وهذا سواتش له من موقع تمبتاليا



 ولون بنفسجي وردي جميل إسمه Hot Plum


  قريب من up the amp بس هذا شوية على وردي أكثر
وعموما آلوان المجموعة مررة أحسها تشبه أرواج كثيرة من ماك وعندهم ألوان على أورنجيات جميلة وطالعة بالصيف 
مرة أنصحكم فيها


مفضلات العناية بالجسم



The Body Shop Raspberry Shower Gel
 شاور جل بالتوت من بودي شوب ريحته لزييييزة ومنعشة

The Body Shop Shea Body Scrub
هذا old favorite عندي! سكرب للجسم وبنفس الوقت يرطب ومرة ينعم 
وأحلى شيء لما ترطبي بعده بزبدة الشيا من ذا بودي شوب وتصيري زبدة xp


مفضلات الشعر



تكلمت عنهم بإنستغرام إشتريتهم الشهر اللي فات وإستخدمتهم طول الشهر


Indola 4+4 Intensive Moisturising Mask
ماسك للشعر ترطيبه جميل أعتبره أفضل شوية من ماسكات لوريال 
وحبيته ينعم الشعر.

The Body Shop Rainforest Radiance Detangling Spray
المجموعة هذه أفتكر جربتها قبل كم سنة وكنت حابتها
ومؤخرا أخذت السبراي جميل وعملي 
أبخه بعد ماأغسل شعري يرطب بشكل بسيط ويفكك التشابك ويعطي لمعة وأهم شيء ريحته حلوة.


وأخر شيء بالمفضلات شمعة Market Peach من باث اند بدي ووركس



الصورة من إنستغرامي أول ماولعتها، دحين خلاص مابقي منها شيء لول
مرة جميلة الريحة حبيتها وناوية أروح أخذ منها يارب إنهم ماشالوها :')


وبس إن شالله حبيتو المفضلات وشاركوني رأيكم بالكومنتس لو جربتو شيء منهم


Love you all



5 comments:

  1. اوافقك مية بالمية على ارواج مايبيلين , عندي اللون الثاني hot plum
    مرة عاجبني , من اول أبغى نفس الدرجة والنوعية اللي ما تجي مات , ونفس شعوري كنت ابغى اشتري المجموعة كلها ههههههه

    تعجبنني مفضلاتك :D
    thank you so much <3

    ReplyDelete
  2. تحمست للفاونديشين والسكراب 😍
    يعطيك العافيه

    ReplyDelete
  3. يعطيك العافيه
    حمستيني على البلشر تبع بنفت
    من اول ابي اخذه و محتاره كنت شايله هم انو حـ يلمع
    بس كويس حمستيني بإذن الله اشتريه

    ReplyDelete
  4. هل قلم ماك يسيح او يتغير لونه بعد فتره من وضعه او يبهت ؟؟؟؟؟؟؟؟؟؟؟؟

    ReplyDelete

Related Posts Plugin for WordPress, Blogger...