راح أبدأ بمفضلات البشرة
Clinique 3 Steps & Dramatically Different Moisturizing Lotion
مجموعة الثري ستيبس جربتها قبل ٦ سنين تقريبا وأتذكر ماناسبتني ونشفت بشرتي ومرة غير عن دحين حتى بإيفنت كلينيك لما كلموني عالمجموعة قالولي نفس الكلام بدون ماأقولهم تجربتي السابقة وقالو إنهم طورو من منتجاتهم بشكل كبير
ولما جربتها فعلا حسيتها تغيرت الغسول مانشف بشرتي زي قبل، التونر يصفي البشرة بدون مايخليها تزيت بعد نص ساعة والمرطب جميل وخفيف ترطيبه مناسب للنهار وقبل المكياج لأنه جل.
المرطب Dramatically Different ماجربته قبل بس كمان غيرو بتركيبته وطوروه، أستخدمه بالليل راااائع جدا مرة حسيت معاه فرق ببشرتي لما أصحى أحسها ناعمة ونضرة وراح أسويله ريفيو كامل أتكلم عنه بالتفصيل إن شالله بس كنت حابة أستخدمه فترة كافية عشان أحكم.
The Body Shop Honeymania Body Butter & Shower Gel
صارلي أكثر من شهر أستخدمها مررة حبيتها بكل معنى الكلمة خصوصا الزبدة!
ترطيبها مرة عميق بدون مايدبق وريحتها حلوة وتحسسك بالإسترخاء
والمجموعة بشكل عام جدا ناسبتني وأنصح فيها بشدة من أحلى مجموعات بودي شوب حتى الآن.
LUSH Soft Coeur Massage Bar (The Honeymooner)
تكلمت عنها هنا
للأسف نسيت أصورها لوحدها قبل ماأستخدمها ودحين ساحت كلها لول
ريحتها ألز شيء بالحياة *-*
تشوكلت على فانيلا على عسل تسوي فيها مساج لجسمك بعد الشاور وراح تسيح شوية
تعطي ترطيب عميق للجسم لأنها زيت جدا مناسبة للي بشرة جسمها جافة
جدا رائعة وراح أشتريها مرة ثانية أكيد.
وترى جوتها تشوكلت حقيقية.. في أحلى من كذا! :')
مفضلات الشعر
Yves Rocher Purete Purifying Shampoo
إيف روشيه أسعار شامبوهاتهم مقاربة لشامبوهات الصيدليات بس أفضل بكثير منهم!
منتجاتهم عضوية وخالية من الباربين والسيليكون
الشامبو المخصص للشعر الجاف من المفضلات القديمة عندي لأنه مرة يرطب الشعر
هالمرة حبيت أجرب البيوريتي اللي ينظف الشعر بشكل عميق ويوازن دهون فروة الرأس
حبيته جدا! أستخدمه مرة بالأسبوع يخلي شعري نظيف وقت أطول من المعتاد
أتوقع للي شعرهم دهني مرة راح يعجبهم ومايحتاج تغسلي شعرك كل يوم لأنه يزيت بسرعة هذا راح يخففلك المشكلة
سعره حدود ٢٨-٣٥ ريال
مفضلات المكياج
Sleek Face Contour Kit in Medium
جا مين ينافس باليت كونتور ميك اب فوريفر p; وحطيت مقارنة بسيطة بينهم بإنستغرام.
جدا جميل والباودر نفسها جودتها عالية مع إن سعرها معقول
سهل بالدمج وناعم مايتلطخ، لون الكونتور بيرفكت لأنه بارد ينحت الوجه بشكل أفضل
الهايلايت لمعته خفيفة مو قوية ويميل للبيج لأنه مخصص للبشرات المتوسطة
فيه منه للبشرات الفاتحة والغامقة
سعره ٨.٥ دولار وطلبته من الموقع http://www.sleekmakeup.com/face-contour-kit-medium
Lancôme Hypnôse Doll Eyes Mascara with Alber Elbaz
صراحة إشتريتها عشان الباكجنغ الليميتد القاتل وكنت خايفة لما أجربها ماتعجبني مع إني قريت عنها مليون ريفيو والأغلبية يمدحوها
بس مرررررة حبيتها!!!
تكثف وتطول وإحساسها جميل عالرموش ماهي قاسية ولا تتكتل
سعرها لما أخذتها ١٩٠ ريال وماأعتقد لسا متوفرة بهذا الباكجنغ بس موجودة بالباكجنغ العادي بسعر ١٨٠ ريال
سعرها لما أخذتها ١٩٠ ريال وماأعتقد لسا متوفرة بهذا الباكجنغ بس موجودة بالباكجنغ العادي بسعر ١٨٠ ريال
Benefit Rockateur
بلشر جديد من بينيفت أعتقد نزل عندنا بالسعودية أو راح ينزل قريب
لما تسويله سواتش على يدك تحسي مافي شي مميز بس لما توزعيه عالبشرة يعطيك لون جميل لحمي مايل للوردي يعطي نضارة ويعكس الضوء بشكل حلو،
مو مطفي بس بدون شيمر كثير.
مو مطفي بس بدون شيمر كثير.
Clinique Chubby Stick in 01 Curviest Caramel
جدا عملي ومريح بالإستخدام ومناسب للدوام لونه نيود على كاراميل من إسمه
ثباته عالي وترطيبه قوي ماينشف الشفايف.
مفضلات المناكير
INGLOT O2M nail enamel in 609
المناكير هذه مصممة عشان تخلي الأظافر تتنفس وتسمح بدخول الهواء والموية للأظافر نفس العدسات اللاصقة
وإنجلوت عملو دراسات وتجارب يثبتو هذا الموضوع اللي تحب تتطلع عليها تسوي سيرش بقوقل :)
أنا مرة حبيت نوعيتها وراح أشتري منها ألوان أكثر تنشف بسرعة حتى لو حطيت طبقتين وماتتقشر إلا إذا أنا قشرتها لول
الدرجة اللي عندي فوشي بارد بلمعة ميتاليك بسييطة جدا على فضي
وسعره ٦٥ ريال
المفضلات العشوائية
Yankee Candle in Blissful Autumn & Sugared Apple
شموع يانكي جدا رائعة من زمان مفضلة عندي، ريحتها فواحة وتثبت بالغرفة
مشكلتها أنها غالية شوية ونادرا مايسوو عروض مو زي باث اند بودي ووركس
الحجم الكبير سعرها فوق ١١٠ ريال ماأتذكر بالزبط والصغيرة ٣٩ ريال
الشمعتين اللي عشقتهم الشهر اللي فات كلها روايحها خريفية ودافية
الزرقا Blissful Autumn
لو يعجبك ذوقي والأشياء اللي أمدحها لازم تشتري هذه الشمعة :(
البيضا Sugared Apple
هذه ريحتها من إسمها على سويت وتحسي نفسك تجوعي لما تشميها لول
يانكي موجودة بسنتربوينت وشمو كل الروايح متأكدة راح تعجبكم أكثر من وحدة
Chanel Logo Iphone 5 Case
لونه بينك فاتح في البداية كنت مرة حابته بس حسيت بدا يتوسخ وقلت ياريت لو طلبت أسود لول
فاللي حابته أنصحك تطلبي أسود لأنه يتوسخ بسرعة
أخذته من موقع etsy.com
Lady Gaga ARTPOP Album
الفقرة هذه لليتل مونسترز بس ;)
حبيت الألبوم كله :( وأتوقع طول الشهر ماسمعت أي أغنية غير من هذا الألبوم لول
أكثر شيء علقت عليهم Applause, Do What You Want, Gypsy, Dope, Fashion!, MANiCURE
وبس إن شالله حبيتو الفيفورتس وهابي ديسمبر مو مصدقة باقي شهر ونخلص السنة :)
انا عندي مشكله مع ماسكارا لانكوم تطبع عند حواجبي يعني لمن احطها لازم بعد فتره اشيك و امسح بس انا كمان اشتريتها عشان الشكل الجميل هههه
ReplyDeleteياليت يا وفاء تتكلمين عن مجموعه كلينك بالتفصيل نفسي اشتري لي خط عناية كامل بس محتاره وش استخدم ماركة
ReplyDelete