بوست اليوم هو تعاون بيني وبين الفاشونيستا الجميلة بشاير
@Eleganza_Bee
راح نتكلم أنا وهيا عن اللوك والستايل المناسب للبنات في سن المراهقة.
بهذه التدوينة راح أتكلم عن كل مايخص المكياج وبتدوينة بشاير راح تتكلم عن الفاشن والشعر
وهذا رابط مدونة بشاير ❤
في البداية حابه أوضح شغلة إنه المكياج صراحة ماأنصح فيه للبنات أقل من عمر ١٤ :')
لأنه لسا البنت بهذا العمر شكلها بريء وطفولي ومو محتاج مكياج
بس اللي أكبر من ١٤ أحس بدأت تبين أنوثتها أكثر وتصير تحب تهتم بنفسها وشكلها وخصوصا بهالجيل.
أول نقطة مالها علاقة بالمكياج بس جدا مهمة وهي إزالة شعر الوجه والجسم.
عودي نفسك من دحين إنك تهتمي بهذه الناحية لأنه أبدا مو حلو منظر البنت اللي حاطة ميك اب ووجهها كله شعر :(
خصوصا منطقة الشنب وعندك كذا طريقة ممكن تشيليه بالفتلة بالصالون أو بالواكس في البيت وفيه شرايح فيت جاهزة من الصيدلية للوجه وسهلة وعملية بالإستخدام.
الحواجب
حاولي قدر الإمكان ماتغيري شكلها الطبيعي
وإذا حواجبك مرة عريضة بس نظفي/شقري الشعر الزايد فقط بدون ماتغيري رسمتها
زي بالصورة ماأحس إنه مغيرين كثير بحواجبهم بس ترتيب بسيط وطالع شكلها طبيعي وناعم.
بس عبي الفراغات بالبودرة ورتبيهم بماسكارا جل الحواجب الشفافة.
البشرة وإختيار الفاونديشن
أنصحك بفاونديشن تغطيته خفيفة زي البي بي كريم أو التنتد مويتسرايزر أو أساس خفيف
وإذا بشرتك دهنية طبعا راعي تكون المنتجات اللي تستخدميها خالية من الزيوت ومطفية
ومن ناحية الدرجة بليز خذي أقرب شيء لبشرتك!
كثير أشوف بنات حاطين أساس أغمق بكثير من لونهم عشان يعطيها لوك برونزي :\
بودرة البرونز هي اللي مخصصة تعطيك اللوك البرونزي مو الأساس
كثير أشوف بنات حاطين أساس أغمق بكثير من لونهم عشان يعطيها لوك برونزي :\
بودرة البرونز هي اللي مخصصة تعطيك اللوك البرونزي مو الأساس
وبالنسبة للأساس من المنتجات اللي أنصح فيها
Garnier Matte BB Cream
وأشدد على المات لأنه في منه نوعين الأول مو خال من الزيوت ومايناسب البشرة المعرضة لحب الشباب
هذا النوع خفيف ومطفي وموجود بكل الصيدليات وسعره رخيص حدود ٣٠ ريال
بس مشكلته الدرجات محدودة متوفر بدرجتين لايت وميديم فقط.
MAC Face And Body
أساس جدا خفيف وأفضل طريقة لتوزيعه الأصابع يناسب جميع البشرات ويعطي نتيجة مرة طبيعية ماكأنك حاطة فاونديشن، يستخدم عالجسم كمان.
The Body Shop BB Cream
مسويتله ريفيو هنا
Clinique BB Cream
جميل ومطفي ويناسب البشرات المعرضة للحبوب ومايحسس البشرة
الكونسيلر ممكن مو الكل يحتاجه لو حسيتي بشرتك مافيها عيوب وتحت عينك الهالات مو قوية ماأنصحك تستخدمي كونسيلر ثقيل بس ممكن تستخدمي شيء يعطيك هايلايت
كونسيلر MAC Pro longwear أنصح فيه للي تبغى تغطية عالية للهالات أو للبشرة لأنه مايبين ثقيل وبنفس الوقت جدا ثابت.
رولر غارنييه حلو للي ماعندها عيوب بس يعطيك هايلايت بسيط تحت العين.
بعد الفاونديشن لك الحرية بتثبيته بباودر أو لا. لأن الباودر ممكن تبين إنك حاطة مكياج خصوصا لو بشرتك عادية أو جافة
بس إذا بشرتك دهنية جدا أنصحك تثبتي منطقة الجبهة والأنف والدقن ببودرة خفيفة عشان تمنع اللمعة
أكثر بودرة أنصحك فيها Stay Matte من ريميل
هنا مسويتلها ريفيو كامل
تثبت وجدا خفيفة ماتبين ثقيلة عالبشرة
موجودة بسنتربوينت وبالصيدليات الكبيرة وسعرها ٤٥ريال
بالنسبة لباقي مكياج البشرة زي البلاشر والبرونزر تقدري تستخدمي كل الألوان اللي تناسبك في البلشر
ولو بشرتك مافيها عيوب حلو تستخدمي بلشر شيمري شوية يعطيك نضارة.
مكياج العيون
من ناحية الألوان صراحة المكياج البناتي مو بس يعني شدو بينك :(
ومو معناتو إن البينك مو حلو بالعكس لو إخترتي درجة مناسبة لبشرتك يطلع ناعم وجميل
بس أحيانا أشوف درجات بينك فاقعة أو باردة على بشرة حنطية أو سمرا أبدا مايطلع حلو :(
هو حسب اللي يريحك فيه بنات مايحبو يحطو شدو بالمرة
وممكن بس توزعي بودرة وجه أو برونزر خفيف عالجفن
عشان تخليه مطفي مع أيلاينر ( كثير بنات يحبو هاللوك من ضمنهم أخواتي xp )
عشان تخليه مطفي مع أيلاينر ( كثير بنات يحبو هاللوك من ضمنهم أخواتي xp )
واللي تحب تحط شدو تقدري تحطي الألوان الترابية الطبيعية/درجات البينك والموف الدافية
وبهذه الفترة من العمر حلو تستخدمي الأكحال الملونة والأيلاينر اللي فيه غليترز
هذه لوكات جميلة وطبعا تناسب اللي شوية جريئة بمكياجها D;
مكياج الشفايف
كل الألوان تطلع حلوة عليكي وحتى الفاقعة والغريبة ويعتمد عالمناسبة وستايلك طبعا
وكثير بنات بهالعمر حاطين تقويم إذا ماتحبي التركيز يكون عليه خلي مكياج العين يكون أقوى والروج لحمي ناعم
بس لو ماعندك مشكلة عادي تحطي ألوان بس إبعدي عن القلوسات اللميعة واللي فيها غليتر
وأهم شيء إنتبهي مايجي الروج عالتقويم والأسنان :/
بعض اللوكات اللي أشوفها جدا مناسبة لمكياج المراهقات
اللوك اللي عاليمين جميل وكلاسيكي كل بنت تقدر تحطه خصوصا بالمناسبات
بالوسط ناعم جدا وطبيعي وحبيت حواجبها واللوك كله مخلي شكلها بريء مو قوي
اللوك عاليسار مخلية التركيز عالعين ومحددة بأيلاينر أسود والشفايف بينك ناعمة مع قلوس
لوك ريانا هنا جدا حبيته وحسيته مناسب للبنات الجريئات
الروج قوي مع غليتر أيلاينر ذهبي تحت العين.
وبس إن شالله حبيتو البوست وإستفدتو منه وساعدكم بإختيار المكياج المناسب :*
No comments:
Post a Comment