ريفلون من قريب نزلو مجموعة أرواج Balms مطفية وصارت عليها ضجة في البلوقات واليوتيوب شوفتلها ريفيوهات وكثير حبوها
نزلت برا وإن شالله قريب تنزل عندنا.
طلبتها من موقع http://www.boots.com/
يعطي نتيجة مخملية ومطفية للشفايف بدون ماينشفها بالعكس يرطب ومريح بالإستخدام،،
شكله نفس قلم Cryaon ويتلف من تحت.
تغطيته قوية وصبغته عالية أقرب للروج وتحديدا زي نوعية الأرواج الساتين من ماك، وفيه ريحة نعناع ماضايقتني بس فيه ناس ممكن يتضايقو منها، ثباته بين ٤ إلى ٥ ساعات بعدين يبدا يخف ويبهت اللون بدون مايتشقق أو يسيح.. يحتوي على زبدة الشيا، جوز الهند والمانجو وهذه اللي تخليه يرطب.
تركيبته راااااائعة!!! مرة ماتنشف وكريمية بس شكلها مطفي عالشفايف
واللي شفايفها ناشفة ومو كثير تناسبها الأرواج المطفية تجرب هذه لأنها ماتنشف
وجودتها مرة حلوة مقارنة بسعرها..
متوفرة ب١٠ ألوان
الألوان اللي عندي
Sultry 220
جمييييييييل مرة مرة مرة وهو المفضل عندي منهم!!!
من أول ماطلبته الى اليوم وأنا أستخدمه كل ماطلعت وراح يكون بمفضلات مارس لول
لونه بيرفكت للإستعمال اليومي ويحلي البشرة ويعطيها حياة حتى لو مانتي حاطة ميك اب كثير..
اللون لحمي طبيعي على موف شوية أحسه يطلع حلو على كل البشرات.
تركيبته ناعمة وتغطيته عالية.
Mischievous 235
لونه مشمشي اورنجي فاتح
تحسيه فاقع شوية لوحده بس حطيته مع محدد لحمي وطلع مشمشي هادي ومرة حلو
يطلع جميل مع التان بالصيف *-*
ولاحظت إنه تركيبة هذا الروج شوية تختلف عن الباقين لأنه صبغته مو مرة عالية يحتاج أحط كذا طبقة.
Shameless 215
بنفسجي غامق بأندرتون بارد مرة حلو
شفت سواتشز إنه مرة يشبه روج هيروين من ماك
جميل ومميز اللون ماعندي زيه كثير وحبيت إنه مطفي بدون ماينشف وثباته عالي
حسيت اللون شوية مو متجانس بالتوزيع حتى بالسواتش لاحظوه كيف بس لما أدمجه بإصبعي يبين حلو.
سواتشز للألوان
وهذه سواتشز لكل الألوان عالشفايف من موقع Villabeautifful
بشكل عام مرة أنصحكم تجربوها جدا عجبتني وإن شالله إذا نزلت عندنا باخذ كم لون زيادة :*
سعرها أتوقع بيكون حدود ٦٠ ريال وريفلون موجودة بسنتربوينت والصيدليات الكبيرة.
No comments:
Post a Comment