مفضلات شهر مارس شوية كثيرة لأني جربت كثير أشياء جديدة وحبيتها! :)
راح أبدأ بمفضلات المكياج
Sephora Color Spectrum It Palette
مرررة حبييتها!! ألوانها رائعة مزيج بين الألوان الطبيعية والملونة
بيرفكت للسفر وحتى تعليبها جدا عملي
البيجمنتيشن للشدوهات ممتاز وسهلة بالتوزيع والدمج.
كمان من ضمن مفضلاتي قلم الكحل الأسود اللي جا بنفس الباليت.
سواده جمييل ومو ناشف يشبه كثير لكحل إربن ديكاي
ماركة سيفورا مرة أحبها صراحة جودتها عالية وأسعارها معقولة وتعجبني خصوصا بالفرش.
Revlon Matte Balm in Sultry
كتبت بالريفيو إنه حيكون بمفضلاتي p;
وهذا الريفيو كامل للأرواج
L'oreal Voluminous Waterproof Mascara
جربت الفولومينس العادية مرررة فظيعة وقررت أجرب الواتر برووف لأن عيوني تدمج وأحب أستخدم كل شيء واتر بروف
كمان حلوة وعجبتني بس حسيتها شوية تختلف عن العادية يمكن ناشفة أكثر
بس برضو جميلة ومن أحلى الماسكارات بالدرق ستور هيا ومايبلين الصفرا.
Rimmel Apocalips in Across The Universe
الروج الأحمر أحيانا يكون صعب بالتوزيع وتحسيه High Maintenance يعني لازم كل شوية أشيك بالمراية وأعدله وحالة!..
وهذا الروج بالعكس مرة سهل ومريح بالإستخدام وثباته عالي وبيرفكت للنهار لأن لونه مو مرة قوي وكريمي.
Rimmel Scandaleyes Waterproof Kohl Eyeliner in Nude
كحل نيود من ريميل مادري ليش مانزل عندنا إلى دحين :(
لو نزل باخد واحد ثاني من كثر ماعجبني!
مرة طبيعي ويعطي العين لوك ناعم ويخليها تبين مصحصة
ونفس التركيبة حقة الكحل مرة كريمية وثابتة.
Benefit The Porefessional Powder
نفس فكرة البرايمر من بينيفت، الباودر تخفف شكل المسام بالوجه وتمنع اللمعة
حبيتها وراح أعمل عنها ريفيو مفصل هذا الشهر إن شالله.
Kiko Liquid Waterproof Eyeliner
لاحظتو كل شيء أستخدمه للعين واتر بروف؟ لول.. مشكلة العين الحساسة والعدسات :(
المهم إنو الأيلاينر هذا من كيكو نفس حق ماك LiquidLast Liner بالزبط! مستحيل أفرق بينهم.
سواده مررررة قوي والريشة رفييعة نفس اللي أحبها أرسم فيها بسهولة.
وجدا ثابت مايروح إلا بمزيل مكياج زيتي
يعني صار عندي أيلاينر مفضل جديد *-*
Kiko Water Eyeshadow in 208
نزلت صورة بإنستغرام سواتش مقارنة له ولهايلايت ماك ويسبر اوف غيلت
نفس اللون واللمعة ولاحظت كذا منتج من منتجات كيكو مرة تشبه ماك
أستخدمه على عظمة الخد وبمدمع العين ولمعته خطيرة مرة حبيته.
Soap And Glory Kick Ass Concealer in Medium
كونسيلر من سوب اند غلوري يجي بلونين واحد مايل للمشمشي تحت العين والثاني بيج للوجه
وبنفس الكونسيلر باودر شفافة خفيفة مرة لتثبيت الكونسيلر.
بإختصار مرررررة جمييل!!!
كريمي وتغطيته عالية والباودر جدا ناعمة
رائع صراحة وماتوقعت بيعجبني لهالدرجة!
Huda Beauty Lashes in Giselle #1
هالرموش من زمان مفضلة عندي تقريبا من ٨ شهور أول ماجربتها بس أعتقد ولا مرة تكلمت عنها بفيفورت!
جودتها مرة عالية وشعرها مبين طبيعي (مادري إيش نوع الشعر اللي مستخدمته)
ونفس قصة الرموش تعطي فوليوم وطول جميل وتحلي أي لوك مكياج بدون ماتبين أوفر.
Real Technique Miracle Sponge
صراحة كثير يقولو إنها نفس البيوتي بلندر أنا ماأشوفها نفسها وراح أنزل مقارنة بينهم بإنستقرام.
بس برضو عجبتني ومررة حبيتها مع باودر ستوديو فكس من ماك لأنه فيها جنب مسطح مرة سهل أوزع فيه الباودر.
مفضلات الشعر
Boots Hairspray Extra Firm Hold
صراحة أشتريته لما كنت مسافرة لأني نسيت أجيب معايا مثبت شعر
حبيته! مو من النوع اللي يخشن الشعر ولا فيه ريحة قوية وتثبيته حلو.
مفضلات العناية بالجسم والبشرة
Ren Moroccan Rose Otto Body Collection
تجججننن المجموعة!! مرة حبيتها تنعم الجسم وريحتها قمة الأنوثة
راح أعملها ريفيو مفصل إن شالله بخلال هذا الأسبوع أو بداية الأسبوع الجاي.
The Body Shop Vitamin E Overnight Serum-in-Oil Treatment
تكلمت عنه بهذا البوست
لو عندي مناسبة أستخدمه قبلها بيوم لأنه يعطي البشرة نضارة صحية جميلة ويخليها ناعمة ومترطبة
مع إنه زيت بس جدا خفيف وتمتصه البشرة بسرعة
يناسب كل البشرات ومرة أنصحكم تحربوه.
مفضلات الأظافر
أنا صراحة ماعندي صبر أسوي Nail Art يادوب أحط المناكير لول
عشان كذا مررررة حبيت هذه اللصقات من كيكو وراح أطلب أشكال زيادة إن شالله *-*
تلصق بسهولة وشكلها مرة مرتب وتعطيني ديزاين حلو بدون قلق وتوتر إني أستناها تنشف لوول
والمناكير المفضلة Lady In Black by OPI صبغته قوية وينشف بسرعة.
واااو جميل باليت سيفورا ماشالله تتهني
ReplyDeleteمتحمسه اجرب اروااج ريفلون الجديده هذي مره
يعطيك العافية ياجميلة ^^
جميل .. تتهني فيه
ReplyDeleteبأسالك مجموعة العناية بالجسم من فين أخذتيها ،، لأني شوفتها بموقع اسوس ومدري اذا ارامكس يقبل شحنها ولا لأ ؟؟
ومشكوره ياقلبي