Sunday, March 9, 2014

The Body Shop Spring Collections 2014 مجموعات ذا بودي شوب الجديدة







قبل أسبوعين ذا بودي شوب رسلولي المجموعات الجديدة اللي نازلة هالشهر عندهم جربتها وحبيت أوريكم هيا وأسويلها ريفيو 



Vitamin E Overnight Serum-In Oil


  زيت سيروم للبشرة بفيتامين إي يستخدم بالليل قبل النوم 
قريت عنه مدح كثير واللي حمسني أكثر شيء كلام خبيرة البشرة البلوقر البريطانية Caroline Hirons
كاتبين إنه يرطب ويعطي نضارة ويخلي البشرة مرتاحة
وفعلا هذا اللي حسيته،، جربته مرتين كنت خايفة يطلعلي حبوب لأنه زيت بس بالعكس تمتصه البشرة بسرعة واليوم الثاني بشرتي كانت مرة ناعمة وصحية حبيت نتيجته ومجموعة فيتامين إي إستخدمتها قبل وتعجبني خصوصا بأيام البرد.
مناسب لجميع أنواع البشرات وأساساً يستخدم بالليل بس لو كانت بشرتك جدا جافة ممكن تخلطيه مع مرطبك بالصباح وراح يزيد ترطيبه.


Aloe Soothing Gel


معروف الصبار إنه مهديء للبشرة 
الجل هذا مناسب للبشرة الحساسة أو للبشرة المهيجة والمعرضة للإحمرار تحطيه على كل البشرة أو بس على مناطق معينة
يرطب ويبرد ويهديء البشرة
إستخدمته مرة وحدة سويت واكس لوجهي وحطيته بعدها حبيته خفف الإحمرار وريحلي البشرة على طول 
وملمسه زي الجل العادي حق الشعر.


Special Edition Blue Berry Lip Butter


البلو بيري كانت مجموعة قديمة في ذا بودي شوب تقريبا قبل ٧ سنين وسحبوها
ودحين رجعوها بكمية محدودة وصراحة أنا مرة متحمستلها 
أحب ريحة الفواكه خصوصا مجموعات ذا بودي شوب وفكتوريا سيكرت أستخدمهم في البيت أو طلعات خفيفة
.ومرطب الشفايف زي كل مرطبات بودي شوب مرة أحبها ومن المفضلات عندي دايما ترطب وطعمها حلو 


Shimmer Cubes #26 Hot Pink



البنكيات رغم إني مو كثير أحبها بس دارجة كثير هالفترة بسبب باليت إربن ديكاي الأخيرة
الألوان البنكية الباردة أحسها ماتناسبني وأفضّل أستخدم الدرجات الدافية والمايلة ع روز غولد مررة أحبها عالعين تعطي لوك أنثوي ناعم وجميل.
الشدوهات حسيت فكرتها نفس لوريال الإنفايلبل شدو بودرة بريسد Pressed 
صبغتها متوسطة/عالية تحتاج تستخدمي برايمر قبلها وناعمة بالدمج
ممكن تستخدميها كبلاشر أو هايلايتر للبشرة كمان
وبرضو نازلة شدوهات الوان ثانية غير هذه درجات البرونز مرة جميلة.


Lip Gloss in Rose


غلوس لميع مايدبق وريحته لزيزة
ممكن يستخدم لوحده أو بعد الروج
أغلب إستخدامي للغلوسات بعد المحدد بوسط الشفايف بس عشان ماتبين مرة ناشفة من المحدد وأحب هاللوك بالصباح.


Limited Edition Hair Chalk




طباشر ملون للشعر إضافة جديدة حبيتها وراح تنزل لفترة محدودة في ذا بودي شوب
إستخدامها سهل بس مرة تحوس اليد والملابس لازم تحطي منشفة على أكتافك قبل لا تستخدميها
وثباتها تقريبا ٥ أو ٦ ساعات بعدين تحسي اللون يخف تدريجياً
وينغسل بسهولة من الشعر 
مرة حبيتها أعطتني لوك جديد مؤقتاً خصوصا وإني من فترة نفسي أصبغ شعري لون مجنون بس ماتجرأت لول



وبس هذه تجربتي للمنتجات إن شالله حبيتوها وأعتذر ماعندي فكرة عن الأسعار
 إيش أكثر شيء تحمستوله؟ :)





❤❤


Twitter | Instagram | Email





3 comments:

  1. مره حمستيني للسيرو لان بشرتي احسها مررهقه
    يعطيك العافيه

    ReplyDelete
  2. اكتتر حاجة عجبتني الطبآشير- خصوصا إنها من بودي شوب
    يعني شركة أثق فيهاا بشكل *-*
    حبيت ألوآنه ممممممرة

    ReplyDelete

Related Posts Plugin for WordPress, Blogger...