February Favorites 2014 مفضلات شهر فبراير

مفضلات العناية الجسم

LUSH Rub Rub Rub Body Scrub 

 مقشر جمييييل من لش وريحته منعشة

ينفع أستخدمه كل يوم أو يوم بعد يوم لأنه مو مرة قوي بس ينعم الجسم ويشيل الجلد الميت

Labello Lip Butter

زبدة ترطيب للشفايف ريحتها لزيزة وترطيبها حلو

YSL Manifesto Perfume 

عطر مانيفيستو من إيف سان لوران تجنن ريحته مرة أنثوية 

وللأسف ماأعرف أوصف العطور بس سويت سيرش وهذه النوتس اللي بالعطر

"fresh green wave, bergamot and black currant. The heart includes accords of white flowers such as Sambac jasmine and lily of the valley. The base is woody and slightly oriental and captures notes of cedar, sandalwood, vanilla and tonka bean."

مفضلات العناية بالشعر

Curly Wurly Shampoo

أنا بس قريت إنو فيه كوكونت على طول إشتريته هههه وكمان نوع شعري كيرلي وهذا اللي خلاني أتحمسله زيادة

حبيته ينظف الشعر بس ترطيبه قوي ويخلي الكيرلز مرتبة 

مشكلته بقطع الكوكونت الصغيرة تطفش عشان تنظفيها،

راح أسوي إن شالله ريفيو مفصل كامل لكل منتجات لش اللي بالفيفورت مادري متى بس لول

Retread Conditioner 

بلسم للشعر ترطيبه عالي وريحته مرة جميلة حسيتها تشبه ريحتة شامبو Big من لش 

مفضلات المكياج

MAC Studio Fix Powder

هالبودرة كنت أحبها من سنين وخلصت وماعاد إشتريتها لأني حبيت أغير

ودحين رجعتلها 

إذا شوفتو بوست بودرة برو فينيش حقة ميك اب فورايفر هنا

راح تشوفو إني أحب أستخدم البودرة المضغوطة كفاونديشن ولأن بشرتي دهنية مرة تعجبني تغطيتها وإستخدامها لكل يوم

وبودرة ستوديو فكس أستخدمها بنفس الطريقة وراح أشرحها أكثر بعد ماينزل هالبوست عالإنستقرام لأني بنزل صورة اليوم الثاني من تحدي الجمال والطلب هو المكياج اليومي p;

Urban Decay Deslick Spray 

بخاخ مثبت من اربن ديكاي أستخدمه بشكل يومي بعد البودرة يثبت المكياج ويمنع اللمعة وهذا ريفيو كامل عنه هنا

Urban Decay Naked Flushed

ماكنت أستخدمها كثير بس صرت أقدرها بالسفر مرة مريحة 

والبرونزر اللي فيها مو مرة غامق أنا أحبه يكون أغمق بس أستخدمه كبلاشر يعطي لون حلو خصوصا مع الهايلايتر

ونفس البلاشر الموجود بالباليت جدا جميل وطبيعي 

 Rouge G de Guerlain Jewel Lipstick Compact in Georgia 62 - Rosy Pink

روج من غيرلان رقم ٦٢ لونه وردي طبيعي يجنن ونوعية أرواج غيرلان مرة أحبها وأحب ريحتها

وبنفس الروج فيه مراية أكثر روج أحب أخذه معايا بالشنطة ولونه يساعد إني أحطه بأي وقت ومع أي مكياج

MAC Soar Lip Pincel 

ماأطلع من البيت بدونه أصلا على طول موجود بشنطتي هو والبودرة كمان

أستخدمه لوحده إذا ماحطيت روج أو مع الروج

أحب لونه لحمي وردي ونوعية محددات ماك كريمية وناعمة جميلة

المفضلات العشوائية

David Rio Vanilla Chai Latte 

أخذته من الرفاعي ب ٤٠ ريال

أحب الفانيلا شاي لاتيه من زمان وكنت أسويه بنفسي بس مايطلع مزبوط نفس الكافيهات

وجربت هالنوع مرة عجبني وعندهم نكهات ثانية إن شالله أجربها كمان *-*

❤❤❤

Twitter | Instagram | Email