أول جملة تعلمتها لما كنت بماك هي
M·A·C is for All Ages, All Races, All Sexes.
ماك هو لجميع الأعمار، كل الأعراق وجميع الجنسين.
عشان كذا تلاقي كثير أنواع كونسيلرات ومصححات وفاونديشن وبودرة واللي ماعندها خبرة تضيع وكثير أسئلة تجيني عن إختيار الكونسيلر المناسب..
اليوم راح أتكلم عن كل الأنواع بالتفصيل وإختيار الدرجات وإن شالله تستفيدو :*
على فكرة ماأحب لما وحدة تقولي كونسيلر ماك أو فاونديشن ماك سيء!.. طيب أي نوع فيهم؟! جربتي بقية الأنواع؟! :|
يمكن النوع اللي إخترتيه ماناسبك وفيه كثير غيره عشان كذا غلط تحكمي على كل الكونسيلرات وكل الفاونديشنز بماك من تجربة منتج واحد.
أنا شخصيا فيه أنواع ماأحبها وفيه أنواع مرة تناسبني حسب بشرتي وإنتِ كمان نفس الشيء وطبعا مو شرط اللي ناسبني ممكن يناسبك أهم شيء التجربة وراح تلاقي اللي يناسبك ❤
Studio Finish Concealer
كونسيلر كريمي بتغطية عالية Full Coverage ضد الموية وخالِ من العطور يحتوي على فيتامين A,E
و silica عشان تمتص الدهون الزائدة ونسبة وقاية من الشمس 35
الفينيش حقته مطفية
مناسب لجميع البشرات ماراح يجفف البشرة الجافة ومايدهن ولا يطلع حبوب للبشرة الدهنية
يستخدم تحت العين ولتغطية الحبوب وعيوب البشرة
ولو عندك تجاعيد أو خطوط ماراح يبينها.
كثير يشتكو إنه يخطط تحت العين أنا أشوف الغلط بطريقة توزيعه!
وزعي كمية قليلة لأنه مركز ماراح تحتاجي كثير منه وإدمجيه كويس
أنا أستخدم فرشة دمج كونسيلر من سيقما P84 أو بفرشة دمج ماك ٢٢٤ مثلا وثبتيه بباودر ناعمة وماراح يخطط.
Select Cover up Concealer
كونسيلر سائل علبته عصار تغطيته متوسطة إلى عالية.
جدا طبيعي فيه ميزة إنه Texture Free يعني مو مطفي ولا يعكس الإضاءة ولا ديوي، الفينيش حقته نفس شكل البشرة
إذا إخترتي الدرجة الصح مايبين إنك مستخدمه كونسيلر يندمج بسهولة مع البشرة
كثير يستخدموه كفاونديشن خفيف يومي بس لتغطية العيوب ومناسب لكل البشرات
والأفضل يستخدم قبل الفاونديشن أو لوحده.
Select Moisturecover Concealer
كونسيلر ناعم وسهل المد عالبشرة وفيه نسبة ترطيب، يجي بعلبة مع اداة تطبيق doe-foot applicator
الفينيش حقته ساتين تغطتيه متوسطة طبيعية وممكن تزيديها
ناعم عالتجاعيد مايبينها جدا مناسب للبشرة الناضجة والجافة.
Pro Longwear Concealer
كونسيلر سائل بتغطية متوسطة عالية يتميز بتقنية الثبات لمدة ١٥ ساعة مايتغير لونه ولا يسيح ولا يخطط
الفينيش مطفية
علبته قزاز وفيه ضغاطة كثير يشتكو منها أنها تطلع منتج زيادة
أنا ماتضايقني هالمشكلة وأحس الكمية مناسبة لتحت العين وحول الأنف والشفايف
مناسب لكل أنواع البشرة ممكن لو عندك تجاعيد تحت عينك تحسيه يبينها شوية بس إستخدمي قبله مرطب عين وراح تنحل المشكلة.
Mineralize Concealer
أجدد كونسيلر من ماك كريمي سائل بالمعادن يغذي ويرطب البشرة
تغطيته متوسطة طبيعية سهل بالتوزيع والدمج ويعطي إضاءة للبشرة
يناسب كل البشرات بس جدا أنصح فيه للبشرات الجافة.
Studio Conceal And Correct Palette
الباليت عبارة عن ٤ درجات من كونسيلر ستوديو فينيش ودرجتين من المصححات
ومتوفرة ٤ باليتات Light, Medium, Medium Deep, Dark
إختيارهم للألوان بيرفكت بكل باليت حسب البشرة اللي تناسبها
تستخدم تحت العين وللبشرة ولتصحيح العيوب وللكونتور والهايلايت
للأسف هي متوفرة على طول برا بس عندنا ماعاد يجيبو منها وممكن تلاقوها بالموقع.
المصححات وإختيار درجة الكونسيلر
بالنسبة للكوركترز أو المصححات هذه الدرجات اللي بماك والصورة من النت
المصححات تستخدم لتصحيح وتوحيد لون البشرة
ماراح أتكلم عن كل الألوان لأنه ماتهمكم كثير
أكثر لون يهمنا هو درجات الأورنج والمشمشي لأنها تصحح الهالات السودا تحت العين
إذا ماعندك هالات ممكن تستغني عن هذه الخطوة تماما
بس لو عندك هالات غامقة وواضحة مهم تستخدمي مصحح قبل الكونسيلر
البشرات الفاتحة والبيضا تستخدم Light Peach أو المشمشي الفاتح
البشرات الحنطية والمتوسطة تستخدم Mid Peach مشمشي متوسط (لاحظت إنه مو موجود لوحده بس موجود في باليت الكونسيلر الميديم)
البشرات السمرا تستخدم الأورنج Pure Orange
المصحح يتوزع فقط على الهالات الداكنة ماتنزليه لتحتها
وبعدها وزعي الفاونديشن والكونسيلر نفس لون بشرتك زي ماتوزعيه دايما وراح تلاحظي فرق بالتغطية.
ممكن إذا مانتي حابة تستخدمي مصحح أو مالقيتيه متوفر إستخدمي كونسيلر من درجات Nw لأنها مايلة على مشمشي أو إستخدمي كونسيلر من درجات Nc بس أغمق منك بدرجتين.
وأبدا لا تستخدمي كونسيلر دافي ونفس لون بشرتك بدون مصحح لأنه راح يقلب رمادي.
النقطة هذه يوميا تجيني أسئلة عليها أنا أمشي على هذه القاعدة بإختيار الدرجات بس لازم أجرب على كل وحدة وأشوف إيش أنسبلها يعني ماراح أقدر أجاوبك بدون ماأشوفك وأعرف بشرتك ولون هالاتك لازم تجربي كذا درجة بالمحل وراح تلاقي اللي تناسبك إن شالله.
وإذا ماعندك هالات ممكن تستخدمي كونسيلر أفتح منك بدرجة يعطيك هايلايت تحت العين.
ولتغطية عيوب البشرة بالعكس إستخدمي كونسيلر نفس لون بشرتك ونفس أندرتونها (إذا دافي أو بارد)
وأبدا لا تستخدمي أفتح لأنه راح يبرز العيوب بدل مايغطيها.
إن شالله يكون واضح الكلام بليز اللي يهمها الموضوع ودايما تسألني عنه تقرأ كل نقطة بتركيز :(
الكونسيلرز المفضلة عندي من ماك
البرولونغ وير لأنه ثابت ومايخطط وأنا بشرتي دهنية أحب أستخدمه بالنهار أو إذا بطلع مكان لوقت طويل
درجته Nc35 هالاتي مو غامقة يغطيها بشكل حلو وطبيعي ومايقلب رمادي إذا هالاتك غامقة لا تاخذي نفس درجتي خذي أغمق أو إستخدمي مصحح زي ماكتبت فوق.
الباليت رائعة!!! عندي الباليت الميديم مناسبة لبشرتي
الدرجات اللي فيها
Nw25 - Nc30 - Nc35 - Nw35 - Mid peach - Mid yellow
إستخدامي لها أخلط ميد بيتش المصحح المشمشي المتوسط مع كونسيلر Nw25 وأستخدمه لتحت العين بس يعطي إضاءة وينور تحت العين.
كونسيلر Nc30 أستخدمه هايلايت للوجه بسيط مو مرة فاتح
كونسيلر Nw35 أستخدمه كونتور للوجه ناعم مو مرة غامق
كونسيلر Nc35 أستخدمه لو طلعتلي حبة أغطيه فيها لأنه نفس بشرتي.
No comments:
Post a Comment