Snails Washable Safe Nail Polish

اليوم حأعمل ريفيو سريع لمناكير شوفتها بالصيدليات عندنا وحبيت فكرتها!

هي مناكير مصنوعة من اساس مائي خالية من المواد الكيميائية وآمنة الإستخدام للأطفال والحوامل.

مكونة من ثلاثة مواد بس

Water, Acrylic polymer and Non–toxic colorants

مافيها أي عطور أو مواد تسبب حساسية والشركة نفسها مهتمة بالمحافظة عالبيئة ومنتجاتها كلها ممكن إعادة تدويرها حتى بالتغليف.

أحلى ميزة فيها إنها تنغسل بالموية ومايحتاج مزيل مناكير!

أنا ماصدقت إلا لمن جربت بنفسي لول

فرشتها سريعة ومرة عملية أحطها بالسيارة وإذا طولت برا البيت وإحتجت أتوضى عادي أغسلها بالموية وتروح.
مالها ريحة المناكير المعتادة وصبغتها وسط إحتجت أحط طبقتين وتاخذ وقت شوية عشان تنشف بس برضو عندهم توب كوت ينشفها أسرع.
ومشكلتها ممكن تحوس شوية لو جا على يدك موية.

حلوة كمان اللي عندها بنوتة تحب المناكير تجيبلها منها افضل بكثير من المناكير العادية لأن مافيها كيميائيات ومواد ضارة.


هذا موقع الماركة إذا حبيتو تقرأو عنها أكثر

http://www.safe-nails.com/

والموزع لهم بالسعودية @BeautyBoxLtd

تلاقوها بأغلب الصيدليات الكبيرة وسعر المناكير ٣٩ ريال

❤❤❤

Twitter | Instagram | Email