May Favorites 2014 مفضلات شهر مايو

هاي ياجميلات ❤

المفضلات اليوم مو كثيرة لاحظت إنو أغلب الأشياء اللي إستخدمتها بشهر مايو هي لسا نفسها من مفضلات الشهور الماضية وماحبيت أذكرهم عشان لا تكون مكررة بس فيه كم منتج جديد إستخدمتهم حبيت أتكلم عنهم :*

Benefit Gina Perfume

عطر من بينيفت إسمه جينا

شكله كيوووت حتى علبته تجيب السعادة p;

ريحته كمان مرة جميلة 

Top notes: pink pepper, bergamot, tangerine"
Middle notes: peony, wild raspberry, white lily
"Bottom notes: patchouli, tonka bean, vanilla bean

ريحته جاية توت ناعمة بس قوية ودافية بنفس الوقت حسيته ينفع بكل وقت حبيته مرة 

وترى قرب يخلص وهوا لسا جديد! لول

Rimmel Salon Pro Ultra Violet Nail Polish #312

مناكير بنفسجي من ريميل اللون عشششق ونوعية المناكير مرة حلوة صبغتها قوية وتنشف بسرعة وماتتقشر 

وهذا سواتش له من النت

وسعره مرة حلو أقل من ٣٠ ريال من سنتر بوينت وصيدلية بووتس.

Pond's Deep Cleaning Facial Scrub

قبل أسبوعين تقريبا رحت بأخذ سكرب سانت آيفز من الصيدلية بس قالي إنقطع مادري كلامه صح ولا يألف :|

المهم شوفت هذا من بوندس مكتوب عليه سكرب أخذته بس طلع غسول مقشر يومي مو سكرب! اني وايز جربته كغسول وجددددا عجبني!!! ينعم البشرة وينظف بعمق بس ماينشف ابدا مرة حبيته.

MAC Cleanse Off Oil

أي وحدة تتكسل تغسل مكياجها بالليل مررررررة أنصحها تجيب هذا الزيت!

يناسب كل البشرات وينظف كل شيء بخطوة وحدة مهما كان قوة المكياج اللي حاطته. أفركه شوية على عيني ووجهي كأني أسوي مساج للبشرة وبعدين أبلل يدي بشوية مويه وأرجع أسوي مساج وراح تلاحظي صار زي الحليب المنظف وبعدين أغسله بالموية وأكمل أغسل وجهي بغسولي العادي.

ومايبقى ولا نقطة ميك اب وأعتقد بودي شوب عندهم نفس فكرة هذا الزيت ماجربته بس قريت عنه ريفيوهات كثير إن شالله أجربه وأقارنهم.

Sleek Matte Me In Birthday Suit 

روج سائل مطفي من سليك درجته لحمية أحسها تناسب الكل لأنها مو مرة غامقة ولا مرة فاتحة

نوعية الروج ناشفة شوية لأنو ثابت ومطفي ويحتاج ترطبي شفايف كويس لو شفايفك ناشفة راح يبين القشور ومايطلع حلو لازم سكرب وترطيب قبله.

بس ثباته فظييييع مايطبع ولا يتغير ولا يخف 

جدا عملي للدوام. 

سواتش للدرجة من النت

Sigma Brushes 

أخر شيء بالمفضلات كم فرشة من سيقما اللي كتبت عنهم ببوست المشتريات هنا

Tapered Kabuki F86

هذه الفرشة أخذتها من مدح جاكلين هيل باليوتيوب دايما أشوفها تستخدمها بالكونسيلر ومرة تحمست أجربها وفعلا مرة حبيتها *-*

بيرفكت لتحت العين لأنها مدببة وماتخلي الكونسيلر يخطط لأنها مررة ناعمة وكثيفة بنفس الوقت تدمجه بشكل بيرفكت

وكمان أستخدمها بالهايلايت للوجه. عندي كثييير فرش أحب أستخدمهم للكونسيلر بس تقريبا هذه أسرع وأسهل وحدة بالإستخدام.

Tapered Blending E35

هذه الفرشة نفس E40 بس متماسكة أكثر جميلة للكسرة ودمج الشدو

ومرة حلوة كمان لدمج الكونسيلر والمنتجات الكريمية.

Eye Liner E11

أصغر فرشة ايلاينر شفتها!!!! مرررة صغيرة ونحيفة ترسملك بشكل دقيق ومحدد مرة عجبتني ومن زمان كنت أبغى فرشة زي كذا خصوصا للأيلاينر الريترو.

Small Angle E65

كل وحدة لازم يكون عندها فرشة مشطوفة موجودة بكل الماركات وحبيت هذه اللي من سيقما

شعرها صناعي تناسب الجل أكثر حلوة للحواجب والأيلاينر وتحت العين.

فرش سيقما تقدرو تطلبوها من موقعهم 

Sigmabeauty | سيقما بيوتي

وكود تخفيض شهر جون JUNE10

وبس إن شالله عجبتكم المفضلات أشوفكم بتدوينات قريبة :*

❤❤❤

Twitter | Instagram | Email