Sunday, May 3, 2015

April Favorites 2015 مفضلات شهر ابريل








كالعادة كل شهر مستحيل أفوت الفيفورتس لأن بحكم إني بلوقر كثير أجرب منتجات جديدة، وبرأيي أحسن وأسرع طريقة أتكلم فيها عن مفضلاتي هي بهذا البوست وأحيانا أحب أعمل بوستات منفصلة للمنتجات اللي تحتاج تفصيل وريفيو أكثر زي بعض المنتجات بمفضلات اليوم..

مفضلات الشهر اللي فات أغلبها منتجات جديدة وجميلة..


أبدأ بمفضلات العناية بالجسم والشعر


The Body Shop Forbidden Flower Shower Gel

المجموعة كاملة بريحة زهرة السعادة والريحة مزيج بين الروايح الخشبية والورود، وأحسها تنفع للرجال والنساء وماهي من الروايح القوية بالعكس.
أنا مرة حبيت الشاور جل ريحته نظيفة ونفس الشاور جل لونه أسود يحمس. ونوعية شاور جلز بودي شوب رائعة تنظف وريحتها قوية وماتنشف الجسم ابداً.


The Body Shop Fuji Green Tea Bath Salt And Body Butter

وهذه مجموعة ثانية جديدة من بودي شوب وهي مجموعة الشاي الأخضر.
المجموعة ريحتها ونوعيتها تحسسني كأني بالسبا، مررة ريلاكسنغ 
عشان كذا مرة حبيت أملاح البانيو إذا تحبي تعملي حمام بانيو وإسترخاء كل فترة أنصحك فيها ريحتها تهديء الأعصاب.
وبعد الحمام أرطب بالزبدة حقة المجموعة أنا زبدات بودي شوب نقطة ضعفي مرة أعشقها 
هذه الزبدة خفيفة اقرب للوشن بس ترطيبها عالي ويجلس تأثيرها ٢٤ ساعة.


Nature's Gate Pomegranate Sunflower Shampoo And Conditioner

شامبو وبلسم بالرمان من موقع اي هيرب
للشعر المتضرر والمصبوغ 
يرطب
ريحته حلوة
مايدهن الشعر 
خالِ من السولفيت 
كل المميزات اللي أبغاها بالشامبو والبلسم *-*
هنا بوست الطلب للي ماشافته 




مفضلات البشرة


Clarisonic Sonic Radiance Brightening Solution 

اللي كتبت عنها ريفيو مفصل بأخر بوست هنا


لاحظت فرق كبير وتحسن ببشرتي ومرة حابة النتيجة 
دحين وقفتها عشان أجرب منتجات جديدة أكتبلكم عنها هههههه :(
بس راح أرجعلها إن شالله الكليراسونك صارت جزء من روتيني اليومي زي فرشة الأسنان  مااستغني عنها ولا أعرف كيف كنت أنظف بشرتي قبلها 




مفضلات المكياج




Naked Skin Ultra Definition Powder Foundation

ياجمااالها 
بودرة فاونديشن مضغوطة نااااعمة خفيفة مرة جربوها بالمحل وحسوها كيف :(
تغطيتها عالية تقدري تستخدميها لوحدها بدون فاونديشن بس حطي قبلها كريم مرطب وشويه كونسيلر وياسلام عالنتيجة جميلة وطبيعية مرة بيرفكت لكل يوم.. 
اوزعها بفرشة كبيرة عشان تعطيني فينيش خفيف وطبيعي وتقدري توزعيها بالاسفنجة اللي معاها سواء مبلوله أو جافة أنا مااحب أستخدم باودر مبلولة ابدا أستخدمها جافة ومااعطتني لوك مغبر وناسب بشرتي جدا بحكم إنها مختلطة دهنية.

سعرها 
١٨٠ريال واربن ديكاي موجودة بسيفورا فرع ريد سي مول ومجمع العرب والتحلية.


Urban Decay Naked Skin Weightless Complete Coverage concealer 

وهذا الكونسيلر الجميل اللي أستخدمه قبل الباودر.
واللوك اللي يعطوني هوا طبيعي جميل ومريح وعملي لكل يوم وبنفس الوقت تغطية عالية
بيرفكت للدوام وطلعات النهار أنصحكم تجربوهم.

سعر الكونسيلر ١٣٩ريال.


Colour Pop Blush In Holiday

بلشراتهم غريبة! ملمسها أول مرة يمر عليا وماعرفت كيف أوزعه في البداية بالاصبع يبان قوي ويجنن وبالفرشة العادية حسيته خفيف وإنقهرت 
بعدين جربت أوزعه بفرشة ستيبلينغ صغيرة ماك ١٣٠ صار بيييرفكت 
لونه مطفي بس فيه لمعة شويه نتفة صغيرة مو نقط شيمر لا كذا شيء يعكس الضوء بشكل بسيط ويبين الوجه صحي
مرة حبيت التركيبة وأهم شيء إنها ثاااابتة طول اليوم
أنا طلبت منتجات زيادة من كلر بوب لأني حبيت الماركة وإن شالله لما يوصلو أعمل بوست كامل عنهم.
تقدرو تلاقوها بموقعهم اونلاين ومن التاجرات أنا وصلتني من اللطيفة شذى 
@ShaziShop بالانستقرام

Zainah Cosmetics Lip Liner In Roseberry

اللون جميييل مرة توتي على قولتهم حبيته وينفع لكل يوم 
والماركة عربية جديدة واسعارهم حلوة 
حسابهم بالانستقرام 
@ZainahCosmetics 


Anastasia Liquid Lipstick In Lovely 

روج سائل وثابت من انستازيا اسمه لوفلي
وأخيرا جربت ارواجها وإذا تبغو الصراحة ماانبهرت مرة فيها عادية
وإن شالله البوست اللي بعد هذا بيكون ريفيو عنها صورت المنتجات وكل شي باقي اكتب البوست يعني راح نزل بإذن الله هذا الأسبوع وراح أكتبلكم مميزاتها وعيوبها،
هذا اللون منها جميييل اللي إسمه لوفلي وردي طبيعي مرة ومناسب لكل يوم ومع كثير لوكات ويناسب اغلب البشرات 
حبيته مرة وفعلا ثباته حلو  اذا حتاخذو منها انصحكم بهالدرجة.

طلبتها من الموقع راح أكتب الطريقة بالبوست إن شالله.


Lime Crime Riot Velvetines 

أما عاد أرواج لايم كرايم هي الحب 
صح موقعهم حرفياً زبالة وعليهم مشاكل كثير إلا إن المنتج نفسه خطير وماشفت نفس تركيبته الجميلة بكل الارواج السائلة اللي جربتها :(
هذا اللون الجديد ريوت عششق لونه هو لون المارسالا حق هذه السنة اللي بين اللحمي والعودي والبني مااعرف أوصفه بس لون لذيذ وطبيعي مرة وجميل ومميز ماشفت زيه كثير.


Tarte Eyebrow Brush

فرشة الحواجب من تارت هي مااظن تنباع لوحدها تجي مع منتجهم الموس للحواجب 
لسا ماكونت رأيي تماما عن الموس بس الفرشة ممتاازة مرة عجبتني وانستازيا عندهم فرشة نفس الفكرة تنباع لوحدها متأكدة بتكون نفس الجمال.
اللي حبيته فيها إنو طرف spoolie اللي امشط وارتب فيها الحواجب وطرف مشطوف رفيع ارسم فيه وأستخدمتها مع بودرة وجل وكلها كانت حلوة نتيجتها.

إن شالله راح أسويلكم ابديت على الموس اللي معاها بانستقرام بس لازم أجربه مزبوط تعرفوني مااحب أكتب رأيي بدون تجربة :)



وبس هذه كانت مفضلاتي إن شالله حبيتوها 
أشوفكم ببوست ارواج انستازيا الجاي ان شالله :*





❤❤

Twitter | Instagram | Email





2 comments:

  1. حمستيني لماركة كولو كولر بوب❤️️
    يعطيك العافية❤️️❤️️

    ReplyDelete
  2. تحمست لشامبو وبلسم الرمان ..
    بس بسألك جربتي شامبو الحصان ؟؟
    ايش المميز في كل واحد فيهم + ينفع للشعر المصبوغ ؟

    ReplyDelete

Related Posts Plugin for WordPress, Blogger...